睇完你地d評語好有興趣啊！
睇黎套野唔錯
聽日睇{:6_208:}
松隆子幾靚女啊，好期待。
睇左!!好睇呀!仲好過小說! 改o左小小野之後好d 結尾結得好過小說!
小說唔到唔到咁, 電影就修補o左呢個缺憾! ...
storm 發表於 2010-10-14 23:52 http://www.post76.com/discuss/images/common/back.gif
呢套真係好好睇,老實講我覺得套戲係勁堅同幾震撼!
情節就固之言心寒,唔怪得日本係限制級同香港一樣係三級,呢個係一定既~
我冇睇過小說,但我覺得個ending收得非常好,令人心寒之餘但又好可憐(每個角色都係);
松隆子,木村佳乃同埋個成過千人選出黎個天才兒童主角都做得好好!
松隆子我印象仲留起日本OL形象,但佢起套戲後段同ending演出都幾屈機,
個角色好易做到好似神經病痴痴地咁,但佢掌握得非常好!
仲有攝影,畫面,配樂極之一流,都好多MV唯美式拍法,但又配合套戲現實得黎又有幾分抽離,
我仲想講呢套係我覺得其中一部用radiohead既歌用得最好!
雞蛋裡挑骨頭係導演想表達的東西太過多,但冇時間講唔晒
松隆子幾靚女啊，好期待。
supremeling 發表於 2010-10-16 21:11 http://www.post76.com/discuss/images/common/back.gif
吓! 師兄咁講一定係未睇嘞, 松隆子喺呢套戲同嗰靚字全無關係, 同嗰女字都全無關係, 而係最毒婦人心嘅極致演繹.
喺一套短短107分鐘嘅戲, 可以咁深刻勾劃出咁多咁怨毒, 咁醜惡嘅角色, 甚至包括出場只得極少對白嘅兇手A嘅生母同後母, 嗰種令人討厭嘅自私卑劣, 導演同編劇嘅功力, 電影技巧之高, 真係令人佩服.
本帖最後由 doubt 於 2010-10-17 01:17 編輯
最"中"係好多人年輕讀書時都曾經做過或受過一些不多不少的冷暴力行為....
究竟人性本善還是性本惡,還是人類文明群體生活把心底裡的邪惡和醜惡一面都給抑壓掉?
套戲仲帶出其他唔少灰色地帶既問題,無力感幾重...
松隆子係好恨毒,毒過kill bill式報復,片中佢係俾你死左即係便宜左你個種,但係又好可憐及可悲(因為堅持這樣報復),我諗起無間地獄.....其實我覺得片中她是自知的,但現實中憤怒往往戰勝理智,設身處地自己個女無辜被殺自己會唔會咁....
那個天才兒童與生俱來的邪惡我覺得更心寒,
人性啊~~~
本帖最後由 teddy 於 2010-10-17 13:29 編輯
呢套會唔會好似《骨肉同謀》咁偏激？
松隆子飾演嘅女教師森口悠子，最毒係處心積慮，設計令到兩個兇手親手殺死自己最愛同最惜自己嘅人，無可補救嘅懊悔同生不如死嘅感受至係最最毒嘅報復!
呢套會唔會好似《骨肉同謀》咁偏激？
teddy 發表於 2010-10-17 10:53 http://www.post76.com/discuss/images/common/back.gif
覺得偏唔偏激觀點與角度,兩者有些議題上係有些少相似,同樣講及人性時既情節上係有些"極端",但表達方式不太似,我唔識點講...
兩片比較我比較喜歡"告白",而"告白"亦比較入俗眼一點,不過兩片都有些缺點,而Mother個導演之前套"殺人回憶"就真係好perfect!
