呢次真係火都黎埋!
嬲得我丫!! 實在要發洩下! {:1_250:}我辛辛苦苦執好個屋企, 清潔好晒D地方, 將D冇用既雜物掉晒
轉個頭我阿媽同阿妹又整污糟番晒D地方!!
我話我去買番個窗廉掛番係廳個窗口同新鞋櫃新茶几, 竟然同我講話是但買個浴廉當窗廉掛就算, 我聽到已經唔想再講落去, 跟住話全部野我比錢我自己一個去買, 唔使勞煩佢地.
之後阿媽就話 : 你換左D新野, 個茶几冇櫃桶, 我D野放去邊呀?!
我答番佢話 : 宜家張茶几入面D野, 幾乎全部冇用, 大部份都掉得, 好似D叉電器, 連部電話都已經換左, 你仲留黎做乜? 用黎碌D衫上面D塵同毛毛既果個碌, 都完全冇晒黐力, 你仲留係度, 屋企梗係多雜物啦, 可唔可以將已經冇辦法再用到既野掉左佢, 自然唔需要咁多地方咁多櫃去放垃圾.
點知佢竟然話 : 你乜鬼都話掉, 你估D野唔使錢買番黎架? 之後仲要再加一句話我麻煩話我"痾""哥"!
我阿妹就係度符和話 : 係囉~邊有人好似你咁麻煩架, 多多聲氣
之後我見佢地用黎裝水既水樽用到有晒D黑色既積係度, 咁就話掉左個舊既水樽, 用新果個水樽裝水啦
點知我阿媽竟然話掉新果個, 舊果個就洗一洗佢繼續用!
之後我問佢做乜要多此一舉, 反正都係要掉其中一個, 梗係掉又舊又污糟果個, 反正兩個樽都係唔使錢既, 有乜理由掉新果個架?
佢就話 : 咁我做乜要掉舊果個? 我都未見過有男人好似你咁麻煩咁婆媽
跟住, 佢又話要留起D好舊既衣夾, 我就話屋企D衣夾已經多到用唔晒 (起碼有60-70隻), 連放衣夾果個大盒都已經放唔落, 用唔著但又留咁多係度做乜? 搞到個屋企成個垃圾場咁
我從來唔介意得我一個去清潔個屋企, 但我真係好討厭佢地唔該都冇一聲之餘, 仲要講到我執好個屋企係我有問題咁
之後佢鬧我話 : 錢你嫌唔嫌多呀?! 呢D錢黎架!你會唔會掉你D錢呀?! 敗家仔!
最後我發脾氣話唔會再理個屋企, 次次我執到乾乾淨淨整整齊齊, 幾個鐘之後就打回原形變番做垃圾崗, 咁我執黎做乜?
之後佢又鬧我話 : D野會用, 個地會踩, 梗係會整污糟架啦! 本帖最後由 七彩小生 於 2010-9-9 16:01 編輯
女人係咁{:5_93:} , 靜靜雞每日棄5件. 一年1825 件! 本帖最後由 liljon852 於 2010-9-9 16:10 編輯
女人係咁 , 靜靜雞每日棄5件. 一年1825 件!
七彩小生 發表於 2010-9-9 16:00 http://www.post76.com/discuss/images/common/back.gif
正有此打算, 我發覺好多野, 例如佢地D鞋咁, 放係鞋櫃入面都可以封晒塵既, 起碼有幾年冇掂過, 有D仲要已經發霉
我話掉, 佢就話唔掉, 要著.
心諗 : 你係著既就唔會放係度幾年冇郁過啦, D鞋就越買越多, 足足有幾十對.
買新鞋唔緊要, 但舊果D唔該真係處置好佢囉
今朝執一執我老豆D舊書同舊紙, 呢一樣野我叫左佢足足幾年, 幾年以黎佢都係唔執, 仲要越儲越多, 連D壞左既電器都儲係度, 一味話會修理會修理, 但做左佢個仔咁多年, 知佢一向都係得個講字, 屋企個閣仔有D成20年前既電器, 佢20年前話會修理番好黎用, 20年後既今日呢? 咪又係一樣冇修理過. 舊果部LCD TV, 雖然唔係大, 但都有27吋, 壞左一年喇已經, 佢又係死都要留低係度, 又話會整喎.
好多時有D親戚黎到我地屋企, 都覺得我地個屋企好似垃圾崗, 又污糟又核突, 人地唔好意思當面講, 但我知道背後有講.
醜架嘛~而且個屋企係自己住既, 乾淨D整齊D會死既咩? 五常法{:5_82:} 好奇怪, 成家人(除0左樓主)都係咁. 我老婆啱啱相反
我成日俾佢掉晒我D野
{:6_154:} Ching唔好勞氣，慢慢教啦！通常同埋住一間屋都會發生大大小小嘅矛盾o架喇！所謂相處好同住難就係咁解喇！{:6_146:} 回復 7# jt24
{:6_193:} {:6_193:} {:6_193:} 本帖最後由 Raphael 於 2010-9-9 16:46 編輯
師兄情況, 同我以前既遭遇簡直係一模一樣!!!!!!!!
係! 真係一模一樣!!!!!!!!!
自從我初中讀書時代開始, 我主動做家務之後, 我阿媽同我個妹就越做越少, 最後就變成乜都唔做!!!
每次我執好屋企, 打掃乾淨, 佢地就專搞破壞
我阿媽專揀我抺完屋之後, 就將佢啲封塵舊衫拎出嚟改, 周圍 "仰", 唔駛半個鐘就屋企所有傢俬又舖晒塵 (咁尚算係好小事)
佢至喜歡搵一大班朋友上嚟屋企開 party, 搞到污漕晒之後, 就由我執手尾
用完啲雜物就到處放(例如無線電話, 衣架)...... 我叫佢收返好, 佢就話 "我要用架" (其實係兩日後要用)
每次叫佢唔好咁無手尾, 就話我多多野講, 又話我 "搞到佢好似做乜都無自由", 又話 "屋企有人住, 梗係會污漕架啦"
最離譜既, 係佢好喜歡好得戚地向我講:
1) "咁你見我整亂咗, 你就執返好佢, 咁有乜問題呀?? 我唔覺有問題喎~"
2) "我係唔做架啦~ 你睇唔順眼就執好佢囉~ 再唔係就大家都唔好執~"
我個妹仲仆街.........
每次叫佢要有手尾, 或者幫吓手執屋, 佢就完全當聽唔到..... 係! 無錯! 佢真係完全唔應你, 當你透明一樣!!! 半句都唔會應你!!!
有一次我忍無可忍, 向佢不斷咁講咗大半個鐘; 但佢依然好悠然自得地食野 + 睇電視, 半句無應過我!
之後我阿媽返到屋企, 問發生乜事.......個仆街妹就 "懶" 委屈地講:
"我唔知呀~ 佢成晚不斷伊伊哦哦.... 好似痴線咁~ 我好驚佢呀~~ 我唔想應佢呀~"
(好彩後來, 呢件仆街瘟神搬走咗, 我執少一個人既手尾)
後來, 我結咗婚, 兩公婆搬開住
仲記得臨搬走之前嗰兩個月, 我阿媽開始知道大鑊........... 因為知道今後完全無人會服侍佢
於是就成日有意無意咁話:
"你買咗樓唔係好耐, 未入伙, 樓價都已經昇咗 10%; 有無諗過放返出去, 賺咗啲錢佢呀?"
"你屋企有六七百呎, 住多個人都夠晒喎~~"
"你地將來有小朋友, 不如等媽咪嚟你喥幫你湊吖~" (註: 我住荃灣, 佢住南區)
"其實唔搬仲好啦~ 始終一家人嘛~~~"
(老實講....... 真係越聽到佢咁講, 越覺得討厭, 越認為搬走係做得正確)
佢見對我出口術無效, 就向親戚入手; 成日扮可憐, 向親戚講:
"搬走咗, 得返我一個人, 真係有乜事都無人知呀!"
(註: 佢而家都只係五十三歲, 晚晚去蒲到兩三點就有心有力, 做家務就話無力)
而家我同我老婆不知幾咁free, 唔駛日日見到屋企好似垃圾崗咁 (雖然我地日日都仲會執屋打掃, 但好 easy)
過時過節, 見到我阿媽, 我都不忘講返句:
"而家真係好唔慣呀~ 簡單執一執, 屋企乾淨整齊晒~~~ 又唔駛執人手尾, 又唔駛俾人激~ 我而家先知, 原來人生可以唔駛咁辛苦架喎~~" 好奇怪, 成家人(除0左樓主)都係咁.
radhk 發表於 2010-9-9 16:21 http://www.post76.com/discuss/images/common/back.gif
性格同佢地好唔同, 所以有時我阿媽會話唔知係唔係醫院執錯左個仔比佢
我好貪靚, 好鍾意屋企簡約, 清潔整齊, 亦會花好多心機係呢幾方面上
但好似我阿妹咁, 就好污糟, 有時又唔沖涼, 抹面條毛巾佢真係可以完全唔洗既
我父母就....比其他外人/親戚評為貪小便宜, 乜都霸一餐, 例如有D電器, 屋企已經有多出黎, 但佢地知唔使錢, 就依然要搬多件同樣既返屋企
之前好似風扇咁, 我完全唔明做乜一個屋企, 2房一廳, 為乜要放5把風扇加一部冷風機係度, 屋企已經細, 仲要係咁拎冇用既野返黎擺.