lkljason 發表於 2008-7-14 11:24

殺神特工 (JJ小評....含內容)

http://www.moviesuper.com/big5/Graphics/DATA/Information/IN-4268.jpg

暑假來臨想睇既戲真係唔小，但又要夾埋屋企人想睇既戲又真係幾難諗，呢套算係其中之一。

故事係講男主角係一個自卑兼無自信既白領打工仔，比上司"恰"之餘仲要比個friend撬牆腳，人生跌到谷底之際比個特工組織睇中左，其實原來佢老豆都係一個出色既特工，而佢都遺傳左佢老豆既天賦，咁好自然就由一個乜都唔識既死靚仔變成一個可以將粒子彈曉轉彎既超級特工，故事都算玩局中局，以為只係幫老豆報仇既任務，點知原來個組織至係出賣佢老豆既原凶，仲搞到自己親手隊淋左自己老豆添，聽落好似幾悲哀啊呵？但睇果時套戲又比唔到呢種感覺比我播，睇完反而覺得套戲初段有d似"廿二世紀插人兩獲"，加上大量粗口橫飛F黎F去，感覺有d cult片feel添。

睇呢套戲既原因除左要就屋企人外，第二個原因就係想睇"安祖蓮娜祖莉"，佢仍然比到我果種型既感覺，如果無佢撐場相信套戲會失色好多，仲有一個就係"犘根費曼"，好小睇佢演壞人既角色 (其實都壞唔晒既，只係自私左d咁解姐)。


一套你話好好睇咩又唔係，但你話好差咩，我覺得又未至於，唔使點用腦又想有d觀能刺激既朋友可以一看！

[ 本帖最後由 lkljason 於 2008-7-14 12:11 編輯 ]
頁: [1]
查看完整版本: 殺神特工 (JJ小評....含內容)

重要聲明：本討論區是以即時上載留言的方式運作，Post76玩樂討論區對所有留言的真實性、完整性及立場等，不負任何法律責任。而一切留言之言論只代表留言者個人意 見，並非本網站之立場，讀者及用戶不應信賴內容，並應自行判斷內容之真實性。於有關情形下，讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限，故不能完全監察所有留言，若讀者及用戶發現有留言出現問題，請聯絡我們。Post76玩樂討論區有權刪除任何留言及拒絕任何人士上載留言 (刪除前或不會作事先警告及通知 )， 同時亦有不刪除留言的權利，如有任何爭議，管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論，敬請自律。本網站保留一切法律權利。權利。