分享我的農曆年假經曆
我想講下呢個年假既經歷,事源係年廿九深夜突然發冷,之後起身諗住去睇醫生發覺左腳好痛,以為感冒骨痛冇理到,病假一日年三十照常返工,隻左腳都仲係痛
加上我工作關係要成日行,當時都仲以為冇咩事返去買支藥膏搽下冇事啦.....
點知返到屋企一睇成隻小腿踵得好緊要,又紅又熱仲有個好大既水泡,屋企人叫我去急症室
去到急症室醫生話要入院....諗住都冇計...打下針食下藥第日走得啦.....
點知佢話我隻腳踵得咁嚴重,唔知係咪有食肉菌或者有第二樣野感染....要即刻做手術劏開隻腳睇下裡面有咩野
仲話如果情況好嚴重既話會鋸咗我隻腳.......當時真係比佢嚇到唔知點形容......
手術完咗隻腳......仲喺度,醫生話唔係食肉菌唔係感染只係肌肉發炎.....
因為劏咗一刀用意係釋放壓力,要等佢喺裡面好翻出黎,所以傷口仲未聯針要日日洗傷口
洗傷口又係另一個挑戰,因為嗰一刀界得好長好深,遇著一d冇咩經驗既護士真係痛到眼淚水都標埋出黎......
訓醫院訓到11號醫生終於話同我聯針,之後冇問題就出得院,咁好順利12唬我就出咗院,但仲要返健康院洗傷口
直到琴日返去覆診比醫生睇下個傷口,醫生又話傷口埋得唔係咁靚仲好似有少少發炎......
唉.....我真係好擔心.......希望隻腳快d好翻
最後祝76版友們:萬事如意 身體健康 好想知你去左邊間醫院睇急症?{:6_238:} 祝快d好翻
身體健康{:5_89:} 祝師兄隻腳早日好翻!! 如果個護士係肥婆 . 應該唔痛.
真心Mode 祝師兄早日康復！ 保重.保重. laiho 兄要保重身體 ! 多謝大家關心!其實已經好咗好多,行路已經用拐杖只係隻腳仲有d踵
傷口仲有少少未乾水...... 祝師兄早日康復!洗傷口都好痛喎.....
頁:
[1]
2