跟蹤 + 史柏力魔怪書 小評 (含內容)
http://www.moviesuper.com/big5/Graphics/DATA/Information/IN-3977.jpg早前睇左兩套戲，一套係港產片既代表"跟蹤"，另外一套就係西片既代表"史柏力魔怪書"，前者"跟蹤"果然係一套好戲，選角極之恰當，徐子珊果然演得唔錯，可能做新丁角色既關系比較易上手，不過始終都係第一次上大銀幕，算係咁啦。其餘角色個個都做得好好，只係家輝有幕面目睜靈既想殺人樣略嫌浮誇左d，不過都唔會影響我對齣戲既好感。故事玩警察既狗仔隊跟蹤人既橋有新鮮感，過程都做到緊湊兼緊張，我自己睇完就幾鐘意勒，絕對值得一睇既好戲！
http://www.moviesuper.com/big5/Graphics/DATA/Information/IN-4176.jpg
而"史柏力魔怪書"睇前都估佢係玩比較兒向既風格，睇完果然無錯，你睇呢套戲唔好期望d魔怪會好恐怖加好核突 (比細路仔睇既將就o下啦~~;P )。故事大路到不得了，係講主角無意發現舊屋有個密室，室密裡面有本被封印既書，個主角好唔八掛咁打開左本書解除左封印，咁d魔怪就可以上黎人間同o係魔幻既世界作惡，咁主角梗係要靠自己搞翻掂啦，結尾主角除在消滅左d魔怪外，仲贏埋個同屋企人冰釋前嫌既結局添。就咁聽係咪好似曾相識熟口熟面咁呢？呢d戲種係荷里活真係用過N次。我睇呢套戲既原因係因為個男主角，佢就係做"朱古力掌門人"同"聲夢奇緣"既男主角勒，今次佢仲一人分飾兩角添，不過呢d戲對佢黎講應該無乜難度啦，鐘意睇魔幻野既朋友又唔介意套戲比較細路仔feel既就一看無妨啦！
[ 本帖最後由 lkljason 於 2008-7-7 12:22 編輯 ] 杜sir既戲大多數都係升斗市民日常生活中發生既事情, 跟縱係其中一個例子, 某程度上比周街都係hidden cam更加恐怖, 加上選角一流, 徐子珊做得唔算太好, 但可以去到攞新人獎既級數, 同埋杜sir班底既演員大多係性格派居多, 唔駛要樣靚身材正, 最緊要交到好戲就得, 所以呢套戲真係唔錯...
頁:
[1]