y記音場好大,可以玩到比你空間大2倍音場
p記分析力好高,可以玩到你聽到有好hifi的分隔度
當然y記分析力 ...
鐵心心 發表於 2011-7-20 01:14 http://www.post76.com/discuss/images/common/back.gif
多謝心兄, 明白喇, 睇黎小弟都係走唔甩83~{:6_208:}
新嚟報到，見到呢個post真係好多謝ching畀咁多意見，睇完都忍唔到手打番兩句。
我十幾年前大學時代學人玩AV，乜都唔識走咗去泰林買第一套AV，畀個SALES點，試咗幾試，就入咗DENON 的AV AMP形號唔記得，嗰個年代仲玩緊2.1聲道為主的prologic，當時真係覺得denon 好爆，好enjoy。玩咗6、7年之後就去到人生的另一階段，開始換第二部amp，而家仲用緊係onkyo的898，玩到而家，都玩咗十年，呢排又身痕，覺得部機都開始老化，於是就開始去睇新的amp。以下就係小弟呢排睇amp的結論，唔知啱唔啱，當係分享吓，大家鍾意點插都得，因為我真係冇呢到d ching咁pro.
我其實真係十年冇乜留意硬件的消息，所以當要換amp時，就每個品牌的amp都走去試聽。講真都未必聽得真，大家都知，間間舖頭d setting都唔同，同一部機你去a舖聽同b舖聽可能會有好大分別，就好似我咁，去咗a舖聽M記的7006，間舖仲用緊同軸同DVD去駁部機，大家可以諗到D聲有幾好。
咁去試聽之前就上去不同的網站搵吓資料，搵咗以下幾部，P記的LX83，Y記的2067，O記的3007。但真係搵唔到一間旺角舖有齊咁多部機，聽完之後有以下的"感覺"。
LX83係我今次轉機的首選，睇戲時分析力好好，聲音好細緻，感覺聽到晒所有的聲音咁。聽演唱會就出番隻碟做出嚟的音色(例如隻碟人聲出D，就會出返人聲，但如果做現場聲音好D呢，又會出番現場的氣氛。)。同我之前兩部AV AMP的性格好唔同好，好想買番屋企試。
隻2067呢就係一貫Y記的招牌聲音，睇戲的現場感同包圍感做得好好，但聲音好似薄咗一點，距離好似遠一點。睇演唱會呢就好正，分析力冇LX83咁好，但就好有現場的感覺，但分析力就差一點，LX83可以分到D樂器的聲音由邊到嚟，2067呢就好易令人有投入現場的感覺。
到3007喇，D聲低好熟，同之前部898好似，但層次高咗幾級，睇戲D聲真係"勇"埋嚟，每聲道都不停畀SINGAL出嚟，你接收唔切，好勁，睇演唱會個感覺就同Y差唔多，但係感覺冇Y咁細緻。O記唔係唔鍾意，但係我受咗呢把聲接近十年，係時候要換，所以冇再考慮呢部機。
咁最後我換咗邊部機呢？答案唔係LX83，係D記的4311。我由頭到尾其實冇諗過D記，因為之前睇部898的時候都有考慮番D記的機器，但係嗰時的機器就唔爭器，冇晒力水，所以冇考慮，或者我嗰時換機時冇試真，所以有呢個錯覺，所以今次換機之前冇試D記。但行行吓諗買LX83前，有間舖放咗部4311出嚟，就口多叫個店員開聲試一試，一開聲就吸咗我埋去。其實係個人的感覺，D低頻做得好好，冇得頂，睇戲嗰種低頻真係唔得了，講真，如果唔鍾意，可能會用肥大嚟形容，但係我唔知呀，就係因為佢肥大肉厚，同埋真係好立體，好似有個人係我前面打緊鼓咁，所以我揀咗佢。部機呢兩日會返嚟，到時再同大家分享吓我的試機情況。
多謝大家睇晒成段文，哈哈，打得好暢快。
P.S.：由頭都尾都係用感覺嚟形容，因為機呢樣嘢，真係每個人都唔同，好講"感覺"。
新嚟報到，見到呢個post真係好多謝ching畀咁多意見，睇完都忍唔到手打番兩句。
我十幾年前大學時代學人玩AV ...
u53549394 發表於 2011-8-1 11:29 http://www.post76.com/discuss/images/common/back.gif
我都試過部4311
睇戲真係超正
演唱會就BASS過重
但超出我預算
可能下年會再換機直上48XX
how much4311...? ching係邊到試...?THX
新嚟報到，見到呢個post真係好多謝ching畀咁多意見，睇完都忍唔到手打番兩句。
我十幾年前大學時代學人玩AV ...
u53549394 發表於 2011-8-1 11:29 http://www3.post76.com/discuss/images/common/back.gif
一睇就知師兄係老手啦, 基本上你篇post已經講晒日系五大牌子嘅特質...部4311一定好好玩, 公起晒. {:6_195:}
試就係友誠九樓，買就係德發間某店舖買的。部機d聲還在在改變中，有排煲。
分期價$15000
試就係友誠九樓，買就係德發間某店舖買的。部機d聲還在在改變中，有排煲。 ...
u53549394 發表於 2011-8-19 12:11 http://www.post76.com/discuss/images/common/back.gif
我試過幾部機,最後揀左philips 9900
試過O記得冇咩好=.=
Y記2067 D現場feel係好正,但爆唔起
D記4311,真係好爆得,好想攞佢番屋企,但真係唔夠錢><
最後試部philips 9900爆得起,又聽得演唱會...正^^
要爆既唔好諗y記啦, 雖然佢分析力同包圍感好, 但y記出名聲薄唔夠力, 我用左成八年都唔幫佢。要夠力係d記同p記中揀, 前者似打boxing拳拳到肉, d低頻湧埋身, 爆炸場面最岩。後者打詠春, 講求速度與迅變, d punch連綿不絕咁, 聽槍戰就一流。
一個泰拳，一個詠春，加埋太極和少林，點簡呀？{:6_243:}
