WALL.E ( J J 小評.....含內容 )
http://www.moviesuper.com/big5/Graphics/DATA/Information/IN-4202.jpg自從迪迪尼同彼思制作既 3 D 動畫，基本上無乜邊套會錯過，所以今次WALL.E都唔例外，呢次仲JOIN埋我阿媽同個囡三代同堂去睇添，話晒都係一套老小咸宜既片嘛！套戲上畫前一路都係諗住睇粵語版，但臨買飛果時叮一聲忽然靈光一閃，睇粵語版隨時有機會比D細路騷擾個播，諗住想轉呔睇英語版之際 (其實唔係有好多戲院有上英文版，AMC係其中一間)，點知得翻睇頭三行，咁無計啦，唯有焗住博一博睇睇自己係咪時運高啦！
套戲既內容我就唔多講啦，大家睇故事大綱都知大約講D乜，3 D動畫靚到不得了，淨係睇WALL.E 個身D生鏽積同D機械人既反光位都已經知道制作係幾咁細緻，今次個主題幾有意思，講環保之餘仲加左個LOVE STORY落去，係呀~~~你無聽錯，機械人都曉談戀愛呀 (問你服晒D鬼佬諗頭未)，未來背景設定好得意，威E個角色需然無乜對白，但D表情動作得意到暈，好多笑料都係由佢產生，而佢女友個設計我自己就覺得唔多討好，不過都幾生鬼架！
套戲其實當中既喻意你話佢簡單又得，大人睇既時候真係令你有D野值得反思，例如人類太過依靠電動既野、人與人之間無溝通....等等。而細路睇既就應該簡單好多，可能淨係覺得D機械人好搞笑呀咁囉！我覺得當中好多幽默野真係幾鬼集體回憶架，例如扭計骰、o拍o拍紙、同埋最搞笑係WALL.E充完電後有MAC機開機既音效，真係令D MAC友會心微笑架！
總結：彼思動畫例牌片頭有個短篇故仔，我覺得仍然KEEP到水準，記住咪遲入場呀！而正片比我預期中差小小 (記住差小小既意思係我預算有9分，而家大約係8分果隻啊)。今次買飛時有膠錶仔送，唔清楚係咪一買飛就有定話要有一定既數量既飛至送 (收到風UA同MCL都有)，無既話記住問一問。鐘意睇動畫既你記住咪錯過呀！
[ 本帖最後由 lkljason 於 2008-7-27 03:30 編輯 ] 呢套未得閑去睇:'( 好好睇！XD XD XD 等出Blu-ray先至睇. 我覺得好鬼悶. 同以前的DISNEY片比較今次真係D失望. 好在係公司包場請睇戲唔駛俾$.:funk:
頁:
[1]