蝸居中的一角視聽小天地! (2015-12-27 updated)
本帖最後由 apple1711 於 2015-12-27 16:30 編輯話說小弟2010年年中原本計劃留1萬5千元係未來新居度添置40吋電視同三叔BD 5.1套裝, 於是上網搵下資料睇下我選中左既野得唔得, 搵下搵下就來左呢到…..三叔BD 5.1套裝既資料就搵唔到啦, 搵到既係好多好多師兄好毒既器材……對完全唔識野既我來講真係大開眼界! 睇左幾過月後終於都要出手…..結果1.5萬變左5萬有多! 呢度真係超毒!
1) TV: Sony 46HX900; Front Sp: Alumni 2; Centre Sp: Alumni 5
2) Source: Panasonic BDT300, PS3 slim
3) Amp: Onkyo SR608
4) Sub: Alumni 9
5) 線材一大推#1
6) 線材一大推#2
7) 線材一大推#3
8) 來個全家福先!
後置暫時唔影住啦,因為仲欠上年年尾已落訂但到左宜家都未有貨到既Alummni後置speaker stand……
來緊星期日先入伙, 但我已經買左廿幾隻BD來試機…..暫時聲畫都好滿意(可能因為我咩都唔識)….我既另一半都無complaint~~~
PS: 家下先知原本AV產品既更新速度不比手機,電腦產品慢好多! 我係12月頭先買SR608….點之買左2個月後Onkyo就announce左609….
(2015-12-27更新: 2015年大升級～！)
話說小弟玩影音已差不多5年時間(但仍然係新手咩都唔識）.....5年來都無升級過，亦少上來左呢度 .....但到左今年2015下半年：
1) 部用左差唔多5年既panasonic bd player BDT300突然壞左！小弟就再次好似5年前咁不停上來呢度，搵下bd player d料，結果好快就買左Pioneer BDP LX-88....
2) & 3)家中部Onkyo 608用左5年,雖無病無痛, 但眼見時下av amp多左好多有用既新功能如wifi, dlna, airplay等,加上dolby atmos既支援,真係心郁郁想換機玩下新野....646雖然係好機，但定位入門（雖然小弟玩左5年av都仲係新手一名），小弟想比多少少買部定位中級既機玩下.....於是做下功課...見onkyo出左新機TX-RZ800雖定價9千頭，但做promote買機送atmos-enabled speaker, 真係有d心思思.....有日行開旺角, 走去問下價，原來街價只係8千幾(仲可以做24個月免息分期!!!)，扣除送果對atmos-enabled speaker要千到尾, 即實際部機只係要6千尾! 其他品牌中級機都要8千無speaker送，咁RZ800真係幾抵玩下!見到呢度有ching話RZ900實際表現唔係真係好過646好多....就當RZ800表現都係同646差唔多啦....646都要5千幾啦! 咁RZ800都係比多一千到有個靚仔高級足料既外殼, 咁都算唔打得都睇得啦！呢個價,即刻gogogo~!
4)RZ800同LX88都可換電源線, 又係買電源線既好理由!
5)既然5年無升過級，升開有條癮，入返個好少少既power bar先！ IsoTek EVO3 Polaris
6) & 7) & 8)有左RZ800後試玩過DLNA, 先發現用左5年既alumni 5.1（呢5年來小弟既av組合用途係60%睇戲40%打機0%聽歌)只適合用來睇戲打機....於是又上來搵下料，結果又中毒了......小弟睇中KEF R series.....但蝸居放唔落R700, R300....R100卻算係可以放得落.....於是決定去買R100+R200c....因為位置問題，訂完R100+R200c要即去訂做個tv架先放得落3件新野～！
9) ＆ 10)既然前中置speaker大升級左，果3隻speaker既speaker cable無埋由仲用belden 8471! 係時候攪埋佢：前置用In-Akustik LS-603, 中置用Neotech 3004 mkII
11) & 12)今次仲要學人訂埋麻石同加腳釘～
13)前中置都升左級後,身痕想升埋Sub仔....考慮左好耐, 最後決定入手REL T-9~!
14)升得sub仔, 順便升埋sub仔 cable!
15)考慮左好耐，雖然已有對onkyo atmos enabled speakers, 最後還是因為外型靚仔而買左佢.....KEF R50~! 咁對onkyo atmos enabled speakers點處理好？ 未留來他日升上旗艦av amp玩5.1.4時用囉~!
2015年升級計劃完成～！
16)最後當然要來個2015大升級後全家福先!
好整齊呀,弓起弓起 3D魚樂無窮{:6_128:}正呀 ching恭喜恭喜!!
ching, 點解要用咁多HDMI嘅?{:6_198:} 我本來都想買Mordaunt-short Alumni 5.1, 但因為畢直有限...所以放棄左...{:6_203:}
最後買左Klipsch HDT-500 恭喜恭喜{:6_212:}出新機唔緊要啦!再upgrade囉~{:6_222:} 5萬? 暫時啫...上多d 76, 好快就唔止 {:6_138:}
我好鍾意你d線材 {:6_193:} very good set up...
i am struggled to get 608 / 609 Ching既器材/線材都咁正，都可以開始放毒啦，
人人毒我、我毒人人{:6_239:} CLEAN AND GOOD TRY SYSTEM