論壇 › 電玩天堂 › Battlefield 3 (501樓= =更新《裝甲之怒》實機預告片)

@肥狗仔@ 發表於 2011-10-25 22:40

本帖最後由 @肥狗仔@ 於 2011-10-26 06:27 編輯

10.25

雖然想搵返《Battlefield 1942》出黎~但最後先發現原來已經掉左~

等左5年嘅正統續作今日終於入手~PC版$350連手指/code/海報~玩左幾個鐘~試左MP同SP~打下感想~

首先當然係講MP先~本人一入GAME就開64人征服黎玩~戰場感唔洗講~仍然十分出色~聲效我揀左最愛嘅WARTAPES音效~還原度係高左但同BETA一樣~相對BC2~今集個WARTAPES音效模式同HI-FI或者家庭影院模式分別並唔算明顯~玩左「哈格島」﹑「地鐵行動」同埋「市集」三個64人征服地圖~「哈格島」就一個典型嘅BF大地圖~基本上如果冇載具的話~咁你就要行好遠路~特別係被Team-kill嘅時候~旗點亦分得好散同好遠~所以同以往一樣~最好同隊友傾好守/攻邊一度先~~「市集」係BF3兩個入面其中一個以城市主打嘅地圖~地圖呈正方形~旗點平均分佈係四角周遭地方~感覺同當年《越戰》某一張地圖(太耐冇玩唔記得左名)結構差唔多~如果你係打外圍街道的話~目標會非常明確~最好有LAV/坦克~咁會易攻好多(因為唔知點解D人會堆哂係中間嘅區域)~~「地鐵行動」係我暫時玩過最差嘅64人征服地圖~話就話係64人~但同RUSH一樣都係得蚊知咁細張地圖~基本上除左攻方個起始點推前左係地鐵站入面之外~其他同RUSH一樣~冇任何載具~而且旗點得三個~BETA果陣玩24人RUSH已經覺得迫~哩家仲係堆64人~變左兩軍會花左大部份時間係中間支旗度~加上路就得一條~基本上除左中間支旗外~任何一方都好難搶到敵方其他據點~希望DICE日後可以更新地鐵行動64人征服圖為大地圖~否則的話哩張地圖點打都係同RUSH一樣~

之後玩左幾場32人RUSH模式~感覺上同BC2差唔多~但「德馬峰」係基地跳降落傘有時會自動跳崖而死= =~可能係BUG黎~~而「運河」嘅RUSH一開始係搶灘~但我玩果場攻方基本上都冇邊幾個上到岸就比我地殺哂(當時本人用T90A上面支機槍射死十多人 + 一架飛機)~

同BETA一樣~正式版MP默認模式相等於HARDCODE~如果你係COD飯的話~只要你克服到後坐﹑射速同地心吸力的話基本上都好易上手~升級系統方面~相比BC2~今集個解鎖項目要多好多~除左狗牌同勳章之外~幾乎每打一場都會開左若干勳帶~武器升級就同前作一樣~升兵種技能要升對應兵種~升槍要升對應兵種~要獲得某一把槍嘅配件亦要升對應槍械~整體可能比BC2要耐玩好多~

玩左幾場MP基本上都係用突擊兵同支援兵~支援兵用上初回特典實戰包嘅中國88式輕機~感覺比BC2果陣後坐要稍大~突擊兵就默認步槍~有一點要提就係今集突擊兵用返《2142》個模式就係負責醫療~我唔敢講大部份人都會揀榴彈發射器而唔揀醫療包(二選一)~但電擊器救人個技能仍然十分強大~DICE為哩個係前作中被稱為「釣魚」嘅屎忽鬼技能加左好幾秒嘅充電動作~但基本上仍然係電一下復活一個~差別就在於被復活者要禁多一兩個制先可以正常起身~所以「釣魚」技能係本作入面仍然有出現~

岩岩玩左陣SP~玩之前聽唔少人話故事敘述方式似電視劇《24》~但玩落我就覺得似遊戲《Black》(玩過會明的)~基於DICE之前係BC1&2嘅表現~個人一早對今集個單機失去信心~而玩落之後~亦都感覺唔到有咩驚喜~敵方AI比COD或者MOH更傻~只係傷血比較勁咁解~不過畫面的話~今集畫面比BC2要出色好多~哩點可以歸根於今集個著色問題~但其他無論貼圖或者係光影都貼近真實(只限單機~多人基本上除左特效外同BC2唔會差太遠)~至於物理破壞~部份牆身實時破壞比較明顯~但基於一本道流程~除左牆之外什麼拆樓係單機入面係做唔到~本人PC顯卡係GTX560~特效為全「HIGH」~基本上去到50~60FPS~但我唸官方嘅單機片段都係「ULTRA」特效的~當然要開ULTRA的話~雙顯卡就少不了~

大體黎講~除左「地鐵行動」嘅64人征服地圖之外~今集暫時都係十分滿意~感覺今集亮點係64人大地圖回歸MIX埋BC2嘅節奏~配合久違嘅爬行動作同「現場錄音」~BF3應該算係至今戰場氣氛最濃厚嘅多人遊戲~但都係果句~如果你只係玩單機~十幾日後推出嘅MW3先可以滿足到你~

@肥狗仔@ 發表於 2011-10-25 22:47

國外對比圖以出 load耐d請耐心等候
   

我睇左好耐,只可以話ps3同xbox版 不相上下有d場景ps3 d鋸齒小 ...
kelvinchan502 發表於 2011-10-25 22:00 http://www.post76.com/discuss/images/common/back.gif


    咁其實都預左同C2嘅情況係一樣~但玩落果陣貼圖細節同AA係好難留意~反而光影有時會比較明顯~C2一開始隻飛船開火只係得PS3版有明顯LOW GI~X360係全無的~所以如果單睇畫面而fps差唔多的話~買PS3版都唔會蝕的~不過因為哩隻係玩MP的~所以LIVE應該會穩定D~

RiceR9 發表於 2011-10-25 22:48

我要時間適應下....同BC2感覺好唔同....{:6_168:}
我諗我係兩命換一命.....完全迷失左咁.....{:6_187:}
唔可以亂咁沖...要有隊形先得....BC2我四維走攪攪震都無問題!!
依集要慢慢搵番D感覺先得{:6_146:}

@肥狗仔@ 發表於 2011-10-25 23:16

我要時間適應下....同BC2感覺好唔同....
我諗我係兩命換一命.....完全迷失左咁.....
唔 ...
RiceR9 發表於 2011-10-25 22:48 http://www.post76.com/discuss/images/common/back.gif


    因為今次係默認HARDCORE~所以死嘅速度同COD差唔多~另外開槍後坐加射速更迫真就更難就~而且我唸就算係家用機版個地圖相比BC2果D長條形應該都要開放得多~所以策略可能要重新部署~如果你係玩64人的話~「殺唔到人而比人屠殺」嘅情況會更加嚴重~我都冇玩64人地圖好耐~都要適應一下~如果佢今集加返指揮官的話~情況可能會好D~咁目標同敵人預測都會好好多~好過周圍走然後狂比人殺~

RiceR9 發表於 2011-10-26 00:06

Battlefield 3 (現已推出)

就係你所講既情況，仲有d配件未開晒，真係有排崖 ：（


- 發送自我的 iPhone 大板凳應用

鐵心心 發表於 2011-10-26 10:12

哈哈我又想買

RiceR9 發表於 2011-10-26 10:48

回復 347# 鐵心心


    快d買啦...我諗係你毒氣室玩真係超級正{:6_128:}
不過覺得巷戰多左d....圖大人少(360版)唔似打仗!{:6_150:}
如果係玩pc既64人....應該好好多!! 聲效都正!!
你好似話玩pc版{:1_343:}

鐵心心 發表於 2011-10-26 11:06

回復鐵心心


    快d買啦...我諗係你毒氣室玩真係超級正
不過覺得巷戰多左d....圖大人少(360 ...
RiceR9 發表於 2011-10-26 10:48 http://www.post76.com/discuss/images/common/back.gif

你買拎出黎玩^^' 我得360咋
冇打機好耐,gow3都未買

RiceR9 發表於 2011-10-26 11:13

回復 349# 鐵心心


    GOW....我都無玩兩個星期啦!!
bf3 360版畫面明顯比pc版比下去{:6_180:}
不過畫面都順暢...昨晚玩都無lag....
感覺係有d唔慣....開頭兩場一個都剎唔到{:6_168:}
之後玩c4炸坦克{:6_174:}

鐵心心 發表於 2011-10-26 11:15

回復鐵心心


    GOW....我都無玩兩個星期啦!!
bf3 360版畫面明顯比pc版比下去
不過畫面都順 ...
RiceR9 發表於 2011-10-26 11:13 http://www.post76.com/discuss/images/common/back.gif
咁正,買得過啵

查看完整版本: Battlefield 3 (501樓= =更新《裝甲之怒》實機預告片)