冒險鱷園......J J 小評 (含內容)
http://revamp.dddhouse.com/cms/images/products/Rogue%20Deldvd.jpg除左SUPER HERO既戲，大怪獸大怪物既電影係我既第二最愛，如果唔係太爛既基本上都會去睇，而呢套當然都唔例外，加上仲有SILENT HILL個女主角做添，有D信心果隻。
故事都係老調牙無乜新意，係講一大班o黎自不同地方既遊客去睇鱷魚既野生動物園，一路都無事，回程時見到有d閃光o係天空墜落 (成套戲好似唔多覺佢有交代d閃光係乜)，但閃光既位置係平時唔會去開既，係唔衰裸黎衰既環境之下，原來果處係住左一條超大既鱷魚 (你踩人地既地盤比佢咬無得講啦)，去到呢度你都估計到劇情發展係點，死幾件就無走雞，男主角忽然神勇亦都係意料之內，女主角相對戲份就弱左d啦，完全無同條鱷魚大戰既場面。而呢d戲最難收科係隻巨獸最後點埋尾呢？(因為有時前面吹得太勁，到最後幾野就收檔真係好鬼兒嬉架) 我就覺得呢套都係偏兒嬉果隻，而最後仲諗住佢會彈起多次，比多個驚嚇位大家，點知答案係..............無既，呢o下反而估鬼錯！
鐘意呢d片種既朋友，相信唔使我多介紹已經自動波睇左，套戲不過不失啦，一看無妨既電影！
故事內容︰
旅遊小說家彼德參加了國家公園舉辦的水上冒險之旅，旅途中導遊凱蒂負責駕駛遊船及介紹沿途明媚風光，卻誤把船隻駛進了「神秘三角洲」。突然水底浮出不明生物狂向遊船猛烈襲擊，船身受損而開始沉沒，情況極為險峻；凱蒂為了團友們的安全唯有把船駛往附近的沼澤小島上，卻遇著潮漲而令船上所有通訊系統全被浸壞，全團人叫天不應叫地不聞。天色逐漸昏暗，大家開始煩躁不安及失控，正當他們準備逃生時，卻已經逐步走向「死門關」—成百條兇狠的巨鱷正虎視眈眈牠們的美味晚餐……
[ 本帖最後由 lkljason 於 2008-10-27 10:51 編輯 ] 個女主角 咁都唔死得 真係做戲先有 個男主角比條大鱷咁撞埋去都唔死得 真係做戲先有
呢d戲通常都要有個早有預謀既人想捉條大鱷 , 再引班主角去先過引ma ~ 原帖由 里奧 於 2008-10-27 14:11 發表 http://www.post76.com/discuss/images/common/back.gif
呢d戲通常都要有個早有預謀既人想捉條大鱷 , 再引班主角去先過引ma ~
我覺得應該比果兩條友救咁d人上去佢地架小艇先，之後條鱷魚至整到反艇，感覺上會覺得條鱷魚有智慧d，而家條鱷魚真係有點超低能有餘，勁搞笑不足囉！XDDDDD 條鱷魚咁樣死法，真係做戲先至有。其實呢齣比洲立前出的《狂兇極鱷》拍得差少少，但條鱷魚就做得比《狂》片真好多，但衰極都好過1999年的《極度凶鱷》。若果喜歡睇呢啲嗜血鱷片，小弟推介1980年的《大鱷》，佢並唔會學而家啲同類片般淨係識賣血漿，又或者明知會死梗但都會走去送死的橋段，條鱷魚有性格嘅，細細個被主人遺棄沖咗落屎坑，令佢對人類懷有仇恨，喺地下水道食咗啲被化學感染的食物而變種，是八十年代的生化怪物的先驅，跟住重要上地面見人就 原帖由 劉一舟 於 2008-10-28 01:18 發表 http://www.post76.com/discuss/images/common/back.gif
條鱷魚咁樣死法，真係做戲先至有。其實呢齣比洲立前出的《狂兇極鱷》拍得差少少，但條鱷魚就做得比《狂》片真好多，但衰極都好過1999年的《極度凶鱷》。若果喜歡睇呢啲嗜血鱷片，小弟推介1980年的《大鱷》，佢並唔會學而家啲同 ...
thanks一舟兄介紹，狂兇極鱷印像中睇過，但真係唔多記得故仔講乜添Smilies027
有機會真係穩o下你講套大鱷黎睇o下，請問有出過dvd嗎？
原來係閃光彈，可能我miss左了！Smilies005 原帖由 lkljason 於 2008-10-28 09:19 發表 http://www.post76.com/discuss/images/common/back.gif
thanks一舟兄介紹，狂兇極鱷印像中睇過，但真係唔多記得故仔講乜添Smilies027
有機會真係穩o下你講套大鱷黎睇o下，請問有出過dvd嗎？
原來係閃光彈，可能我miss左了！Smilies005 ...
”狂兇極鱷” 有”逃”坐監大佬做嘅，講一隊美國新聞攝製隊，奉命為一條25呎長的食人巨鱷拍攝獨家專輯，於是深入非洲森林打算將佢活捉，不過他們萬萬料不到，這條被土著稱為「古煞」的巨鱷，反變成了真正的狩獵者：牠聰明、矯捷、嚐血、難測，鎖定目標後便會展開鍥而不捨的追殺，令眾人的處境變得岌岌可危……這故仔根據真鱷真事改編，唔係成日見到條鱷魚，因為見到就知好假......;P
"大鱷"出過美版DVD！！！:D 好詳盡~~thank you晒！
頁:
[1]