chhanthony私訪系列Richard兄的加拿大籍二奶
得到屋主同意，轉載一下早兩日嘅家訪report歐美影音牌子嘅產品喺價錢上偏高(有少少脫離現實)，二來代理宣傳推廣亦無日本品牌咁進取，所以香港影音巿場近年一直被日本品牌雄霸。但其實歐美品牌當中亦有一啲較合理嘅產品可以選擇，就好似今次筆者家訪嘅主角加拿大品牌Anthem合併擴音機。
Anthem 呢一個加拿大品牌繼早前推出嘅兩部純前級D2v同AVM 50v後，最近推出三部合併擴音機MXR300，MXR500同MXR700，而其價位大約同日本品牌嘅旗艦合併機接近，喺價格上有好大嘅競爭力，而今次家訪嘅主角就係MXR700。
http://a367.yahoofs.com/hkblog/NP5b7ouRGB_FPUAmgbkjlKZt_4/blog/ap_20110117103434523.jpg?ib_____DoJrmGrs8
http://www.anthemav.com/components/com_mtree/img/listings/m/159.jpg (photo from Anthem official site)
上星期喺討論區得知有位網友Richard兄買呢部MXR700，筆者就好唔知醜地發PM畀Richard兄表示希望可以大家互相家訪一下。估唔到噚日早上就收到佢嘅SMS邀請到佢家作家，有新機聽筆者當然唔會拒絶，有點可惜嘅係因事出突然而無帶相機影相，只好用手機影。
先講講今次家訪主人Richard嘅買機過程先，原來Richard兄係Yamaha嘅宗實fans，之前幾年一直用上Yamaha上代嘅擴音機1400(無HDMI)，雖然無高清音效解碼，需要用HTPC經Asus Xonar HDAV1.3 deluxe sound card (當時要成HK$1,900)作解碼後用RCA輸出亦無問題，所以Richard兄一直未有換機嘅衝動。可惜始終部Yamaha年時已高，終於都要壞。睇嚟都真係要換機嘞，但Richard無好心急咁亂打亂撞，而係四出搜集資料為購買新機作準備，走訪好多外國論壇，好次AVS Forum就係Richard兄常去嘅論壇之一。而其間Richard兄留意到一個美國嘅新出品牌Emotiva 嘅UMC 1純前級，見到部機嘅用料同規格都唔錯，所以有啲心動，但爬文後發覺部機嘅軟件未完善，重有好多bugs，而同時間該品牌嘅優惠時間又快完，因為優惠期間會有個額外嘅remote control 送。咁Richard唯有先全數畀錢，但叫Emotiva唔好送貨住，待佢地部機stable先好送。可惜一直等呀等，等呀等都未見部UMC 1穩定。最後Richard兄只好要求Emotiva退款後再購入Onkyo嘅5507作前級配上NHT嘅P5作級之用。用咗一段時間後，Richard兄對5507同P5嘅表現唔太滿意。正當呢個時候，Richard得知Anthem推出幾款新合併機，加上因為轉到內地生產令成本減低，所以價格十分合理。
Richard兄就相約位網友一同到別超試聽。結果梗係唔駛多講，如果唔係都唔會有今次家訪。雖然今次家訪只係忽忽咁試聽兩段，不過部MXR700都令筆者留下深刻嘅印象。先簡單紹介一吓Richard兄嘅影聽環境先，Richard兄個廳大約有二百呎左右由兩個長方形組成，皇帝位後約有四至五呎嘅空間，咁玩傳統嘅7.1絶對唔成問題，Richard兄向筆者表示，佢為呢個攞法同太太爭取咗好耐。而空間中無太多嘅雜物，可以話係一個唔錯嘅聆聽環境，而Richard兄嘅器材list如下:-
http://a367.yahoofs.com/hkblog/NP5b7ouRGB_FPUAmgbkjlKZt_4/blog/ap_20110117103446265.jpg?ib_____Doov7tiyB
http://a367.yahoofs.com/hkblog/NP5b7ouRGB_FPUAmgbkjlKZt_4/blog/ap_20110117103423795.jpg?ib_____DuOUWqn4X
Pioneer 500A
Anthem MRX700
Emotiva UPA-2
Panasonic BDP55
HTPC/ASUS 1.3 Sound Card
Klipsch RF-15 RC-52 RS-42x4
Velodyne 8” sub-woofer
外觀上筆者覺得十分討好，用料做功亦唔錯，而重量方面大約三十幾磅。
音效表現方面，噚晚只係試過兩段blu-ray，但都令筆者有深刻嘅印象，第一段係Die Hard 4頭段室內槍戰。 (Die Hard 4 photos from yahoo search)
一開聲已令筆者愛上呢部MXR700，音效收放自如，每一吓槍聲都交待得好清楚唔會亂，而主角掉出滅火筒與地下撞擊嘅聲音亦十分實淨，密度好好。而surround做出嘅現場感亦十分好，有一幕筆者以為有部電單車喺Richard兄嘅屋外經過，後來先知原來係電影中嘅音效。
而低頻嘅衝擊力略為細咗少少，未有好大嘅震撼力，呢點可能同音壓有關。
第二段就試Avatar主角喺森林被野獸追捕一幕，細緻音效做得十分好，所有音效不論係主角步行嘅聲音定係林中嘅蟲叫聲都唔需要大音壓下先聽得清楚，分晰力十分好。而音效同背景音樂嘅分離度亦十分高，音效唔會被緊張嘅音樂而遮蓋，立體感亦相當好。,同Die Hard一樣，低頻嘅震撼力略欠少許，相信呢個係個人口味嘅問題同器材表現絶對無關。另外Richard兄提到早前有位網友喺別超試過呢部MXR700，可以聽到Avatar當中有一幕聖樹種籽落喺主角身上時發出微弱嘅聲音，Richard兄就話佢自己就無留意到，但筆者就可以清楚清到嗰一吓聲音。而動態同瞬變都有十分唔錯嘅表現。(Avatar photos from yahoo search)
http://farm5.static.flickr.com/4041/4286827134_8b7e8d5bbd.jpg
最值得一提嘅係ARC(Anthem Room Correction)，呢個係一個Anthem開發嘅房間音染軟件，需要配合電腦一同使用。喺筆者要求下Richard兄嘗試分別將ARC on同off咁AB比較一下，筆者覺得ARC off時音效較埋身，低頻量會比較多，但聲音比較燥。而ARC on時音場較闊，聲音經過修飾後比較易入耳，而人聲亦較突出清楚。
總括嚟筆者覺得以一部萬元級嘅合併機，Anthem MXR700可以話係交足功課有突，對於價格日高嘅日本品牌應該有十分大嘅競爭力。而Anthem嘅穩重配合Richard兄嘅組合得出嚟嘅效果亦十分有HiEnd味。
而機主自己亦表示未買機前都睇過好多唔同嘅牌子，而多番比較後購入MXR700，Richard話如果呢部MXR700唔壞的話一定有排用唔會換，聽Richard兄咁講相信大家都知道佢對MXR700嘅滿意程度啦。
最後多謝Richard兄嘅邀請令筆者可以見識到呢部表現咁好而又價鐖合理嘅擴音機。
-全文完-
PS 1 以上全為筆者非專業個人感受。
PS 2 噚晚喺Richard兄屋企聽完，筆者第一時間飛返屋企播返套Avatar，聽下聽唔聽到種籽跌落主角時發出嘅微弱聲音，結果係…
轉自: http://hk.myblog.yahoo.com/chhanthony/article?new=1&mid=475 本帖最後由 ricoy288 於 2011-1-19 14:12 編輯
等我都返去聽下有冇果下聲先, 不過我木耳加雞野, 可能要帶助聽器先會聽到.
tks for sharing....
就算唔單反, 都記得帶定傻瓜機啦, 你成日都有D甘既家訪. 等我都返去聽下有冇果下聲先, 不過我木耳加雞野, 可能要帶助聽器先會聽到.
tks for sharing....
就算唔單 ...
ricoy288 發表於 2011-1-19 14:11 http://www.post76.com/discuss/images/common/back.gif
哈，我諗都真係要袋定DC喺身。
用電話影到啲相咁鬼嚇人，真係對唔位屋主。{:6_194:} 係咪好細聲"冰"果一下??{:6_141:} ANTHONY兄D家訪越來越正,
不過下次記得拎單反{:6_176:} 哈，我諗都真係要袋定DC喺身。
用電話影到啲相咁鬼嚇人，真係對唔位屋主。 ...
chhanthony 發表於 2011-1-19 14:19 http://www.post76.com/discuss/images/common/back.gif
非常好的{:6_193:} 家訪! 係咪好細聲"冰"果一下??
鐵心心 發表於 2011-1-19 14:49 http://www.post76.com/discuss/images/common/back.gif
唔係{:6_210:}
ANTHONY兄D家訪越來越正,
不過下次記得拎單反
鐵心心 發表於 2011-1-19 14:50 http://www.post76.com/discuss/images/common/back.gif
亂寫一通，
臨時call，無計 非常好的 家訪!
tangcoma 發表於 2011-1-19 15:32 http://www.post76.com/discuss/images/common/back.gif
過奬了 希望再接再厲, post多d家訪 {:6_157:} 希望再接再厲, post多d家訪
leo25 發表於 2011-1-19 16:55 http://www.post76.com/discuss/images/common/back.gif
邊得嚟咁多家可以訪{:1_256:}
頁:
[1]
2