離婚 風險評估 問題編(一)
佢如果要同佢個老公離婚. 有d咩要預先評估最主要問題係層樓. 開頭係佢俾首期, 之後一齊供 近排先至改為個佬供晒六千, 水電煤雜由女俾, 名就兩個人都有寫, 仲差年幾先賣得, 依家賣要補地價(?), 仲有d咩律師費同乜野費要預算呢?
佢成日諗住到時要走先同個佬講/搞離婚, 把口成日就話驚面矇驚唔好意思驚對唔住人...話如果佢開口要離, 個佬一定會好順灘咁俾佢走
我就話佢唔搞清楚係對唔住兩個人, 你講到佢咁順灘, 冇地方搬都可以離左婚先
佢又係講埋d婆媽野, 話驚個佬趕佢走, 會日日嘈...etc
總結問題: 如果呢個時侯要搞清楚要離婚, 間居屋會係咩情況, 有得話個佬因為離左婚就有權"趕人走"既咩.. 我想搵多d實據出黎backup一下
[ 本帖最後由 大佬John 於 2008-6-6 11:06 編輯 ] 呢樣係要睇下雙方有冇傾掂數先, 任何情況下都最好係私底下傾掂佢, 不過如果要上庭拗既, 就會睇返每人供呢層樓究竟比左幾多錢出黎而分 % 去計.
而最重要係一上庭淨係堂費既問題講親都萬萬聲, 如果真係要攪到咁, 咁其實即係大家囉間屋出黎攪既姐!!!最終都一定係一拍兩散既!!
而我睇到話水雹煤果d, 照我估計個官應該唔會將呢d計算在內, 即係你朋友嚴格來講除左比左首期之外, 就冇供過樓咁滯勒~~~
另外如果係居屋按道理係6年之後先賣得, 如果過左就任賣, 而補地價呢D野其實可以搵地產攪, 佢可以幫你攪到有人買你層樓之後個買家比左錢你先再向政府補地價, 咁就唔洗自己預備D錢出黎勒.
當然, 如果個價係蝕既, 咁就係一要預錢還返個按揭啦!!!
真係決定左就快D解決佢啦, 唔好拖泥帶水, 比咁多藉口自己, 咁只會累人累物, SIDE自己時間又 SIDE人地時間!!!
其實依家佢攪離婚同間居屋係二件事, 唔好NO埋一齊黎講, 賣樓既問題要佢地自己傾好佢, 如果佢話因為離婚就有權"趕人走"呢樣野有冇權就要交比法庭去判勒!!! 照睇間屋應是一人一半,個佬暫時無權趕佢走
但如果個佬證明到層樓大部分都是他負擔,只要個佬比番剩如出來,就另計,當然要法庭判 原帖由 jimmysiu 於 2008-6-6 12:13 發表 http://www.post76.com/discuss/images/common/back.gif
照睇間屋應是一人一半,個佬暫時無權趕佢走
但如果個佬證明到層樓大部分都是他負擔,只要個佬比番剩如出來,就另計,當然要法庭判
其實個佬趕佢走依家黎講都係靠惡, 講真, 如果個佬真係咁攪, 留係果度都無謂啦, 唔係一陣傻起上黎, 訓訓下交比人斬開幾件都唔知咩事!!! 很有用. 密切留意第二編
由其係離婚同間屋係兩回事既point
呢幾段我照讀俾佢聽, 佢可能得兩成聽入耳. 我預左佢又會講埋d婆媽野. 又話d街坊見到, 又話阿媽又病好煩 .. 乜乜物物..
佢同個佬依家都係好似同屋主咁(佢話), 我咪提議佢, 講清楚離婚, 繼續住埋都唔係唔得o丫. 係嘛?
[ 本帖最後由 大佬John 於 2008-6-6 12:51 編輯 ] 大佬John，其實可以將問題再簡單啲，只要你嗰friend揾到地方搬走就解決兩個問題。
我相信屋嘅業權問題一定要時間解決，最好就係賣左佢分錢，賣摟只是時間限制問題，補地價跟本不用擔心。
離婚方面更需要有地方搬走，大家離左婚仲一齊住咪仲麻煩。 我不知道. 每次提親呢個話題, 身邊人擗頭第一件事都係話要搞清楚離婚先. 所以先覺得有迫切性 原帖由 大佬John 於 2008-6-6 12:49 發表 http://www.post76.com/discuss/images/common/back.gif
很有用. 密切留意第二編
由其係離婚同間屋係兩回事既point
呢幾段我照讀俾佢聽, 佢可能得兩成聽入耳. 我預左佢又會講埋d婆媽野. 又話d街坊見到, 又話阿媽又病好煩 .. 乜乜物物..
佢同個佬依家都係好似同屋主咁(佢話) ...
講真, 決定左離婚就唔好同埋住勒, 始終都係唔係咁好!!! 原帖由 大佬John 於 2008-6-6 15:15 發表 http://www.post76.com/discuss/images/common/back.gif
我不知道. 每次提親呢個話題, 身邊人擗頭第一件事都係話要搞清楚離婚先. 所以先覺得有迫切性
咁一定啦, 唔攪清楚呢個問題, 其他野唔洗講啦~~~ 有共同物業, 最好係私下協定好。 然後搵律師連同離婚一起辦理。
因為層樓兩個人都有名又冇細路, 個官好難話判比邊一個。
我有朋友攪緊離婚時, 真係好似d戲咁, 兩公婆分兩間房訓, 廁所廁紙各自各買。
但到最後當然係要真正的分居。
單方面離婚, 兩口子日日對著實有交嘈既, 所以你朋友都係時候搵定地方搬出去。
[ 本帖最後由 Mint 於 2008-6-6 15:54 編輯 ]
頁:
[1]
2