危機解密.....J J 小評 (含內容)
http://www.elle.com.hk/var/ellehk/storage/images/celebrity/movie/source_code_movies_news/2539302-1-chi-HK/Movies-%E3%80%8A%E5%8D%B1%E6%A9%9F%E8%A7%A3%E5%AF%86%E3%80%8B_reference.jpg一開始已經戲肉講個男主角o係火車裡面,但好奇怪佢o係火車裡面既身份並唔係男主角自己本人,跟住火車發生大爆炸,當然男主角亦唔能夠幸免啦!
haha....係咪抓晒頭唔知我講乜呢!睇落去其實就知原來男主角係做緊一項任務,但呢個任務開始時連男主角自己都唔知有任務在身,甚至乎唔知道自己已經原來.............!
拿~~呢d有懸疑、有解迷加劇情既戲,爆晒結局出黎就唔無引勒,留翻自己睇。套戲有d 蝴蝶效應既簡化版feel,都唔知算唔算可以time travel,不過睇完後都覺得有d地方唔係好講得通!
以下含重要劇情,不喜勿看:
套戲講話死左既人有8分鐘既記憶可以比男主角返去案發現場調查,但其實個死者唔會同成架車既人或者事物有接觸,正常男主角都唔可以好似而家套戲咁樣做乜都得。同埋最後個女軍官收到男主角個message,係咪想講男主角除左最後救到列車班人外,其實呢個Source Code仲可以改變左未來。 回復 1# lkljason
勁含內容
仲有最後結尾,男主角已經o係新世界代替左阿Sean個身份,咁原本個世界男主角係咪已經消失左呢?但結尾個女軍官收到男主角個message,果時應該仲未開始執行任務,咁男主角其實咪仲o係原本果世界果度呢?正常女軍官果時應該都未同阿男主角溝通過,佢收到個咁既message應該都唔知係發生乜野事!
呢度有d唔明! 同其他朋友討論過呢套戲,得出結論,其實男主角每次返翻去火車爆炸現場都會制做左另外一個空間 (呢樣野博士當初已經否定左係無可能),但實際只有男主角自己至知,因為博士自己都無試過!所以最後果次返翻火車現場救返班火車既人,男主角已經重新創造左一個代替左阿sean既空間,即係同女主角一齊既空間,而佢sent sms比女軍官,個女軍官收到一個好似預言既sms都會覺得好奇怪!(因為博士都係岩岩收到訊息個炸彈狂徒o係火車比人拉左)
有錯請糾正! 攪唔掂..... 如果用 "平衡世界" 呢個 concept 去諗, 就會易明 d
最緊要一樣野, 係, 平衡世界之間係咪可以互相溝通呢...就正如套戲咁, 响 source code 個世界 send sms, or 打電話俾現實世界既人..會點呢..?
我最質疑係, 由於 source code d 資料/畫面,係由一個死左既人既最後 8 分鐘記憶所組成,...照計, 啊主角應該只可以响個死者死前所見到既事物去揾答案啫......
但係點解 主角勁到可以見到一d 响個死者個8分鐘記憶入面無既野呢 ?? 例如兇手架貨 van....
頁:
[1]