仍然GTA4
龍忍2已經進入倒數階段，呢段時間仍然玩GTA4，不過已經唔係純玩任務喇，因為我已經爆左兩次，之前玩十幾個鍾就爆到機，而加玩左廿個鍾先岩岩識到亞kate(約40%)。GTA4主線任務當然好玩，不過都打左兩次喇，我加吓將主線放在第二，得閒玩吓做 job，溝吓女，同d朋友打吓bowing，督吓波。總之有朋友call就同佢去玩，所有信息都睇晒，因此d好感度有升冇減。上半部可以玩嘅任務都玩晒，手頭上亦已經有齊所有女友。
而事實上即使唔瘋狂殺路人，本身要玩嘅野都有排玩，只係間唔中開黎玩吓都好過引。
我一向理論，一個遊戲頭一次爆機只係試玩，之後熟左系統先至係真正細味遊戲嘅時候，所以CC成日話我D GAME好抵玩，因為一隻我平均爆3~4次。而3隻龍忍我加理都爆左10次，因此唔駛攻略我都可以搵晒D隱藏野....^^
GTA4本身好多有趣爆笑位，我最鍾意同D朋友落吧飲酒，真係好鬼過引，
而有時會聽到D敵人講D好搞笑又唔正嘅廣東話。
最有趣我覺得係佢個自由神像，所以今日特登飛去影張相比大家睇....^^
我真係頂佢D開發人唔順，而且肯定有香港人，因為打劫銀行時會見到個大型廣告板，上面寫住「您有冇臭鞋呀?」。
呢個叫「快樂的自由神像」，有冇D覺得佢明串希拉里呢，上面橙色光係全城200隻白鴿中其中最難打中果兩隻，要用直昇機跳落自由神像第二層用追擊槍先打得中到。
http://f20.yahoofs.com/hkblog/povxoJmACCiaBjCPG2U-_8/blog/ap_20080530125050373.jpg.jpg?ib_____DKVA2er27
唐人街可以見到「補鞋大佬.......您有冇臭鞋呀?」大廣告板。
http://f20.yahoofs.com/hkblog/povxoJmACCiaBjCPG2U-_8/blog/ap_20080530125108367.jpg.jpg?ib_____DoJK26pMu
有錢佬地方有一架直昇機唔駛搶都可以用架...^^
http://f20.yahoofs.com/hkblog/povxoJmACCiaBjCPG2U-_8/blog/ap_20080530125058573.jpg.jpg?ib_____DxZb8DGhB 「補鞋大佬.......您有冇臭鞋呀?」Smilies017 Smilies017 Smilies017 正game. 但係 . 好心你"的"起支野. 你仲有好多火頭 原帖由 大佬John 於 2008-5-30 14:09 發表 http://www.post76.com/discuss/images/common/back.gif
正game. 但係 . 好心你"的"起支野. 你仲有好多火頭
末日過左先...^^ 我打機很差的,沒有你那麼叻...;P 原帖由 DVD迷 於 2008-5-30 21:42 發表 http://www.post76.com/discuss/images/common/back.gif
我打機很差的,沒有你那麼叻...;P
GTA4出左本攻略$40，你可以買黎睇吓。
我今日睇過吓，內容唔錯，教埋你爆6個ending，
我只爆左兩個ending，一次死左roman，另一次死左kate，其他我都未爆到，所以都想買本。
手機可以用秘技，如避彈衣，火箭炮等等。
我唔主張用秘技，所以冇睇亦唔記得，不過呢本書有講。
頁:
[1]