Youtube新星鄧福如-《原來如此!! A-FÜ》(CD碟評)
本帖最後由 Ken704 於 2011-6-9 13:37 編輯Youtube新星鄧福如-《原來如此!! A-FÜ》(CD碟評)
文 / 圖 : Ken704
鄧福如依個名可能對各位黎講都係比較陌生, 但如果上Youtube聽過佢唱外國歌手既Cover歌. 我諗一定印象難忘. 自己為例, 特別欣賞佢唱Bruno Mars既"Just The Way You Are"同"Nothing on you". 真係諗唔到一個台灣女仔可以唱到拍得住原唱甘好.
發覺佢原來一直係台灣唱片公司幫其他歌手錄Demo歌.嘩! 講真我諗個D歌手自己錄完之後都唔敢聽番Demo. 如果有一日,唱片公司推出佢一直以黎錄既Demo歌,相信可聽度同話題性肯定十分大!
入番正題先, 第一首主打歌"未填詞"聽完之後, 如果我係監制, 一定send去中華航空做廣告歌, 因個Tune同唱法比人有一種飛既感覺. 加上歌詞中的I just want to go 飛到下個綠洲 I just want to go 飛到下個宇宙.當中A Fu唱依首歌時諗幻想既畫面係戴住Monster Headphone (我見佢十分鍾情此牌子)係鬧市中穿梭，放開心靈勇敢追夢. 依個Idea幾岩香港人, 你地睇下返工時侯幾多人帶住Headphone聽歌趕返工(揾錢)就知, 仲唔係勇敢追夢? 另外如果你鐘意聽依首歌既朋友,不妨聽下第十首既"LET GO". 係"未填詞"既英文版. 睇下可唔可以send去維珍航空呢! 話時話電台Plug埋隻"LET GO"仲好 我覺得幾易入耳呢! 唱片高層諗諗佢啦! 哈哈!
另外我幾鐘意第二首歌"聲聲慢", 聽落去好似台灣味好重, 但又加入左西方元素既一首R&B作品, 編曲亦見花左心思, 值得一聽. 而緊接住既第三首歌"一點點喜歡"則節奏明快,充滿少女活潑既一面,再加上麻吉既SUFFA客串 Rap左一段, 不其然令我諗起多年前既Mavis (小萱)呢!
最後當然唔小得第＋一首A Fu一唱成名既 "Nothing on You" 既Afu版本, 用足耳力聽下佢英文咬字得唔得呢!!有興趣送埋佢較早前係Youtube唱依首歌既視聽版比大家欣嘗下!!!
4oPw63oVqpA&feature=related
唔爭在睇埋 A Fu既實力去到邊度, 你地自己話呢!
9zVSIPN9DZE
uAfVxhUCDis&feature=relmfu
VIoBbZYF23k&feature=related
7KvnzAl9Dfk&feature=related
曲目:
01. 未填詞
02. 如果有如果
03. 一點點喜歡
04. 你好嗎 天氣好嗎
05. 聲聲慢
06. 星空戀曲 (星空戀曲遊戲主題曲)
07. 許你向我看
08. 福爾摩斯
09. 起飛
10. Let Go
11. Nothing On You
AV Blog 內容連結
http://www.post76.com/wordpress/?p=7005 如果有如果
my favourite
有感情好開心 香港賣幾$ ching? 回復 3# leung3412
$95 呢隻碟我都見過幾次, 不過未o係網上聽過, 唔知得唔得. {:6_175:}
家陣經ken哥介紹, 一陣收工o係youtube聽下先, 睇吓入唔入手... {:6_134:} 呢隻有得諗喎.......{:6_139:} 好好聽呀..............{:6_193:} hifitrack 有得買la 正野!!!!!
我早前聽過她番唱"青花瓷" 後, 即刻變成她的fans!!!!!(響邊度買架只cd????) 唔知點解第十首錄音比第一首靚好多{:1_342:}