[轉載][2011.2.9]家訪Tangcoma兄小空間大震撼的3D影院
本帖最後由 chhanthony 於 2011-3-4 21:18 編輯如果大家有睇開香港嘅影音雜誌同網站，都有機會睇過Tangcoma兄嘅家訪或分享。同好多朋友一樣記得前年多兩年前當Anthony睇一眼見到Tangcoma兄嘅影音相片分享，只會諗有無攪錯，咁細個空間用咁多大型喇叭根本唔會發揮得好，空場一定亂過亂世佳人。
http://a367.yahoofs.com/hkblog/NP5b7ouRGB_FPUAmgbkjlKZt_7/blog/ap_20110210122248474.jpg?ib_____DkxNcInFt
今個農曆年前有幸得到Tangcoma兄嘅邀請，喺大年初七嘅晚上Anthony同另一網友Lemonstar兄到Tangcoma兄家作訪。
初踏入Tangcoma兄嘅房間感覺比預期中大，雖然有咁多器材，但都未有太大嘅壓迫感。而Anthony留意到除咗影音器材外，Tangcoma兄亦收藏咗唔少12"嘅公仔，未來戰士，鐵血戰士至Ironman都有，真係一個玩樂天堂。
http://a367.yahoofs.com/hkblog/NP5b7ouRGB_FPUAmgbkjlKZt_7/blog/ap_20110210122518739.jpg?ib_____Dd7J5.6JPhttp://a367.yahoofs.com/hkblog/NP5b7ouRGB_FPUAmgbkjlKZt_7/blog/ap_20110210122703213.jpg?ib_____DPFFGINf0http://a367.yahoofs.com/hkblog/NP5b7ouRGB_FPUAmgbkjlKZt_7/blog/ap_20110210122847218.jpg?ib_____DLABxPAEM
Tangcoma兄所玩嘅係9.2聲道，7隻座地加2隻大型書架AAD喇叭再加2隻13" JL sub-woofer。前級選用最新嘅Onkyo PR-SC5508配合Integra RDA-7.1同Parasound A23兩部後級，力水上一定無問題。畫面Tangcoma用上60" Sony 3D 電視同JVC X7 3D投影機加90"透聲幕。
全家幅
http://a367.yahoofs.com/hkblog/NP5b7ouRGB_FPUAmgbkjlKZt_7/blog/ap_20110210122219167.jpg?ib_____Dsq3mZKGt
掛上牆嘅座地後置喇叭
http://a367.yahoofs.com/hkblog/NP5b7ouRGB_FPUAmgbkjlKZt_7/blog/ap_20110210122204195.jpg?ib_____D6zvkR22c
Onkyo PR-SC5508
http://a367.yahoofs.com/hkblog/NP5b7ouRGB_FPUAmgbkjlKZt_7/blog/ap_20110210122335609.jpg?ib_____DvnNgxAGC
Integra RDA-7.1
http://a367.yahoofs.com/hkblog/NP5b7ouRGB_FPUAmgbkjlKZt_7/blog/ap_20110210122833211.jpg?ib_____Dvbfl592u
Parasound A23
http://a367.yahoofs.com/hkblog/NP5b7ouRGB_FPUAmgbkjlKZt_7/blog/ap_20110210122351540.jpg?ib_____DYtTtNSGR
Xbox 360 同 Playstation 3 slim
http://a367.yahoofs.com/hkblog/NP5b7ouRGB_FPUAmgbkjlKZt_7/blog/ap_20110210122421845.jpg?ib_____DUDPf0HYZ
MagicTV 機頂盒
http://a367.yahoofs.com/hkblog/NP5b7ouRGB_FPUAmgbkjlKZt_7/blog/ap_20110210122320913.jpg?ib_____D6qPoGWcJ
中置speaker
http://a367.yahoofs.com/hkblog/NP5b7ouRGB_FPUAmgbkjlKZt_7/blog/ap_20110210122436461.jpg?ib_____DNTvuvTYc
Surround back speaker同JVC X7投影機
http://a367.yahoofs.com/hkblog/NP5b7ouRGB_FPUAmgbkjlKZt_7/blog/ap_20110210123032464.jpg?ib_____DGmlt6tvt
90吋菊池透聲幕
http://a367.yahoofs.com/hkblog/NP5b7ouRGB_FPUAmgbkjlKZt_7/blog/ap_20110210123101856.jpg?ib_____D8yxt6YO5
雙JL Audio F113 sub-woofer
http://a367.yahoofs.com/hkblog/NP5b7ouRGB_FPUAmgbkjlKZt_7/blog/ap_20110210122732817.jpg?ib_____DOT__vzKchttp://a367.yahoofs.com/hkblog/NP5b7ouRGB_FPUAmgbkjlKZt_7/blog/ap_20110210122747276.jpg?ib_____DARFbdzVy
呢個組合真係好多朋友嘅夢想，而呢個夢幻般嘅組合係放喺Tangcoma兄間大約80呎左右嘅睡房內。Tangcoma兄喺睡床前放咗一張三座位sofa，而皇帝位距離前中置太約7-8呎左右。而前面重有對座地嘅作front wide之用。另外，Anthony驚見Tangcoma兄將一對座地喇叭掛上牆上作surround speaker，真係誇張得緊要。
一開始Tangcoma兄提議不如聽下音樂先，而佢啱啱購入一隻天下第一鼓想試下佢對前置嘅低頻。但播了兩三cut後Tangcoma表示，呢類音樂唔係佢杯茶，所以好快就拎返自己本身聽開嘅電子音樂，後生仔嘛。之後播咗一陣Lemonstar兄帶嚟嘅Jazz music。
感覺上RDA 7.1力水真係好好，收放得好快，而低頻實淨有力，高音都唔會吉耳，不過始終Tangcoma兄呢部唔係兩聲道組合，Lemonstar兄表示喺味道，樂器分離度同立體感的確會比純兩聲道輸蝕。
為咗畀我哋感受一下3D嘅威力，Tangcoma就開部Playstation 3畀我哋玩下佢啱啱download落嚟嘅Killzone 3 demo版。雖然Anthony無落手玩，但睇Lemonstar兄玩咗陣，感覺上用Sony 60"電視玩3D射擊遊戲無想像中咁暈，Anthony覺得3D遊戲都機過癮，而四眼Anthony加上3D鏡後都算舒適。
http://a367.yahoofs.com/hkblog/NP5b7ouRGB_FPUAmgbkjlKZt_7/blog/ap_20110210122919624.jpg?ib_____DTGRe2Q5D
Sony 3D TV的3D眼鏡
http://a367.yahoofs.com/hkblog/NP5b7ouRGB_FPUAmgbkjlKZt_7/blog/ap_20110210122934417.jpg?ib_____DWyzDFyAU
Tangcoma兄表示一直希望可以添置一部真正嘅3D Blu-ray Player去取替現時嘅PS3 Slim，而佢心目中應該會係Oppo 嘅新旗艦機95。
打完機後Tangcoma兄拎咗隻3D版嘅Avatar出嚟話畀我哋試下用真正嘅3D同由2D模擬上3D嘅分別，睇下下面兩幅相嘅分別，睇唔出呢，但現場睇就分別大囉，由2D模擬上3D學Tangcoma兄話齋...好流。的確模擬3D嘅立體感真係好一般，但真正3D畫面真係立體好多。
2D轉3D後的畫面
http://a367.yahoofs.com/hkblog/NP5b7ouRGB_FPUAmgbkjlKZt_7/blog/ap_20110210122948801.jpg?ib_____D80iUud4V
真正的3D畫面
http://a367.yahoofs.com/hkblog/NP5b7ouRGB_FPUAmgbkjlKZt_7/blog/ap_20110210123018666.jpg?ib_____DvyDT7zK.
聲方面真係堅到無論，兩隻F113真係好勵害，不停咁掃褲腳吹頭髮，Anthony以為開咗風筒。不過Tangcoma兄嘅setting唔算係打心口型，所以喺咁強勁嘅低頻下都唔會有不適嘅情況出現。唔怪得的士雄話上次去完Tangcoma兄屋企後返屋企聽咗三日覺得自己屋企無低頻。
http://a367.yahoofs.com/hkblog/NP5b7ouRGB_FPUAmgbkjlKZt_7/blog/ap_20110210123002673.jpg?ib_____D8e695_iQ 本帖最後由 chhanthony 於 2011-3-4 21:17 編輯
好嘞，到Anthony期待以久嘅戲肉，試JVC X7嘅3D投影機，Tangcoma兄用手一拉，一隻90"嘅幕隨之落下，6呎睇90吋，會唔會頭暈同解像度下降架? 而因為投影幕喺前中置前，所以Tangcoma需要用透聲幕，咁近，一定見到幕紋啦。而JVC同Sony嘅3D眼鏡唔好以共用，好....睇下個畫面有幾衰先。
http://a367.yahoofs.com/hkblog/NP5b7ouRGB_FPUAmgbkjlKZt_7/blog/ap_20110210123540206.jpg?ib_____DuJei113V
又係用Avatar 3D版，一開始時嘅綠底白字警告字句比睇Sony 3D電視時更有立體感，Lemonstar兄話好似啲字距離個畫面有8呎，當然有啲誇張，但真係好立體。畫面大咗，連聲效都大埋，好震撼。6呎睇90吋 3D真係好正好有立體感，而Anthony覺得JVC嘅3D眼鏡比Sony 3DTV嘅反應更快，而Anthony試過左右咁陏個視點發覺係會有立體感嘅移動，而唔會好似喺IMAX時咁會出現重叠畫面。
Anthony肉腿上的JVC 3D眼鏡
http://a367.yahoofs.com/hkblog/NP5b7ouRGB_FPUAmgbkjlKZt_7/blog/ap_20110210123528146.jpg?ib_____DMoN6FJbY
可能畫面大咗3D感比60吋嘅3D電視更加強烈，但因為係反射光嘅關係，睇得好舒服，電影感更強，而線條真係利到界眼，加上房間遮光良好同深紫色牆身天光，出嚟嘅畫面實淨有力，完全無灰浮感覺。Tangcoma兄表示，佢用咗五個鐘嘅時間用ColorHCFR手持3D眼鏡去set個畫面，講真個畫面真係好好，好自然。
又係呢個畫面，不過今次係由JVC X7 3D投影機投出
http://a367.yahoofs.com/hkblog/NP5b7ouRGB_FPUAmgbkjlKZt_7/blog/ap_20110210123553718.jpg?ib_____D66Cm.5EF
之後試咗兩三套熱門嘅Blu-ray，KuFu Panda，Ironman 2同Inception。音效要係好刺激，Anthony不停咁話好似用緊D-box system睇戲咁，覺得張sofa會陏。但又唔會覺得有好大嘅壓迫感，起碼聽完兩個鐘Anthony無耳仔痛先啦。
http://a367.yahoofs.com/hkblog/NP5b7ouRGB_FPUAmgbkjlKZt_7/blog/ap_20110210123444302.jpg?ib_____D0xZBRG29http://a367.yahoofs.com/hkblog/NP5b7ouRGB_FPUAmgbkjlKZt_7/blog/ap_20110210123220196.jpg?ib_____DV73hkTnGhttp://a367.yahoofs.com/hkblog/NP5b7ouRGB_FPUAmgbkjlKZt_7/blog/ap_20110210123458141.jpg?ib_____DRKIu3MtI
喺Inception中落雨嘅一幕，正在忙於影相嘅Anthony被突如其來嘅"嘭"一聲嚇親，果吓迅變真係又快又大，Lemonstar兄話直情被嚇到彈起。
迅變驚人的一幕
http://a367.yahoofs.com/hkblog/NP5b7ouRGB_FPUAmgbkjlKZt_7/blog/ap_20110210123512785.jpg?ib_____D9UFRAg9G
呢個家訪話咁快就完，喺呢兩個鐘內Anthony好無品咁不停想揾嘢挑剔Tangcoma兄嘅system，可惜，不論聲畫都真係揾唔到有嘢可挑剔。畫面上雖然咁近睇90吋畫面，但要好留心先會睇到幕紋，而2D畫面線條雖然唔係好似DLP咁利，但已經set得好好，3D畫面時直情利到界眼。音效真係好刺激，好欣賞Tangcoma兄喺咁細嘅空間內用咁重型嘅器材都無出現blooming現象，亦無出現諧震，真係set得一流。Tangcoma兄嘅setting係Anthony去過咁多個家訪中做得最好嘅一個。要留意Tangcoma兄只係用PS3作blu-ray player，當播放3D時只可以輸出DTS，加上Tangcoma兄並無用上一啲貴價嘅線材，全部為跟機線，所以set到咁真係令Anthony大開耳界。
其實今次係Lemonstar兄第二次作訪Tangcoma兄，Lemonstar兄表示今次嘅聲畫表現比起上一次有100%大躍進，可能上次用上三隻Velodyne，只有量無質，而一對surround speaker放係sofa傍做成太大壓迫感，今次兩隻JL嘅質同量無論致疑，而將surround上牆亦令到壓迫感減少同令空間感增強。雖然已經set到咁無敵，但Tangcoma兄都好虛心咁問我哋嘅意見，真係好值得Anthony好好學習。
最後好多謝Tangcoma兄嘅邀請，畀機會Anthony見識到3D嘅威力，今次家訪後令到Anthony對3D嘅偏見消失。
http://a367.yahoofs.com/hkblog/NP5b7ouRGB_FPUAmgbkjlKZt_7/blog/ap_20110210123046217.jpg?ib_____D7rB79p34
到訪前三人一同進餐，期間Tangcoma兄得悉Lamonstat兄剛購入兩聲道前後級，已多次向Lemonstar兄詢問應添設咩器材可令現有嘅器材喺兩聲道有更好嘅表現，而Tangcoma兄口中不停咁話要加部Passlab嘅後級。而Lemonstar兄同Anthony都相信添置兩聲道前級嘅效果會比加後級更好，聽罷Tangcoma兄表示會考慮一下Onkyo新出嘅兩聲道前級。睇嚟Tangcoma兄已經有半隻腳踏咗入兩聲道嘅世界，期待下一次Tangcoma兄嘅兩聲道組合。
http://a367.yahoofs.com/hkblog/NP5b7ouRGB_FPUAmgbkjlKZt_7/blog/ap_20110210122532249.jpg?ib_____DoIoZjeDp
-全文完-
轉自: http://hk.myblog.yahoo.com/chhanthony/article?new=1&mid=889 同期推出，正！ 勁..一百分 本帖最後由 fuman0123 於 2011-3-4 10:07 編輯
精彩報告…………靚位/靚機加靚聲……夢想組合{:6_178:} d器材件件好野{:6_143:} 會唔會震親隔離屋呢?{:6_168:} 6呎睇90吋 ??好 High ! {:6_212:} 精彩{:6_238:}
夢幻組合{:6_235:} 掛牆座地喇叭,6尺睇90吋 ~~ 大開眼界 {:6_168:}
呢套機唔止要技術玩, 仲要財力 {:6_193:}