超大打擊-M7+LX82,又聽聽女性的評語
今日都算幾大打擊,聽下我個故事.先聲明,我只係一個普通用家,乜都唔識,更無研究D音響野,只知一D最基本的大路野
如AV AMP聽歌唔好,MK係無性格,你比乜佢出乜之類.
好勒故事開始,早前換左LX82,用緊前置係一對已經搵唔到型號,唔知幾多HZ的PARADIGM喇叭,都唔係坐地喇叭,但有50CM高.
十幾年前買落,個陣好似二千幾蚊隻.
中置同後置直情連牌子型號都搵唔到,個陣應該係中置二千左右,後置千幾一隻,都係跟左我十幾年,
個時乜都唔知,走上去友誠條茂利話邊件就邊件執左佢地返來.
個WOOFER都係ROGER ASB-80,之前配805用左幾年已經.
由805上左82,真係驚喜,臨場感高左好多,聽歌都好過805.
跟住換左個ROGER去HRS-12,呢個就真係大改善,成個低音好似地獄上左天堂咁.
呢輪買咁多野,係因為有新屋準備搬,所以捨得少少駛錢,
成日都好鬼想用MK,風聞係快,埋身,夠力量,自己去米樂聽過都覺的正.
而由於新屋想將喇叭上牆,兩隻大牛龜前置自然首當其衝,加埋個中置側邊塊木都甩埋出黎咁滯,
比我搵到個好好的借口換鬼哂佢,最後揀左三隻M-7返來,興高采烈,自然拉埋女友一齊試.
好,聽歌,的確,多左好多細節以前聽唔到,重清左好多添,好似有少少錄音室度咁.
我木耳自然聽唔出個分別,以為好鬼正,轟轟轟,砰砰砰,有細節,又清,幾正呀你話~~
可惜女友唔係咁感覺,聽左一陣,評語係,做乜你要換對咁喇叭?好差呀呢對野,
播首張惠妹聽海,佢話聽到佢好神經緊張,完全無法子享受到音樂個感覺,
再播多幾首,佢有唔少評語,呢對野好冷漠,毫無感情,呢隻歌明明感動到人,係原本個喇叭聽係好感動,
而家變成得個又嘈又刺耳.
咁好,我話佢知,咁呢D類似鑑聽的喇叭,聽歌係差D,但電影得喎.
拿拿林做個MCACC,跟住拎我地最熟的變型金剛來試...
今次,連我自己都覺的,無咁正相比那對不知名大牛龜,
無論歌又好,電影又好,低頻個邊,係有SUB烏,但總係好似無左層聲咁,好虛(已較左CROSSOVER係80HZ),
講細節,係多左,但差好少好少...但個投入感差過大牛龜好多,D聲好平面,高音重有少少刺耳,
變型金剛入邊,開頭係基地,同博派落來地球個度,背景係有音樂,我女友即時同我講,呢兩段音樂係原本大牛龜度係比到人有感動的感覺,
但呢對野完全無,同埋就算較細聲,都直情話睇到佢個人頭好暈,耳仔好受罪.
最後,佢想我唔好用呢幾個喇叭,換返原本個對....
後來佢比我嘈到頭暈眼花,走左去訓,我自己聽返D歌,睇返D片,真係少左D味道,歌就直情好似唔見左一段聲咁,
不過我自己用大牛龜又好用M7都好,都係較80HZ的,但M7就斷左層,唔見左一段咁,但大牛色就好FULL,成個音域包圍哂個環境,
係無咁清,無咁細緻,但成個感覺,的確係聽來感動好多,我女友唔提,自己唔覺(應該係唔會去想呢D野,無為意就聽唔出分別直情)
比佢埋怨完一輪,而家個人都好DOWN下,真係慘.....嗚嗚... 可能mk真係唔係咁岩你地口味喎, 不如出去行多幾次, 試多幾對, 聽清楚~~ 係未要burn in下呢??...... 本身LX82以經分析力高再加上mk又係所以有機會變成你講咁樣,但ching 可以試吓更換線材會唔會好d(PC,喇叭線) C兄:其實你對M7喇叭可能未溫好.你聽多D.可能會有驚喜呢?{:6_237:} 我懷疑原本隻大牛龜係FULL BAND的...
所以80HZ再落都OK,唔會好似無左截聲,
我而家個感覺係之前係米樂試機出現過,就係佢由M7轉M5比我試唔記得較返100HZ比M5,
中間就係好似而家咁唔見左截聲...
我唔敢換呀D線,珠玉在前,換完一輪都未必可以打返低架老大牛龜呢...
本身LX82以經分析力高再加上mk又係所以有機會變成你講咁樣,但ching 可以試吓更換線材會唔會好d(PC,喇叭線) ...
rlwk2009 發表於 2010-8-6 23:20 http://www.post76.com/discuss/images/common/back.gif 我都希望,一般點RUN同RUN幾耐?
比佢話到D喇叭係垃圾真係好鬼DOWN
C兄:其實你對M7喇叭可能未溫好.你聽多D.可能會有驚喜呢?
rinko 發表於 2010-8-6 23:25 http://www.post76.com/discuss/images/common/back.gif MK攞嚟聽歌............. 你同她講新喇叭係咁樣架.要聽一排聲才會好轉的.如果唔好就換喇叭線.睇吓有冇改善? 應該十仔同喇叭係未開聲,其次係換喇叭線同PC啦!RUN一排再比較!{:6_238:}