[首發] MagicTV 新功能之 遙距錄影 (全文完)
本帖最後由 阿定 於 2010-8-7 01:03 編輯如需轉貼，請標明作者: 阿定 出處: Post76
今日影音展，同電視機頂盒有關的從未公佈消息，就係MagicTV的遙距錄影功能啦，點解我會知？因為我入場後見到Pixel Magic的官方人員，手持iPad我覺得有d野，所以就多口走去問MagicTV同iPAD有咩關系，結果就得出遙距錄影的消息啦！
從下圖可以見到，遙距錄影的方式係透過網頁的方法的，不過唔係連去你家的MagicTV，而係連去一個未公佈的MagicTV網頁，咁大家就會問，睇EPG當然無問題，但點先可以控制自己果部MagicTV呢？官方比左兩個答案我，1. 會同指定手機網絡商合作，直接控制自己部MagicTV2. 就係右上角的登入功能啦，只要登入左，就可以連到自己家裡部機啦，咁會唔會設定上好煩呢，官方聲稱可以不用設定NAT轉址，但並無詳細解釋，只說非常容易，而小弟估計，應該係用上uPNP的技術，讓不懂使用Router的朋友也能輕鬆設置！
由於係用網頁，當然iPhone 同其它裝置都得啦，而官方聲稱所有型號的MagicTV都適用，看來舊機主可以再一次感受到MagicTV的增值係不停的進行！
推出日期，可能因為MTV7000的關系，所以官方未有正面回應，但經我再三追問下，應該會和MTV7000同步推出，又或MTV7000推出後的短時間內會發佈，即係不會比MTV7000早出啦！
如需轉貼，請標明作者: 阿定 出處: Post76 咁堅？新型號先得？ 嘩！第一次聽到呢個新功能，唔錯喎！ 如果可以network stream比手機睇電視就好 Eight SM-908 可以 network stream 比手機睇電視 遙控錄影呢個功能已經好正, mtv既支援做得真係好。 係唔係7000系列? 正喎..如果每個型號都有此功能就正啦 Mtv對舊型号功能update方面一直都唔孤寒，所以全線支援搖距錄影幾會都好大！ 正wor{:6_157:}