古靈精怪調聲法...後果自負.....(^_^)
本帖最後由 ilavbnm 於 2011-7-26 16:48 編輯我o係另一個分區回覆時寫左一句"當時仲有好多古靈精怪o既調聲方法"
令我想起好多以前音響圈中盛傳o既古靈精怪野
突然好想同大家分享吓
不過我又唔知貼o係邊區好，既然係調聲方法，我就大胆貼係DIY區啦
如果版主覺得唔適合，可以隨便移區甚至刪貼亦可，絕無怨言{:6_162:}
1.喇叭線
玩喇叭線當然唔算古靈精怪
但係以前音響圈有一段時間唔係玩"金‧銀‧銅"線話邊種線好聲...而係玩長度
當時有一說法: 喇叭線係14尺半最好聲，而我就係唔信果一邊o既人
每次聽到有人咁講，我都會問14尺半包唔包义 / 蕉插
跟住仲會話:如果我將條線剪短1mm / 1cm，你又聽唔聽到分別?{:6_158:}
2.摩喇叭
摩喇叭當然亦唔係咩古靈精怪野
大家摩喇叭多數換接線‧電容，講究d就換埋電阻
但係當時有一股"熱潮"唔係換喱d...係換線圈...當時有兩種線圈好hit
第一種係6角線圈
線芯橫切面成6角形，有傳話用喱種線繞線圈，線芯會成蜂巢狀排例
令線圈更緊密，所以更好聲
第二種係銅薄線圈
將銅壓成薄片繞製線圈，當時講法係:銅薄比銅線傳輸力更好更穩定
更有人話:喱種係最好聲o既線圈(我自己都仲留有幾個喱種線圈，不過唔知係咪最好聲{:1_260:} )
我就好耐無留意喱d野，而家仲有無喱兩種線圈{:6_141:}
3.CD....CD係最多古靈精怪調聲方法o既野
A.CD圈
CD圈顧名思義真係一個圈，好似一條大"橡筋"咁樣，不過就無咩彈性
剛剛可以套住隻CD，當時hit到連文具舖都有得賣~死未{:6_235:}
B.神筆
曾經有廠商出過一支外形同普通綠色箱頭筆無咩分別o既神筆
話用喱支神筆油左CD碟o既內外圈，咁隻碟就會靚聲好多
最後更有人話:普通綠色箱頭筆都有近似效果云云，可以慳好多{:6_176:}
C.寶貼
o係CD內圈與外圈中間左右o既圓周範圍"品"字形貼三粒寶貼
每粒大約紅 / 綠豆大小，然後將寶貼壓平，咁樣隻CD又會好聲d咁話
仲講究到....話要留意寶貼o既大小，過大 / 過小都會唔同聲{:6_177:}
D.雪藏CD
聽CD前，將隻CD放入雪櫃冰格5-10分鐘
然後攞隻CD出o黎抹吓d水氣先放入CD機
咁樣又話好聲d.......冷凍技術係咪咁o黎o既呢?{:6_158:}
E.沙紙轆CD
將兩張大約1000號o既水磨沙紙互相磨擦，令到沙紙更幼細
然後將沙紙打磨面向出捲o係一個小型圓柱體上(例如:菲林筒)
跟住o係CD底(透明膠果面)由內圈至外圈 / 由外圈至內圈
直線來回反覆轆至起霧狀，當然係成隻CD底都要轆啦
不過要記住係轆唔係磨，有人話轆完隻CD靚聲好多
至於要轆到咩程度先係最好聲而又唔會轆死隻CD...真係唔好問我{:6_134:}
以上講o既所有野，有幾多真幾多假~我都唔知
純粹想講吓以前音響圈子中流傳o既古靈精怪調聲方法
如果有C兄跟住照做，後果自負..................{:6_238:} 我聽過喇叭線長度、CD膠圈同綠色CD筆，其餘未聽過。全部都未試過。唔知有無師兄試過呢? {:6_141:} 仲有...胆機玩胆唔出奇
但係連胆罩都有得玩.....{:6_229:} 本帖最後由 KING 於 2011-7-26 16:20 編輯
仲有...胆機玩胆唔出奇
但係連胆罩都有得玩.....
ilavbnm 發表於 2011-7-26 15:49 http://www.post76.com/discuss/images/common/back.gif
都幾攪野喎!{:6_175:} 由以玩CD呢part添!{:6_174:}
喇叭線我都有聽過呢種說法! 好攪野.
好多都未聽過.
hi fi 野真係一門高心既學問. 小弟已經補返"銅薄線圈&寶貼用法"圖
最後...其實我都有幾個胆罩...但~真係唔知掉左去邊
如果搵到...我再影過比大家睇
至於其他........無計.................{:6_210:} 用電磁爐幫隻 CD 消磁
{:6_138:} 真係—篇好 HI-FI 應用文章 ！ 都幾攪野喎! 由以玩CD呢part添!
喇叭線我都有聽過呢種說法! ...
KING 發表於 2011-7-26 16:19 http://www.post76.com/discuss/images/common/back.gif
KING SIR唔好扮野喎
以KING SIR資歷點會未玩過..........{:6_190:} 本帖最後由 KING 於 2011-7-29 23:15 編輯
KING SIR唔好扮野喎
以KING SIR資歷點會未玩過..........
ilavbnm 發表於 2011-7-26 20:56 http://www.post76.com/discuss/images/common/back.gif
玩野同資歷係兩回事黎呀!