恐懼鬥室3D終極審判(劇情透露spoiler)Saw 3D
週末去睇,見捧場嘅人唔多,美國本土開畫週末收美金二千四百萬,成為票房冠軍,但唔算太好成績。唔鍾意或者頂佢唔順嘅,一早就放棄唔會睇、唔再睇。嚟到第七隻,講真,乜劇情嘅所謂懸疑,係拖咗咁多集都拖到漏洞百出啦,入場睇,都係睇佢點死,或者啲人點死啫。
咁喺呢方面呢套所謂終結篇又幾重手,90分鐘嘅戲,一共有11個虐殺機關,平均唔使10分鐘一個,感覺上畫面見到血嘅時間係多過見唔到血嘅!
核突場面係夠多,但唔一定代表充分發揮3D製作,真正3D特出效果唔多,呃多幾十蚊戲飛錢就成功達到。
係咪終結篇? 呢集呃神騙鬼揾食嘅Bobby Dagen同Hoffman都未死,仲有第一隻自鋸腳掌,中間幾集一直布下伏筆話佢喺背後施展醫術暗中幫John Kramer手嘅Doctor Gordon,返出嚟就咁幾個鏡頭? 最後同埋佢帶著面具嗰兩個一齊伏擊Hoffman嘅又係乜水? 咁多人物剩低就咁終結篇?
轉載: 星島日報30-10-2010
今晚去睇先!
頁:
[1]