出糧總要豪一次，同一隻game買兩次= =
今日行開188去搵下d平碟。去到一間賣二手嘅鋪頭，係一堆二手game入面比我搵到隻全新的X360版《VANQUISH》~$180。雖然已經有PS3版，但始終好喜歡哩隻game，所以心甘情願咁買埋佢。對上果次應該係bio4，又係買左兩個版本，不過都已經5年前嘅事，估唔到今時今日自己仲係咁忍唔住手呢。eNjOy{:6_193:} 我當時就係一隻遊戲買晒兩個版本,係方便兩部機都有得玩下,但衣嫁變咗無晒呢種興趣,因為當我玩完ps3後,取得咩咩咩東西後,又不想開別一部機由頭玩過了.....{:6_199:}
不過恭喜晒先! {:6_236:} 又爆多次了~感覺X360版比PS3無咩分別~但fps的確較穩定~鐵形金剛放彈幕同埋Kreon關卡都冇甩大格嘅情況~話說之前Bethesda話三上真司下一款作品(亦聲稱最後一款作品)將會於2012年登場(登場未必等於推出)~從Tango放出的設定圖(見下圖)可見是一款同怪物有關的遊戲~
Enjoy!{:1_326:} Ching 好正, 兩部有齊, 想問問係咪PS3畫面一般靚D, 但上網就Xbox 順好多? 因玩過online PS3 唔係好順 本帖最後由 @肥狗仔@ 於 2011-7-6 20:17 編輯
Ching 好正, 兩部有齊, 想問問係咪PS3畫面一般靚D, 但上網就Xbox 順好多? 因玩過online PS3 唔係好順 ...
pinkspider 發表於 2011-7-6 18:53 http://www.post76.com/discuss/images/common/back.gif
如果係早幾年的話，有9成8嘅多平台遊戲都係PS3畫面較差。不過近幾年都多左PS3版畫面好d嘅例子。近期好似《Portal 2》﹑《L.A. Noire》﹑《Shadows of the Damned》等遊戲都係PS3畫面較好。另外《Crysis 2》﹑《Homefront》﹑《惡魔城》嘅PS3版都有自己嘅畫面優勢。不過老實講你兩個版本嘅不同你玩果陣根本唔會留意的。如果係雙機主選擇最好嘅版本係理所當然，但切忌因為哩一d要放大100倍/定格先搵到嘅分別而過份執著，否則遊戲未買到返黎已經比遊戲玩了。所以如果有人問我買邊隻好d，我都係建議買返自己鍾意果個版本。一黎上面都提到愈黎愈多PS3版畫面較好嘅情況出現，如果太過依賴過往經驗的話分分鐘乃野。二黎上面都講左，哩d分別通常玩緊果陣係睇唔出。三黎我覺得軟件始終離唔開主機，如果某雙機主係PS或者係XBOX死忠，咁就算比佢揀到最好果隻版本，若果唔係自己支持主機的都一定會凝住凝住。與其要咁樣打機的話不如咩都唔好唸，索性買自己鍾意嘅版本算。我近年買哩類多平台遊戲都係買X360版多，PS3版都係買獨佔遊戲。因為我係買X360先過PS3的。另外X360版通常都會平少少。而且PS3個手制我覺得除左某一d動作遊戲好用之外，其他遊戲嘅手感都唔及得上X360手制。至於畫面我冇太在意，有時有d畫面分別知左就算。覺得唔抵的話就買哂兩個版本啦。
另外就係上網問題，理論上XBL係會好d，而且都係公認的。但我玩MP通常都係用X360，所以對PS3網絡情況經驗唔算充足。因為我上面都有講我買PS3嘅遊戲通常都係獨佔遊戲。其實哩d獨佔遊戲入面有幾多款係聯機神作係數得出的。《Killzone》﹑《Resistance》算係比較好果批黎，其他的玩過下覺得一般就冇玩。雖然我未係兩部機度玩過同一款MP遊戲，不過你所講嘅唔順我有時候都覺得係，有時會有間歇性拖慢情況出現。其實對我黎講，同上面畫面一樣，揀自己鍾意個版本就可以，因為都真係顧唔到咁多的。PS3聯機大部份時間我覺得都冇咩問題，當然你可以考慮XBL係收費的。但都真係一分錢一分貨。我會用百貨公司:超級市場黎形容XBL:PSN。但都冇絕對的，話唔定樓下間超市就腳d都唔定，所以唸唔掂的話就買返自己鍾意嘅版本啦。
頁:
[1]