朗 發表於 2010-11-1 23:10

恐懼鬥室3D終極審判(劇情透露spoiler)Saw 3D

週末去睇，見捧場嘅人唔多，美國本土開畫週末收美金二千四百萬，成為票房冠軍，但唔算太好成績。

唔鍾意或者頂佢唔順嘅，一早就放棄唔會睇、唔再睇。嚟到第七隻，講真，乜劇情嘅所謂懸疑，係拖咗咁多集都拖到漏洞百出啦，入場睇，都係睇佢點死，或者啲人點死啫。

咁喺呢方面呢套所謂終結篇又幾重手，90分鐘嘅戲，一共有11個虐殺機關，平均唔使10分鐘一個，感覺上畫面見到血嘅時間係多過見唔到血嘅!

核突場面係夠多，但唔一定代表充分發揮3D製作，真正3D特出效果唔多，呃多幾十蚊戲飛錢就成功達到。

係咪終結篇? 呢集呃神騙鬼揾食嘅Bobby Dagen同Hoffman都未死，仲有第一隻自鋸腳掌，中間幾集一直布下伏筆話佢喺背後施展醫術暗中幫John Kramer手嘅Doctor Gordon，返出嚟就咁幾個鏡頭? 最後同埋佢帶著面具嗰兩個一齊伏擊Hoffman嘅又係乜水? 咁多人物剩低就咁終結篇?

轉載: 星島日報30-10-2010











小瑟 發表於 2010-11-4 08:07

今晚去睇先！

朗 發表於 2010-11-11 10:45

頁: [1]
查看完整版本: 恐懼鬥室3D終極審判(劇情透露spoiler)Saw 3D

重要聲明：本討論區是以即時上載留言的方式運作，Post76玩樂討論區對所有留言的真實性、完整性及立場等，不負任何法律責任。而一切留言之言論只代表留言者個人意 見，並非本網站之立場，讀者及用戶不應信賴內容，並應自行判斷內容之真實性。於有關情形下，讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限，故不能完全監察所有留言，若讀者及用戶發現有留言出現問題，請聯絡我們。Post76玩樂討論區有權刪除任何留言及拒絕任何人士上載留言 (刪除前或不會作事先警告及通知 )， 同時亦有不刪除留言的權利，如有任何爭議，管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論，敬請自律。本網站保留一切法律權利。權利。