終於都玩大畫面 (SONY VPL-HW30ES 已出簡報 P.1)
本帖最後由 yueming1004 於 2011-10-21 10:32 編輯今日裝機時要返工,返到屋企老媽子煲劇,夜媽媽終於可以開機睇下喇{:6_143:}
又多左幾個箱
終於都開幕喇{:6_237:}
主角30ES
PS3 GT5
用左部機都有一個星期,首先要多謝咁多師兄比小弟既評分,對於1個投影新手以下只係小小用後分享,絕對唔係專業級既報告請見諒
首先由REMOTE開始PICTURE MODE有齊9個SHORT CUT換模式好方便,REMOTE中間係MENU要微調部機就用得著,PATTERN用來幫助教投影畫面大小同焦點,再落小小有GAMMA,COLOR SPACE,MOTION.....各種設定選項而最底下就係銳利,亮度,對比有3粒大加減制,基本上MENU入面要用既制都有SHORT CUT要更設定都好方便唔洗下下入MENU先改到幾就手
而3D眼鏡今次跟投影機會送2副,眼鏡用USB差電慳返唔小錢買餅電,樣同新一系3DTV送果D基本上一樣,但係2副鏡係唔同形號,所以就算你已經有新/舊眼鏡都好,要用落VH30ES都要加FILTER,要買就要上SONY專門店同佢訂,FILTER係一對鏡片安好係舊眼鏡前面就可以使用,據當日SALE我果位SALE哥哥話跟30ES送果2副眼鏡就系主動式3D眼鏡統一之後既第一副,不過我就証實唔到
上面係加左filter下面係未加filter
由於第一次玩投影事先要安排好多野,首先係投影幕,係揀幕既過程基本上OS,淗池,Stewart,GRANDVIEW都有試過,最後揀左GRANDVIEW LF-M70"索繩電幕,揀尼隻幕因為見唔到有織紋之餘顏色又實正,本身自己買幕已經諗住(10K內80")而咁岩比我係網上見到有2手於是就出左手,有唔小玩開投影既高手都主張買個好D既幕,於此終投影都係投落個幕度,如果有部好機而比隻幕限制左部機既發揮,咁仲得不常失
好喇到左主角VPL-HW30ES部機係MADE IN JAPAN,本人用左2條10M既HDMI線,分別一條AQ朱古力由OPPO 95直上投影,另一條SONY DLC-HE100HF由SC-LX83上投影,主要接駁,機頂盒,PS3,HD CABLE,HDPC(主要睇電視同打機用),如果有試睇過部機既朋友都知部機真係好夠光,而自己又對調教方面實在無從入手,所以唯有參考HDAV入面既參數再做小小加減,主要再減低亮度同伽瑪用5,一開機屋企當堂多左部70"既LCD TV,當然唔係一部入門咁簡單,係一個好黑既環境下LCD既4角漏光,側背燈LED既光分布唔平衡既缺點一D都睇唔到,而且又唔會有鏡面電視既反光,真係一次過解決左好多問題
揀左4隻碟試機
今次玩投影其實主打係2D大畫面(對本人來講3D只係功能唔會常用),部機有1080 24P睇電影畫面流暢自然今次再揀多幾套戲影下相比大家睇
導火線南生圍段
蝙蝠俠2
由於3D碟本人只得2套(魔幼王國,同世界盃精華)所以3D暫時只睇過2套,先來魔幻王國之前套戲上影時都有係戲院睇過,當時比我既感覺除左3D無料到之外,一D日光既畫面總係覺得好似帶左副黑超咁,不過部機立體感真係好強,今次再睇番魔幻王國時,畫面終於感受到前後有距離,飛龍由畫面內飛近畫面時真係有一種沖出畫面既感覺,比起戲院睇有更好立體感終於覺得3D有料到,除左立體之外再睇番一D日光畫面,個太陽終於都返來喇,之前係戲院睇時太暗既感覺都無晒,部機亮度夠高睇3D都零舍唔同
而3D同世界盃精華,一D近鏡人多既鏡頭立體效果最明顯,另外一D球員行埋鏡頭慶祝既畫面就最正,立體感有如球員圍係你身邊慶祝一樣,連我一個對3D無好感既FD試過都話正
部機除左可以2D轉3D亦都可以由3D轉返做2D,以上世界盃精華就用左3D轉2D功能
最後部機有2D轉3D既功能更係唔好晒一於玩盡佢,之前未考慮玩投影之前都有試過3DTV既2D轉3D功能,相信有試過既朋友都知,尼個功能簡直係把鬼可有可無,可能我抱住尼個心態來試又估唔到部機又比到驚喜我,今次我就揀太空戰士來試2D轉3D功能,轉換之後立體感當然無3D原種會好似沖出畫面既感覺,今次換來既立體感係畫面加強左景深,背景人物前景分得開,打個比喻如果3D原種有6-7個圖層,2D轉3D都會比到2-3個圖層你,最重要係就算轉換之後畫面都唔會出現2個畫面分開合唔埋(之前我試過睇過有D 3DTV有尼個情況)
到左好多師兄都關心既串影問題,帶住副眼見睇完一套戲,可以話如果你留心去睇既話會見到有,但唔係好在意咁去留意既話你唔會察覺得到
再試埋睇波用投影睇波真係好正，之前部X300Motionflow就算用高／低／off都會有小小震，部30ES就算off左Motionflow睇波畫面都好流暢，如果用Motionflow高睇波反而覺得定到有d唔自然，所以睇波我只用off或者低
SONY今次都算快手,個FILTER訂左3日就到,依家新舊眼鏡加埋已經有4副3D眼,玩3D真係畫面越大越過引,小小既用後心得再次多謝各師兄既評分{:6_162:} 恭喜晒 ching !!{:6_195:}
因為小弟都打算玩投影,
所以有幾個問題想請問 ching,
1)請問用咩幕同投幾多寸呀 ?
2)隻幕請問幾$入手?
3)請問o係邊度入手同幾$呢 ?
唔好意思,咁鬼多問題 !{:6_162:} 真係好吸引, 好鬼毒 {:6_212:} ching 個幕好似可以再大D喎{:6_175:} {:6_195:} Ching ! 慢慢享受啦 ！ 回復 1# yueming1004
呢部機好夠光,ching要將輸出光度調到低光輸出,咁燈膽壽命長d ching 個幕好似可以再大D喎x2{:6_195:}{:6_212:} 我都好想玩投投{:5_88:} Grandview E隻幕再大D可能都裝唔到,因為佢個架比較長,Anyway恭喜Ching加入投投世界,E個假期有排玩啦! 真係毒死人！{:6_138:}