蘇乞兒 ... J J 小評 (含內容)
http://www.moviesuper.com/big5/Graphics/DATA/Information/IN-4758.jpg呢期一口氣睇左幾套港產片，尋晚就睇呢套蘇乞兒，o係無期望之下睇完無失望又無驚喜，故事講主角同奸角係結義兄弟，大佬妒忌細佬，但細佬"恐龍"讓梨將主帥個位讓比比大佬，幾年後大佬就做左大官返蘇家尋仇，點解呢？原因係主角個老豆因為民除害隊淋左大佬 (義子)個阿爹，主角慘遭滅門但又唔夠抽仲要比人廢武功，同老婆避世遇到高人救佢一命，主角自暴自棄一輪之後思覺失調以為遇到世外高人，其實只係幻覺有人同佢切磋武功，但又好奇怪佢既武功又可以大進兼覆桌成功，但好不幸佢老婆就一命嗚呼。之後兩仔爺就做其乞兒 (夾翻個戲名嘛)，撞返以前做官既兄弟，而D洋鬼子就搞什麼擂台比武，果個兄弟就做緊聽個朵就好似好勁既總教頭，點知一上擂台兩野就比人收皮正果，咁主角超神勇用醉拳一打唔知幾多個就完場。
聽我形容都覺得故事老土，除左趙文卓、安志杰同周迅戲份較多外，其他角色包括楊紫瓊、周董同劉家輝完全係大才小用，因為屋企睇所以唔知戲院上3d版有幾咁突出，但都補救唔到套戲，打鬥場面無新意，唯一就係覺得趙生咁既年紀都仲打得兩咀，佩服佩服！睇黎我都要耍o下套恆乳仁龍拳強身健體o下至得勒！XDDDDDD
提外話，安志杰點都後生過趙文卓，點做佢義兄呀！ 講得好.....super agree !!
頁:
[1]