10分賊.....GTA4
http://f20.yahoofs.com/hkblog/povxoJmACCiaBjCPG2U-_8/blog/ap_20080517091454965.jpg.jpg?ib_____DJUizcOEY上星期其實已經完成左GTA4嘅主線故事，不過冇時間update個blog，因為要剷電腦。而加正在由頭玩過。
GTA4在各大遊戲網站均評級為10分滿分，而且首週銷量亦打破左HALO 3成為全球大賣遊戲，單係首週銷量合共600萬套，已經令ROCKSTAR GAME有4憶美元收入，的確利害。
當然在香港呢個玩日系遊戲大嘅地方，總會有唔少人因為唔鍾意玩美版遊戲而對GTA或其他美式遊戲抗拒而錯失左唔少勁作，如PS2時期嘅戰神(God Of War)，我有個好鍾意打機嘅朋友竟然唔知係咩，原因當然係因為佢冇留意美版game囉。
反而由日本廠商Capcom開發嘅Biohazard 4(生化危機 4)，明顯已經走上美式遊戲化，卻有咁多港人去玩，其實Biohazard系系列都係由美式遊戲Alone in the dark系統構成，只係好多人未接觸過Alone in the dark，就以為Biohazard 4係3D驚嚇始祖..........
就係因為一個奇怪嘅觀念，令人生玩少幾多好game呢.....
http://f20.yahoofs.com/hkblog/povxoJmACCiaBjCPG2U-_8/blog/ap_20080517091431439.jpg.jpg?ib_____DIA16fCzZhttp://f20.yahoofs.com/hkblog/povxoJmACCiaBjCPG2U-_8/blog/ap_20080517091439924.jpg.jpg?ib_____D8rKYvUXn
其實遊戲本身值唔值10分呢??其實係值，不過我比9.5分(因為冇上集咁自由)。而且我都係玩日系遊戲大嘅，外國人心態總係難明嘅。我見個一個外國朋友上我屋企玩GTA-SA，佢就完全唔玩主線，成日剩係打家劫舍，我一直都唔明佢點解咁都有引......
在今集GTA中，我終於試到老凹嘅爽快，因為遊戲本身分支好多，自由度好高，有時唔想做任務，都可以行吓搵野搞。而且X360版有各種成就開啟，如10秒內連爆10架車或在6星級通緝下生存5分鐘等成就都相當有挑戰性，而要做到6星級通緝更加係唔容易，有時唔造案，同D老友去玩吓保齡督吓波，又或事上網溝女等，都一樂也。事實上GTA有趣嘅地方亦係在於你日常生活唔會做嘅事都可以在遊戲中做到，如老凹亞毛......
今集加入左手機系統，相當方便，因為好多時d任務都可以在手機中睇到，而且在人與人之間亦係相當重要一part，搵job都要靠佢。不過有一個問題，就係要識基本英文同電視要大，否則真係睇到你鬥雞，有時miss左D任務都只可以怪自己唔睇信息........
不過同上一代GTASA相比，卻刪去飛髮舗玩健身等有趣店舖，如果可以有翻我一定會比10分，因為上集我總愛飛個爆炸頭加人字拖+食到肥肥仔咁，真係型到爆。
注意事項︰
1, 要同D朋友保持關係，得閒約出黎落玩吓食吓，因為日後有D技能要扉朋友。
2, 偷到靚車可以拍起屋企樓下黃格內，咁日後就唔會唔見。就好似Brucie比你果部林保堅尼，你起街真係想偷到偷唔到。
3, 老凹就搵的士佬，有時佢車完你之後可以唔該完佢就老凹，好多時有成5~6舊錢，比一般老凹多好多。
4, 路程太遠可以坐的士，落車後跟手殺埋的士佬....^^
5, 唔想揸車又冇的士，可以call Roman嘅租車服務，堂兄弟唔駛錢架，不過唔係時時有車...
6, 買軍火搵你老友Jacob，因為佢D軍火比槍舖平好多，但佢唔係成日得閒。
7, 注意手機信息同上網睇E-MAIL，在遊戲中好重要。
8, 唔係所有紅色箭咀都要殺人，有時要留意佢講d咩，可能只係要你影張相，殺左佢的確係可以過版，但亦可能會失去一個幫你嘅朋友。
9, 留意街上出現隱藏人，有時可能會成為你朋友，日後有job關照你架..^^
http://f20.yahoofs.com/hkblog/povxoJmACCiaBjCPG2U-_8/blog/ap_20080517091501849.jpg.jpg?ib_____D5e_ewa7l
日系遊戲一定唔會有如此樣衰嘅男主角，否則一定唔好賣。
http://f20.yahoofs.com/hkblog/povxoJmACCiaBjCPG2U-_8/blog/ap_20080517091608640.jpg.jpg?ib_____DNhqr_FN4
畫面細緻度已經唔駛多講。
http://f20.yahoofs.com/hkblog/povxoJmACCiaBjCPG2U-_8/blog/ap_20080517091551717.jpg.jpg?ib_____DAUpOMB56
各種唔同交通工具任你揸。
http://f20.yahoofs.com/hkblog/povxoJmACCiaBjCPG2U-_8/blog/ap_20080517091543682.jpg.jpg?ib_____DQ7V_NBZ8
唔相揸車亦可以搭下火車坐吓的士，幾爽呀。
http://f20.yahoofs.com/hkblog/povxoJmACCiaBjCPG2U-_8/blog/ap_20080517091535739.jpg.jpg?ib_____DjIQ_w2xs
街上人流亦相當多，揸車真係要小心D，不過在GTA世界，殺人放火都已經係閒事....^^
http://f20.yahoofs.com/hkblog/povxoJmACCiaBjCPG2U-_8/blog/ap_20080517091600707.jpg.jpg?ib_____D8V1C4BT1
今集手機在遊戲中相當重要。
http://f20.yahoofs.com/hkblog/povxoJmACCiaBjCPG2U-_8/blog/ap_20080517091528215.jpg.jpg?ib_____DXxWVUNJp
我好鍾意老凹(殺)的士佬，因為佢身上最多錢。
http://f20.yahoofs.com/hkblog/povxoJmACCiaBjCPG2U-_8/blog/ap_20080517091512732.jpg.jpg?ib_____DhQoQcvyO
雖然遊戲中個城市叫Liberty City，不過其實係New York嘅翻版。
http://f20.yahoofs.com/hkblog/povxoJmACCiaBjCPG2U-_8/blog/ap_20080517091520146.jpg.jpg?ib_____D3_tnEzxW
online對戰雖然係今集其中一個賣點，不過就唔係咁多人玩..........
似乎做任務比對打吸引好多。
[ 本帖最後由 marcolau 於 2008-5-17 14:51 編輯 ] 好正咁喎~~~good report!!!Smilies018 Smilies018 Smilies018 原帖由 小瑟 於 2008-5-17 12:20 發表 http://www.post76.com/discuss/images/common/back.gif
好正咁喎~~~good report!!!Smilies018 Smilies018 Smilies018
你有PS3架，買黎試吓啦...^^ 我都會為咗呢隻game買机，不過係360，因為佢重有隻忍者2，其待中....... 原帖由 j.w 於 2008-5-17 13:44 發表 http://www.post76.com/discuss/images/common/back.gif
我都會為咗呢隻game買机，不過係360，因為佢重有隻忍者2，其待中.......
我個人比較鍾意360個成就系統，所以一般如果有PS3版同360版都都係買360版....^^
忍者2唔駛多講，必買正game..... 我想知係乜野輸出
720??
1080?? 你不要毒我啦...我比你講到開始有興趣想入返隻玩下...:Q :Q
你有好介紹...精華你應得的.Smilies018 原帖由 呀牛 於 2008-5-17 14:55 發表 http://www.post76.com/discuss/images/common/back.gif
我想知係乜野輸出
720??
1080??
x360支持1080p輸出，ps3就唔知，多數720 原帖由 DVD迷 於 2008-5-17 17:50 發表 http://www.post76.com/discuss/images/common/back.gif
你不要毒我啦...我比你講到開始有興趣想入返隻玩下...:Q :Q
你有好介紹...精華你應得的.Smilies018
買黎試吓啦，唔識玩又唔駛死嘅，大不了咪日日玩老凹囉.....^^
有部ps3都唔好blu-ray only，得閒都應該用黎打吓機至得.......... 打機我都係冇咁既恆心, 因為成日書.........:L :L :L