<<天姬戰>> A區港版碟評(附實物圖及截圖)

Hugo Fok 發表於 2011-7-31 00:26

本帖最後由 bluray1080p 於 2011-7-31 18:26 編輯

<<天姬戰>> A區港版碟評(附實物圖及截圖):

<<天姬戰>> (Sucker Punch, 2011)，是一套由映像派導演薩克薜達(Zack Snyder)所執導的超現實科幻歷險電影。故事的主線是描寫女主角BABYDOLL設法集齊五樣”法寶”的冒險奇遇。(在實際上，這只是一次從精神病院”教腳”的幻想之旅。)當中要面對的敵人包括有古代巨型日本劍客(做型十分之有鬼武者FEEL)，二戰納粹機械活死人，中世紀”樣衰”獸人以及一條”勁爆”噴活龍。

電影本身的看點:

這套電影中用的敘事手法近年少見。事關電影一開始就用了BABYDOLL 的故事作為故事的引子，以MTV的”無對白”開場作為一個女主角的背景交代。簡單、直接、易明，是一個上佳的故事開首。可惜，”好的開始，只是代表成功的一般，但不代表有好的收場”。這一套戲就是當中的表表者是因為套片去到後半段已經無乜新的元素可以繼續將個劇情整到再"爆”D，只是不斷咁重複又重複，炸完又再炸，過完一版又一版，十足完緊”BIOHAZRD 5”咁，攞完道具就過版。如果早知套戲是這樣的格局，片商就索性用翻之前個暫名”超時空美少女戰士”好過，起碼D觀眾都有D心理準備。

可幸的是，<<天姬戰>> 絕對是今年，甚至是繼”亞凡達”(AVATAR, 2009)後最數一，數二的試機天碟…

畫面、聲軌、字幕、特別收錄:

在畫質方面，A區港版<<天姬戰>>繼續貫徹著華納影碟的優良精神，以做到演示級的畫質為己任。片中冷色的精神病院以及暖色的歌舞廳，甚至是萬人空巷的城堡噴火龍大戰，都能原汁原味地重現翻在戲院裡所感受到的耀目和沉鬱。

A區港版<<天姬戰>>採用了DTS-HD Master Audio 5.1(DTSHD MA)的格式收錄正片的主要原聲英語聲軌。音質可以拍得住同樣是DTSHD MA格式的<<亞凡達>>。A區港版收錄了粵、國語等的華語字幕，需要中文字幕的碟友可以放心入貨。

在特別收錄方面，A區港版《天姬戰》收錄了”前傳漫畫短片”、”電影原聲大碟的背後”等幕後製作片段。

小弟認為，一部好的動作片不外乎故事簡單、易明、直接。動作場面夠大、夠壯觀。聲效勁得黎有層次，動態同定位夠足。《天姬戰》絕對有齊以上要素，一等一的試機碟。

sclendan 發表於 2011-7-31 02:56

嘩師兄有圖有字, 唔該晒! {:6_193:}
呢套都會有機會睇既, 不過我預左聽聲睇場面算喇, 太入戲我怕睇到人都癲呀... {:6_174:}

datacoma 發表於 2011-7-31 04:14

呢套野既橋段鋪排係好有問題，唔睇到尾係唔會知前面搞咁多野出黎原來係為左咁咁咁......銀樣。
雖然係~ 佢可以解釋番上文下理，但唔好意思...
由於觀眾既情緒比導演帶住遊花園遊左足足個幾鐘；經已魂魄唔齊....
到佢解釋完；相信觀眾都以經斷左氣而最終返魂乏術.........。
而我覺得最失敗既係~ 講女主角既舞技可以引人入勝到令所有人都有[過五關斬六將]既奇遇感覺...{:1_328:}
但係個女主角到底PART舞'跳成點'先會令人有咁強烈FEEL呢......SORRY！佢係完全、少少連郁下個膊頭都冇得比你見。{:1_329:}
即係齋講就要觀眾認同及感同'其他角色'受，嘩！佢咁高意境；我就6尺都唔到，又點高攀得起黎識去欣賞呢！{:1_352:}
不過又咁講，[天姬戰]如果唔帶個腦入場都還可以睇下既，事關強烈既影像加歌仔真係 {:1_351:} {:1_351:} {:1_351:}
而且講古仔最差都未輪到呢套，因為重有[幽靈奇俠]呢碟好好味既垃圾極品墊底。{:1_260:}

命硬好人 發表於 2011-7-31 07:09

如果呢隻係加長版, 咁就係perfect...

Jackyt 發表於 2011-7-31 08:33

多謝 Ching 的碟評~

小龍發表於 2011-7-31 08:52

Good report, 呢套片一句可以講哂, 幾套MTV併成嘅一出合成戲

dragonyam 發表於 2011-7-31 09:30

好精彩嘅一篇report，thanks c hing{:6_193:}

kwchow08 發表於 2011-7-31 10:16