經過多月計劃鋪排, 同埋裝修跟進, 終於12月底正式搬家!!!!
4 隻白色 MA RXFX 掛左上牆後, 真係好正! 放o係新居中總算唔覺突兀, 今次距離計算同出黎既樣都好ok!
setup 跟返 MA guideline, 4 隻喇叭全部 set 做 dipole, 中間兩隻 surround back 就左,右掉轉.
http://upload.review33.com/images/201101/201101031030148999.jpg
打側睇, 個排列效果會清楚d!
http://upload.review33.com/images/201101/201101031040254892.jpg
個掛臂架可以收埋喇叭線, 老細極之欣賞! ^^
http://upload.review33.com/images/201101/201101031042562974.jpg
個越洋買牛返黎既新 AV rack 終於搬到黎新居, 大家睇下我收到成個幾月都未拆包裝, 我自己都唔知有無俾人搵笨.....
http://upload.review33.com/images/201101/201101031102408264.jpg
但我真係好彩, 無俾人呃之餘, 個 rack 仲要好正, 成個 steel frame 整得好平直 smooth! 個 Look 望落好得! ^_^
http://upload.review33.com/images/201101/201101031106354462.jpg
再黎個近鏡, 獨立分層釘腳分立, 釘腳可調水平, 個 Steel framework 仲要唔係四方形, 而係三角形排列直接支撐器材, 這個真是出乎我意料之外, 值得讚賞!! 2千零蚊價錢簡直超值到無話可說!!!! ^_^
不過而家仲未 set 好哂個 rack, 因為要趕住執好間屋, 只好快快手手裝起個架, 擺返哂d 機入去, 最底果層都仲未裝返釘腳, 鋼珠又未入落去d 腳裡面, 承板鋼珠又未整....... 遲d 我再繼續拆返落尼 set 架時, 再補d 相俾大家睇個架真身.
http://upload.review33.com/images/201101/201101031110494558.jpg
另外, 不得不提, 新居影音客廳主打, P 記 P46V20H, 影象真係好得!! 星期六睇高清長江7號, 影像紮實, 色彩自然, 而且仲好有立體感, 連老細都一路睇一路讚好立體!
http://upload.review33.com/images/201101/201101031134045291.jpg
現補上一張層架照, 雙三角形架構, 簡單實用, 唯一唔好處係如果你部機好深, 好可能有一d 機背中間插線位會俾後柱頂住, 插唔到...... @_@
http://upload.review33.com/images/201101/201101041528146501.jpg
weekend 已經將d 超細鋼珠灌左入個 av 架d 腳度, 底層灌左約 50%, 中間9吋果層灌左約 60%, 頂層7吋d 腳灌左約 50%, 3 包鋼珠剛剛好, 唔洗再買多包.... yeah!
不過灌珠真係要好小心, 我灌其中一隻腳既時候, 唔小心漏左好少出黎, 真係只係好少好少, 但係已經足夠我搵同執到pk... ＞.＜
灌哂之後, 每層架都重手哂, 而且明顯感覺到個重心低左, 手指彈落個架身度, 非常沉實, 感覺唔到回震, 上下層因有釘腳分隔, 更加一丁點兒都感覺不到震動, 同之前空心時既感覺完全唔同哂!!
所以買尼個架, 絕對推薦要灌珠/沙! 而尼隻超細鋼珠, 暫時感覺非常好, 一切留待聽聲收貨再報告其效果! ^^
＞＞＞＞ 灌左沙對音效有乜大改進？
其實最主要係愛黎加強化震效果, 器材自身引起既共震可以大幅消減至幾不可聞, 亦可完全隔絕自己同周遭震動既影響, 再加上本身重量同低重心, 令到成個架既承托穩固度大大提高, 而其中得益最大既係機械轉動拾訊既cd機同 lp 機.
結果會係大大增加系統重播出黎既分析力, 背景寧靜度, 音場同定位既穩定度同分隔度; 而其他高低延伸, 低頻彈跳同線條感等等, 亦有機會提升.
