當小喇叭遇上黑麻石.......Update on P.12
本帖最後由 sclendan 於 2011-8-20 13:42 編輯Update: 2011-08 換喇叭所以換麻石.
http://www.post76.com/discuss/redirect.php?goto=findpost&ptid=68993&pid=1253822
________________________________________________________________________________
原文:
當小喇叭遇上黑麻石.......
前言
成日見到D師兄話加黑麻石會對喇叭既音質會有顯注提升, 但小弟果套講到底都係平價低檔野, 諗住都唔會有乜大改進喇……{:6_180:}
不過小弟見平平地, 又容易DIY, 一心以學下野既精神, 即管搵黎攪下, 就算音質無乜進步, 都算個樣靚左既, 咪當係裝飾擺設囉…… {:6_142:}
咁究竟衛星喇叭仔加上黑麻石會有咩改變呢………{:6_175:}
材料
黑麻石三件, 在灣仔X昌雲石訂做, 灣仔MTR站C出口就在隔離舖
十仔一塊, 11” x 17”, 用"小圓邊"收邊, $102.
前置兩塊, 4.5” x 4.5”, 用"普通收邊", 兩塊$38.
麻石合共只係$140.
我唔鐘意黑金, 屋企D裝修簡單襯佢唔起, 所以用純黑麻石會靚D. 因為細塊, 估計只係十四五磅重(以打保齡比較), 手提撘巴士無問題.
"小圓邊"與"普通收邊"既分別:
吸震材料4款(6包), 每包$10, 各大"吉豬島十蚊店"有售.
之前跟呢度D師兄學野, 不過自己誤會左, 買左藍o者哩, 但最後發覺錯有錯著, 藍o者哩對吸震原來好有用! 包裝紙上寫住, 可以放個雪櫃上去用佢黎”防….地震”!{:6_121:}
圓形藍o者哩
方形藍o者哩
圓形EVA膠
氣車標版防滑墊
做法
前置
之前小弟在”我的家庭影院分享” (http://www.post76.com/discuss/viewthread.php?tid=68232&fromuid=11066 ) 分亨過, 我係用兩個碟架來充當喇叭架既.
我先用氣車標版防滑墊用雙面膠紙貼在碟架底部. 碟架放回原位.
再用四粒圓形藍o者哩貼上黑麻石底部四角.
喇叭就保持原用既原廠橡膠腳, 黑麻石放碟架頂, 而喇叭就放麻石頂, 放回原位.
十仔
用四粒方形藍o者哩貼上黑麻石底部四角, 但因為藍o者哩底面都係極黏性, 唔方便直接放在地上, 所以我再加上四粒EVA當腳, 方便日後移動十仔用.
測試:
小弟同老細用左以下幾套來做片段測試:
2012 (DTS-HD) 男主腳車走家人同上山地圖追飛機果兩幕
Kung Fu Panda (True HD) 阿寶從天而降/大狼逃獄/學成爭食/最後大戰
Avatar (DTS-HD) 阿Jake跳瀑布/軍隊炸樹/學騎飛龍/最後大戰
Batman – Dark Knight (True HD) 開場打劫銀行/小丑被捕飛車戰
Charlie & the Chocolate Factory (True HD) 全套
Die Hard 4.0 (DTS-HD) McClane接走harker/警車大戰直升機/McClane大戰MaggieQ/貨櫃車大戰戰鬥機
Dream Girls (Dolby Digital) 第一次睇, 全套
King Kong (DTS-HD) 恐龍踩人/King Kong大戰暴龍
Transformers 1 (True HD) 最後大戰
Transformers 2 (DTS-HD) 最後大戰
Terminator Salvation (DTS-HD) 開場第一段戰鬥/HK空戰
Wanted (DTS-HD) Jolie出場槍戰/最後男主腳回歸大戰
Beyonce – I Am… Yours (True HD) 求其抽兩段
Beyonce – I Am World Tour (LPCM) 求其抽兩段
Madonna – Sticky& Sweet Tour (DTS-HD) Vogue / Music4 minutes
Michael Bolton - Live at The Royal Albert Hall (DTS-HD) To love somebody / Fly me to the moon
Michael Jackson’s This is it (DTS-HD) 黑白片槍戰果首/Jam
台灣超級星光大道 (J2錄影)
結果
前置
經過一星期測試之後…..其實第一刻已覺得前置既高音同中音都有好明顯既提升{:6_193:} , 係出乎預期既{:6_178:} , 實質D講, 係高音凸出左好多, Dynamic生動左, 層次感同Detail細致左, D聲實在左. 以第一套試既Kung Fu Panda為例, 阿寶由摸門釘到被選為龍戰士果幕, 好多detail以前係聽唔到, 現在覺得多左好多週邊既聲. Avatar阿Jake被"大黑狗"追跳落水底果幕, 頭頂果3個360度旋渦水聲實淨左好多, surround既連貫性有增強! 朱古力將門人其中一幕係好多松鼠正在拆核桃殼, 果D好多松鼠一齊拆殼既聲清左立體左. 總之好多已前聽唔到既聲依家出返晒黎. 在聽歌聽演唱會方面, 現場感係大左既. 回音強左但聲係實淨唔會蒙. Dynamic大左音樂感增強所以音樂自然好聽左. 呢個連集集追開既電視錄影超級星光大道都有明顯改善. 但奇怪既係, 以上所講既轉變係以Dolby True HD感覺最強烈, DTS-HD其實都係明顯, 但True HD會再出D, 可能True HD既聲一向都實D掛…{:6_136:}
十仔
底音好震撼! 好爆! 拳拳到肉! 潛得好深! <-----呢幾句講下o者…{:6_174:}
講你都唔信啦! 潛, 反而淺左, 但我level增大可以cover返無問題, 但學D師兄話齋, 聲係會實左, 速度明顯爽快左!{:6_193:}收尾話收就收, 好肅灑{:6_165:} , 註音問題woowoo聲無晒! 當然要睇下隻碟本身點出啦, 例如Michael Jackson’s This is it 既Bass仍然過大, 有D煩, 我成日覺得呢隻碟D重音係太強over左既…{:6_176:} 或者係我隻十仔差啦....{:6_136:}
分析
前置
我就以我有限既AV智識嘗試去解釋下原因. 其實我所謂既改善, 可能只係補償返我個擺位既不當之處…{:6_136:}幫我揀野既師兄其實之前同我講過, 我唔用speaker stand去放喇叭而用碟架其實係唔好既. 因為個喇叭同個架會互相傳震, 震到D聲亂晒龍. D師兄都話, 放在木櫃面或木地版上既喇叭就應該加麻石去吸震. 以我case最差, 試想下我喇叭放在碟架頂, 碟架再放在木櫃面. 碟架當然係爛鬼蔗渣木, 入面再放滿碟, 而碟盒有碟都好, 其實成組野都係空蕩蕩既.
如今咁擺, 喇叭既震動會被麻石收集再傳到藍o者哩被吸收, 所以互震被消除, 喇叭自然好聲左. 咁就唔係"改善", 而係出返佢本應有既質素! {:6_181:} 除左用耳仔收貨, 我仲試過用手指去感受下分別. 已前未加麻石果陣, 用手指掂下佢, 以喇叭既震動係100%咁計, 掂落碟架震種其實差唔多, 大概有80% - 90%震動, 而櫃面震動有20%.加左麻石之後, 喇叭當然都係咁震啦, 掂黑麻石都有60%震動, 掂碟架只得好微震動, 基本上唔多覺, 掂櫃面就完全唔震! {:6_158:}
十仔
十仔我估計都係震動被o者哩吸左, 所以稍弱左係合理既, 但可以係setting調高就返. 咁有野吸咁D震就梗係要調大D cover返啦. 已前傳落木地版既註音woowoo聲都被阻隔左, 所以收尾反應快左.
總結
未玩過貴野我唔知啦, 但我覺平價野(尤其是好似我咁放對喇叭的話) 加麻石真係有用! 最初只係諗住主要用黎毯住十仔, 貪得意先至整兩塊俾前置, 點知原來前置得益仲大, 呢點真係好開心. 以兩舊水既成本會令套野升級幾倍就無可能嫁喇, 但兩舊水可以令自己套心愛既AV成套生猛晒, 可以盡量發揮到, 又靚D, 又有得玩下攪下, 低返晒!
唔係一試無妨, 而係誠意推介俾師兄! {:6_193:} 回復 1# sclendan
師兄，你的報告真詳盡{:6_193:} {:6_193:}{:6_193:}{:6_193:} 係男人都好鍾意搞野{:6_134:} Dai Ching:
audiophile magazine reviewer grade report{:6_193:} 師兄，你的報告真詳盡 幾企理喎!{:6_193:} 多謝師兄報告{:6_193:}
睇嚟要買番兩片{:6_238:} 多謝師兄報告X2{:1_351:} ching果三塊黑麻石好靚{:1_344:}
另外有冇ching知上水區有冇黑麻石造?
唔通我要去和合石造{:1_348:}