家庭影院 - 新手的決擇 2008 (轉篇)
本帖最後由 wil-wil 於 2009-9-25 16:45 編輯http://www.av-forums.net/plus/viewthread.php?tid=22538&extra=page%3D1
http://www.hd.club.tw/thread-14736-1-1.html
* 原文內容是 2005 的資料，由於基本概念相同，現以按 2008 年的情況加以修篇 *
見很多網友都問 AV 器材選購，其實好多時問題都很相似，就嘗試結集網友的經驗及觀點，希望對 AV 新手有用。很多朋友玩音響都是從 AV Amp 先，以一般打工仔來說，入門級的 Budget 通常是幾仟至萬幾，始終是血汗錢既大投資，所以會左問右問怕入錯貨。
5.1/6.1/7.1 如何選擇 (先考慮自己影音空間的尺寸，是否可以如廣告所述來安置咁多隻喇叭)
人通常是貪心的，總會以為 7.1 一定是最好的，Sales 亦會這樣引導你，最後就忘記了是否與家居環境大小配合。一段香港家居都是很細小的，究竟 7.1 是否最好呢？很多資深用家都會說效果不大，因為真係好難玩得好，如把四隻後置都裝在後牆。如果出黎既結果 - 後面大聲過前面，不如玩 5.1。
如果沒有調校好 5.1 系統，成日覺得後置沒有聲出，一於加大佢 ... 到頭來，得不到包圍感之餘，聲音又怪或只聽到超低音的拍邊聲。對 5.1 系統調校的沒有認識，根本發揮不出部機的威力，正確方法是音壓表測試，相信別人寫的程式，較出來的聲音一定好，自己胡亂設定不能調出好聲。同時，後置的擺位亦有很大的影響，通常人耳的高度及在耳後一米。但老實說單要玩好 5.1 也不容易。
如果玩 7.1，調校的難度更高，地方的大小與放多小隻喇叭有關，每隻喇叭相距不應太少，唔好貪多，搵人問意見可以，但最好問用家意見，毒氣室試音後意見可以自己感受唔使假手於人。
香港地方小，可能你又會問 ... 沙發靠牆，怎麼調整?
沙發靠牆的話，5.1 比較合適，6.1、7.1 的話因環境本身可供環繞喇叭吐納的空間已不足夠，設置過多喇叭反而容易導致音場混亂，定位不清。
環繞在沙發左右兩側的話，可試著將環繞喇叭朝後牆打，兩個環繞的高音單體略高於視聽皇帝位人耳約 15 - 25 公分 (cm)，喇叭放置位置與人坐的位置約成一條平行線，兩高音單體延伸線聚焦於頭部正後方的中心位置，以反射音方式營造環繞音場。
環繞是吊掛的話，可試著將環繞喇叭高音單體傾斜向下，朝著視聽皇帝位方向打。另外盡可能將沙發拉離後牆一些，即使幾公分也好，不要緊貼牆壁擺放。
所以，好的 surround effect 要靠好的空間做出來，不是靠喇吧數目及要有有效的調校。
Movie VS Music
通常很多人第一句就會問 Movie VS Music 既比例是 ... 60% 比 40% 或 50% 比 50% 這類問題。又會有人的結論是 Marantz 對聽歌表演較出色、Onkyo 就抵玩之餘兼顧到聽歌及睇戲兩方面、Denon 睇戲較出色，BASS 較重、拳拳到肉 (中高級機巳加入改進技術，但音樂方面仍然偏硬)、Yamaha 用作睇戲既 DSP 模式非常出色，好有包圍感同時亦平行到聽歌有不錯既表現 (各級機都能做到兩方面既平行)、Sony 睇戲既劇院模式做得非常好，特別劇院 2 模式，一如在戲院內，聽音樂是一般較電子味 (定價較貴)、 Pioneer 就分析力高... etc.，既然有人有這樣的結論，你可信別人，亦可信自已，但反而這問題是否重要? 到底世上有冇一魚多吃?
如果用 BDP (Blu-Ray Player) 做訊源聽歌，用 AV amp 的 DAC (Digital-to-Analog Converter 數位類比轉換器)，這樣處理 CD 音樂的訊源已不是很好，同時喇叭及線材的表現亦有影響，如此配搭就請不要執著這分別，最緊要自已試時滿意 happy! 要真正既 Music 不如影音分家 ...否則有聲出就算，如果聲音仲 OK，當係 bonus!
影音跟本係河水同井水，在設計概念上已有明顯分別，如果需要到一雞兩味，請放下自己貪婪的要求!記住，現在是教你入門級，寧願日後有錢，影音分家。
AV Amp Power
其實在兩聲道世界裡，50Wx2 與 80Wx2 的分別是否很大? 很多時都要看情況，如果用 8ohms 書架喇吧應該分別不大。那麼 AV Amp 130W per channel to 100W per channel 的分別又如何? 一般家居通常都是用小型書架喇吧放在影音櫃上，中置放在電視機上或下，只能說火數大的心理因數勝於一切，如你有幸可在家中試齊同一牌子不同型號，你又會發現分別有幾大呢? 再玩埋 Blind Test 又會什樣? 同埋一般的試音室面積與你的斗室相差多少呢！切記，試音室與家居環境分別太大，你自已得果佰幾二佰呎 ... 買機時的試音室又你話我知幾多百呎?
所以新手玩家挑選一部入門級或略高一級的 HD AV amp 以十分足夠! 加上現在 HD amp 有 Audyssey MultEQ 自動音場調整，所以對新手更加方便!
記然是 HD AV amp,究竟是否 能支援到越多 HDMI 越好?
我就唔太覺，但越多輸入輸出 HDMI 插頭既 Amp 多數係高階機。所以你有多 HDMI 輸入有要好質素買多部 HDMI 分線器好過，但記住要注意早期HDMI 1.1/1.2 與 1.3 之後版本同時混合使用既問題。(詳細情況 不在此篇文章研究)。
揚聲器
由於今時今日既科技先進， 5.1 / 6.1 / 7.1 系統要求隻隻喇叭都要一樣，咁先模擬到坐位被 360 度的聲音包圍效果，如果 budget 有限或地方問題，最好買 5.1 套裝 ... 唔使煩! 起碼唔洗擔心五對喇叭同 suwoofer 夾唔夾或點個別調教問題。
但如果要分開買，最好買 8ohms 喇叭，會對AV amp 的電流需求較細，4ohms 會要求較多電流。理論上，五隻喇吧要同一型號，不存在後置中置用差少少的問題，在電影院裡，會不會有前後喇吧不同呢? 但一般玩法的卻不同，可能有人覺得後面來的聲音較少，所以用細少少。另外十居其九會將後置放得好近坐位或吊得高高，實際聽感會有 D 古怪! 之前提過是人耳的高度及在耳後一米左右 (詳細擺位不在此篇文章研究)。
至於前中置是否要同一品牌，又是一個沒有絕對答案的問題，心理因素覺得會夾聲勝於一切。提一提入門級座地喇吧不要信有好好的低音 (其實只不過做長 D 對腳唔使買腳架咁解，仍是一對書架喇叭)，一般都要加超低音，買個好少少的超低音會較好，如果負擔得起 (豪華入門級)，買個二仟元以上級數已經有唔錯的表演。因為很多時大聲壓的包圍感，如有強勁的超低音，真係唔同晒。
如有打算日後影音分家，或會較多聽歌，前置最好買好少少，入門級 budget 不宜考慮。
線材
首先，最好不要貪方便，一定要格價，否則隨時買貴野。
反而用專業線又平又好用，例如，Mogami, Canare, Gotham, Northwire, Belden 等牌子的 DIY 線，全部都是由$10 - $50 一米的線，幾佰蚊應該夠。後置由於用得多線，買$2 - $3 一呎的線便算了。以入門級，這樣用已不錯，錄音室及剪片房或制作 DVD / Blu-Ray 地方都係用呢 D 貨色。
銷售點及格價
買機地方通常都是旺角、銅鑼灣的樓上鋪或凶宅等。至於邊間老實，好難答 ... 其實只要自已小心，唔對路便走，勿貪便宜，從網上見到別人的苦水:通常都是有價冇貨、可能是水貨、可能是退貨、很多可能性! 但切記，不要落訂等下一水，很多人中了計。如果睇中左，試下 D fd 用緊的器材，電話直銷訂貨 / 格價都可以考慮。
選購前後注意事項
入門級新仔最易呃，搵個信得過的朋友一齊去入睇睇、多個照應。Sales 俾 offer 你要小心，同個朋友研究下或甚至再返轉頭 ... 如果覺得 Sales 有問題，去過第二間。
至於選購什麼牌子問題就仲難講，只能說問好意見後，在兩三相同 budget 品牌的中靠自己憑感覺試清楚邊部鍾意邊部就就買。同埋唔好貪平買部會在心裡留下刺印的機，始中影音產品都是感覺主導!
無論新舊老手都好，絕大多數來來去去都是果幾個大牌子之中揀，各有各捧場客! 根本不存在邊個牌子明顯好個另一牌子的問題，主要是考慮個人喜好、Sales 點 sell 到你、剛剛有乜節日 offer ... 點都好就係錢與感覺既自我鬥爭 ，邊個幫到你!?
講到 Sales 點 sell 你，切記不要聽 Sales 講買一些不知明的牌子，甚至明明是國產機，又話 Design in England ... 、又或者老細是加拿大藉香港人 ... 上網 check 下唔太難? 唔好咁易信 Sales，就算唔係黑店都咁話!
Budget 低不如玩 Blu-Ray + 5.1 套裝仲好，多少少才考慮 HD AV Amp + 5.1 套裝 / 7.1 套裝，起碼 speaker 細隻 d ，後置較易放在 ear level，亦可用後置腳架。
還有新手中最貴既玩法是 HD AV amp + 7.1 喇叭及 subwoofer 獨立選購，但前文都提過最好喇叭用同一品牌。
最後係唔需要怕醜，多到不同影音舖試聽不同組合表現，令自已有一套客觀的音效、音色標準，否則好難知道自己真正鍾意什麼感覺及要求是否合乎實際環境!
總結
買乜都好，做足功貨、量力而為 ... 玩影音呢樣野絕對是無底深潭。新手門記住無野是最好，現在影音技術發展得咁快，今日你以為最好咩，明天就不值一看! 如果要好野就記住睇清楚本說明書，研究清楚點發揮到巳買入既 Home Theatre System 先。
要玩到最好? 絕對不易 ... 當中大有學問與技術之餘，仲需要大量金錢及地方環境既配合! 另外推介一本係香港 2008 年中出版既書比新手用家，
呢本書可能部份網友或 AV 友巳經同我一樣買左，
但我相信如果真係極新手用家未必知到 ...
呢本書必定可以幫新進 AV 友設定到新購買番黎既 7.1 高清家庭影院，
書名係:『高清擴音機應用指南』
http://www.chillimedia.com.hk/images/book/CoverBig/Amp_cover_300.jpg
簡介
香港的高清數碼廣播時代正式降臨，Blu-ray Disc 高清藍光影碟一統天下，在這個全民高清的年代，《高清影音進階 - 高清擴音機應用指南》，正好針對入門影音用家而編寫，由淺入深地講解新一代高清擴音機和環繞聲系統的技術、選購、功能和應用，配以多款人氣品牌擴音的實例示範，務求讓用家輕鬆的建立自已的高清家庭影院，玩盡自己的高清擴音機！
CHAPTER 1 技術．選購篇
甚麼是高清家庭影院？
我需要建立家庭影院嗎？
高清家庭影院包括哪些設備？
高清擴音機有甚麼功能？
高清擴音機的內部結構是怎樣的？
高清擴音機有甚麼規格指標呢？
數碼環繞聲音效有甚麼制式呢？
甚麼是Dolby音效制式？
甚麼是DTS音效制式？
THX認証是甚麼？
高清擴音機的端子種類眾多，應留意甚麼？
日系品牌的高清擴音機，有甚麼專利技術？
歐美系AV擴音機跟日系AV擴音機有甚麼分別？
Audyssey MultEQ技術是甚麼？
各環繞聲聲道有甚麼功用？
5.1、6.1還是7.1？
選配環繞聲喇叭有甚麼要注意？
甚麼是Blu-ray Disc藍光影碟？
CHAPTER 2 音效設定篇
何謂靚聲的家庭影院？
5.1和7.1喇叭應如何擺位？
如何把高清擴音機連接至影音器材？
如何進入高清擴音機的設定介面？
如何連接各種影音訊號線？
高清擴音機如何連接至喇叭？
如何把Blu-ray等高清播放機連接至高清擴音機？
如何把高清機頂盒連接至高清擴音機？
如何分配不同的影音訊源至高清擴音機？
如何進行自動音場校正？
如何進行手動音場校正？
如何設定超低音喇叭？
如何設定Blu-ray播放機和機頂盒的正確解碼？
各種環繞聲音場效果有甚麼分別？
CHAPTER 3 影像及多媒體應用篇
高清擴音機的HDMI影像轉換和增線功能有用嗎？
如何利用高清擴音機作畫質調校？
如何利用高清擴音機播放電腦網絡和USB手指上的音樂？
把HDPC高清電腦連接至高清擴音機，有甚麼要注意？
CHAPTER 4 進階擴音機玩法篇
何謂空間聲學（Room Acoustics）？
如何調整EQ曲線？
高清擴音機有甚麼功能，可提升音樂播放質素？
如何利用Pre-Out輸出端子，提升音效質素？
APPENDIX
高清試機碟推介
高清擴音機專門店介紹
環繞聲喇叭組合推介
HDMI線材推介
各大高清擴音機規格一覽
影音訊源連接／擴音機手動設定worksheet
以上書籍資料轉載自辣椒出版社網站
http://www.chillimedia.com.hk/book_inside.aspx?bookID=20080515
[ 本帖最後由 wil-wil 於 2008-10-29 04:53 編輯 ] HD AV amp 中許多型號與廠牌都用上了Audyssey 出的音場聲音頻率修正晶片，跟著擴大機一起而來的麥克風經由原廠建議的設置方法、測量您的視聽空間後，利用 EQ 調整可以改善視聽室中不理想的頻率響應（例如某些頻率的缺陷或是駐波等），從而增加了視聽室裡的皇帝位（SWEET SPOTS）。
但原來設定時亦有好多野要留意，所以大家記住利用 Audyssey MultEQ 自動音場調整前，查閱以下資料先，部份內容是 Audyssey 既技術部同事提供:
Audyssey MultEQ 音場調整須知 (轉載)
http://www.post76.com/discuss/viewthread.php?tid=6282&extra=page%3D1 『高清擴音機應用指南』
本書仔幾好咁喎 多謝wil wil提供咁有用嘅資料
相信唔只係入門新手有用
就連我呢O的O岩O岩入門口嘅都可以温故知新一下 chhanthony 兄, 多謝你支持!
但入門玩家資訊點幫到你，
多多指教下你 pro 玩既知識我地學下野就真!
原帖由 chhanthony 於 2008-10-30 10:50 發表 http://www.post76.com/discuss/images/common/back.gif
多謝wil wil提供咁有用嘅資料
相信唔只係入門新手有用
就連我呢O的O岩O岩入門口嘅都可以温故知新一下 多謝wil wil提供咁有用嘅資料自然療法
家務助理包裝
印刷公司搬屋公司
室內設計公司[url=http://www.officefurniture-
supplier.com/office-chair.html]Office ChairStorage
結婚蛋糕Virtual
Office 多謝有用資料~~~{:6_128:} thank you ar...very helpfull {:6_193:}thanks~~