減價 避震佳品：BBC Professionl Vibration Isolator 6釘+6墊 $450
本帖最後由 buzz1229 於 2011-2-15 23:12 編輯購自SSP永X，90%NEW，原裝PACKING，共6釘6墊(如圖)，每粒都可調校高低，連釘墊共4cm高，直徑也為4cm，為BBC釘中承拓力最高及最穩陣款式，有微小使用痕跡。之前曾用來墊CD機、20KG重喇叭、威力登十仔等，都能有效避震。購入價$660，現平售$ 520......減至$490....再減$470......$450忍痛﹗
震盪一向係現影音既天敵，有效避震能令影音表現有明顯提升，是較方便及平宜既方法﹗
網上交易多次，總算順利，大多遇到nice師兄，不過今晚交收都幾激氣......
上次星放左呢套釘上網，影埋相，仲寫明有「有微小使用痕跡」，清清楚楚。第二天已有一位師兄回覆，佢同我講價，ok，我由$520減至$490。佢一口答應，約實交收。小弟住青衣，條友住葵芳，佢約我星期二，係葵青區交收，仲話星期一晚打俾我comfirm。我一心hold俾佢，之後有兩個網友pm我，我都推左。
到左星期一晚，佢10點都唔打黎。咁我咪打俾佢約佢。因為我老婆星期二約左人到葵芳買野，所以就佢係葵芳(就埋佢)交收。當時佢實牙實齒話「一定唔會遲過8點半到」。到交收晚上，我老婆因原本應該7點買完，8點食完飯就走人，不過因為要就條友，咁就行多陣。點知......
我行到8點2左右，打電話俾佢，佢話要遲d，不過就肯定會8點9前到。好我再等......
點知佢成9點先到，足足遲左半點粒﹗好，都唔緊要，交收時，佢仲過分。
佢攞住盒野起勢睇，睇左5分鐘後同我講，d釘墊好似舊左少少，有d氧化，可唔可以平d。我話，吓﹗應該唔係氧化，佢係實心銅片，外面金色coating。(要補充2點：1.事實上絕對唔舊，大家見上圖就知；2我回家用水再刷刷，只係污積，依家新既一樣。)之後佢就話，依家係旺角買都係$600，我補多一舊水可以買新。我即時答佢，減就一定唔減，係原則問題，之前已減左$30俾你，相亦upload埋，交收地點就埋你，仲要等多你半個鐘。唔係錢既問題，最重要係你臨門先黎講價，而講價原因仲要係釘墊舊，SHIT。大佬，呢D釘墊10蚊8蚊塊，重點係粒釘。如果係無錢買同我講，你有心買，有心玩AV，減多少少無問題，搵D唔係理由既理由，我X。{:6_199:}
仲要之後我話一D都唔減，係原則》係承諾問題，唔係價錢問題﹗你要就要，唔要就算。天啊，佢仲要諗左幾分鐘.......先肯話唔要。我由9點交收足足交收左20MINS，$490野，要就要唔要就唔要，成個女人，又唔守時，又無口齒，又.....我都唔知點講，仲之好激氣。 真係一讓米 養百樣人
唔好激氣 網上買賣 有時係好受氣 師兄，唔好激氣，同你交收過的朋友都知道你好nice又會就人交收！再放比有成意既師兄吧！ 再放比有成意既師兄吧！x2 師兄，唔好激氣! 也人都有! {:6_194:} 無恥小人 公平交易唔合適就唔要無必要玩人 師兄，唔好激氣!
日后換喇叭通知一聲 原來師兄放BBC避震配件, 總之早D睇到, 因今日在鴨記又係永X入了兩盒全新, 早之向你入... 多謝大家安慰與支持，依家唔激氣了。不過我覺得有壓力要發洩一下，個人先得平衡，我剩係講件事，無開名講，亦無暗示係邊個，主要都係想發洩下，多謝大家花時間睇小弟up瘋。{:6_128:} 我都遇過呢d人, 我果陣係放鏡頭, 又話我支鏡多塵, 又話鏡片花佐. 同我一齊去買鏡頭筆, 搞完一輪, 試鏡又話我支鏡嘈, 唔買喇, x 佢, 搞佐我半個鐘, 我果日仲要去飲添呀.