Ironman 鐵甲奇俠 ... J J 小評
http://www.moviesuper.com/big5/Graphics/DATA/Information/IN-4181.jpg上年睇呢套戲首段預告片時個感覺，唔係呀嘛，個鐵甲人咁肉酸既，到第二段預告片時，係就係好d，但始終都比唔到我信心。但到左套戲上畫既時候，好自然都會入場支持o下，因為我始終都係半個Marvel Hero迷囉！
言歸正傳講返齣戲，故事大路到不得了，天才科研家落難，到死裡逃生後佢既人生觀有所改變，繼而做d佢以前唔會做既野 (應該話佢果時跟本就唔知人間疾苦)。情節上點都有d地方唔合理，但從來睇戲既我只會盡量投入套戲既電影世界，唔太過份既我都費鬼事反駁佢啦！
聽有d朋友仔講嫌佢d動作場面唔夠多，我自己就覺得都算ok啦，有時太多反而未必咁好。男主角係就係唔太靚仔架啦，但都算型佬一名o丫，而影后級女主角就較為花瓶左d，加上佢d化妝............總之老得黎仲有d殘添，可能原意係想加d號召力掛，點知而家好似反而有d弄巧反拙添，不過對我黎講都無傷大雅，因為睇呢d戲都係睇男主角姐！套戲既CG我覺得都幾正，起馬比神奇四俠好 (拿~~~我自己覺得架炸)，以一個無超能力或者特別技能既super hero黎講，描寫到佢有咁既 "異能" ，我覺得已經比我預期中勁呀！
總結：以一套兩個鐘頭鬆d既戲，我一d都唔覺得有悶場，而為左挑戰我既體能極限，我之前果晚仲通左頂添 (其實挑咩戰丫，只係之前果晚啦啦ok，但又已經一早買左飛焗住去睇咁解姐)，點知我一丁點睡意都無，睇畢全場。一套有動作、有CG特技、有笑料既電影，加上我 $35早場黎計間值覺得超值無投訴，到出碟時一定會買黎重溫兼收藏，希望到時會有加詳版啦！
提提預算去睇既朋友，記住散場千其千其咪閃住，耐心d睇晒佢既credit，因為之後仲有小小留下集伏線既片段仔呀！ $35早場抵呀Smilies018 嘩....你咁快睇左既, 呢套我都想睇呀!!! thx report~~~Smilies018 Smilies018 Smilies018 值得一看...Smilies018 Smilies018 我尋晚終於都睇左勒, 果然冇另我失望, 呢套好野呀, 出BLU-RAY時應該多數都會買.
上次睇變形俠醫時其實又有 IRON MAN出現, 勁型~~~~:D :D :D
頁:
[1]