玩左兩個半鐘左右~寫下少少感想啦~首先當然要講講C2嘅畫面~本人冇3D電視~效果試唔到~但就咁睇落~本作畫面應該係暫時家用機之中最強嘅~無論係GI﹑SSAO又或者係其他嘅texture﹑物理都有唔錯表現，而且家用機嘅FOV以咁大嘅地圖黎講亦都係非常難得。至於fps方面，單機fps同之前demo時差唔多，大約30左右，雖然當中有掉幀情況出現，但暫時未試過有如香港股市般嘅上落。遊戲入面亦出現唔少壯麗場面，例如塌樓﹑塌橋﹑撞樓﹑直昇機追逐等等都為遊戲加上唔少色彩。
音效方面，360版得DD音效，但入game後十分給力。比我平時打機嘅音量都仲要大聲。槍聲亦十分清脆，特別係射中敵人後嘅感覺同打COD多人模式一樣有「到肉」感覺。係環繞方面，敵人對話嘅定位唔錯，亦基本可以靠槍聲辨物。而納米服2.0嘅「導航員」講野時亦好有包圍感。
gameplay方面，上面講到地圖好大。相比起同類遊戲，本作地圖的確係大果隻，當中亦都有好多建築物比你入去探險，尚算好自由。當然相比起1代，2代基於建築物嘅限制唔可以容許玩家任意前進，但玩法同樣係自由嘅。遊戲一開始玩家要對付嘅敵人係CELL。CELL本身負責殺死疫區入面嘅所有受感染人士，同時亦要回收主角身上嘅納米服。係對付CELL嘅時候，玩家可以選擇駁火或者潛行，一邊暗殺敵人一邊前進。但本作嘅AI係比較聰明。如果以潛入遊戲黎講C2嘅AI甚至係最醒嘅一隻。首先佢地嘅可視範圍極遠，如果你同佢地有眼神嘅接觸都分分鐘會墮入冥河。第二，佢地嘅警覺性係十分高，有咩風吹草動都會即時作出反應，向玩家嘅方向前進或者戒備。例如當玩家以隱身模式係佢地附近行時，若果行得太快發出聲音佢地會feel到，有d敵人甚至覺得你係度已經會開槍。又例如玩家暗殺左一名敵人的話，其他敵人就會「Can you read me?」咁，當佢地發現唔對路時候就會行去死屍個方向。所以敵人嘅活動範圍係十分大，如果你唸住好似蛇叔咁樣潛入的話就要好小心。但挑戰性的確十分之高，至少相比Far Cry 2嘅所謂AI明顯難得黎合理。如果你選擇駁火的話，本作加左類似KZ2嘅掩護系統，只要你一靠近掩護物就可以進行有關掩護射擊嘅動作，可以當戰爭機器咁玩。
今集玩左一個鐘左右後，外星人就出場。C2外星人唔再係水母樣，而係似返D人。@肥狗仔@暫時只係同佢地交鋒左一兩次，感覺佢地身手靈活，比人類多血，而且行動無常，又識飛簷走壁。比佢地圍嘅話都應該係場硬仗。
不過納米服2.0並唔係得個樣。相對第一集，今集嘅納米服直頭將玩家變成好似超人咁勁。除左隱身﹑防護模式﹑熱能﹑觀察等功能都係殺敵嘅好幫手。但本作嘅所有動作(包括跑步)都會消耗納米服嘅能源。雖然該能源同血量一樣會自動回復但若果使用不當會好快死。本人玩第二個難度，唔開防護模式就同COD一樣易死，開頭仲要冇同伴。納米服亦容許玩家有更強更豐富嘅動作，例如一拳抽死敵人，踢飛汽車，仲有好似VANQUISH嘅dush動作。呢d功能都令玩家至少係近距離嘅戰鬥下有一定優勢。
納米服附有一個升級功能。玩家可以通過殺敵賺取分數，然後升級。升級列以四隻手指為基礎。每隻手指有一種屬性升級，每種有三項升級項目。當中有例如「行路唔出聲」﹑「防護模式消耗能源速度減少」及「敵人腳印顯示」等林林總總嘅項目。不過，就算玩家將所有項目都升哂，每隻手指只可以揀一項黎應用。所以玩家須要視乎情況決定用邊種升級功能。另外遊戲可以升級嘅唔止係能力，連武器都可以改做。例如可以幫槍械加上滅聲器﹑描準器﹑槍托等等。唔同嘅組件亦有唔同效果。
除左納米服嘅功能之外，遊戲嘅關卡都出現唔少可以對付敵人嘅物件。令人驚訝嘅係只要係放置係關卡嘅物件基本上都可以領上手。下至汽水權﹑上至油筒﹑CD架都可以成個領起然後往前掟出去。(Far Cry迷淚目)呢點除左好玩之外，亦都有引開敵人注意嘅功能。當然特別適合覺得油筒唔多「岩位」嘅玩家。另外敵軍嘅機槍除左定點射擊之外仲可以成支拆落黎用，呢度除左型之外就係型。
最後講講缺點啦。遊戲頭兩個鐘比我感覺美中不足嘅地方係AI方面。儘管今集AI唔錯，但仍然有唔少問題，例如會有AI對住個牆或者障礙物係咁走。又會有AI係同 一地方不停打圈或者跳MJ舞。不過都係無關痛癢嘅問題，相信日後會通過更新解決。仲有就係一d畫面上嘅瑕癡，例如貼圖錯誤﹑GI突然消失等等。但整體黎講都係上等嘅畫面。
C2今次並冇令我失望，除左係系列或者Crytek迷之外，如果你係FPS迷都可以一試。唯獨本作難度係高，同敵人周旋嘅位唔少，遊戲時間亦界乎10~12個鐘。所以如果想好似COD咁爽幾個鐘就爆機的話就真係要三思。
今次家用機版淹左嘅野都唔少~唔計曲面細分﹑LOD﹑HLGI同SB先~基本嘅紅藍3D都好似冇左~CE3對應所有3D格式~家用機唔對應真係可惜~雖然現實中冇咩人會用~
我先頭去hmv有貨呀，p3同x360都上晒架。
可惜當時手機上唔到網通知唔到你.... ...
marcolau 發表於 2011-3-22 21:10 http://www.post76.com/discuss/images/common/back.gif
最慘係一定要有佢通知我去拎貨既EMAIL先可以拎到, 佢唔寄EMAIL比我, 間舖有貨我都拎唔到...
所以聽日再收唔到佢地既EMAIL就要打去插下>_<
最慘係一定要有佢通知我去拎貨既EMAIL先可以拎到, 佢唔寄EMAIL比我, 間舖有貨我都拎唔到...
所以聽日再收 ...
liljon852 發表於 2011-3-22 22:36 http://www.post76.com/discuss/images/common/back.gif
哦，原來要咁...
我以為拎張單就有得攞...
其實隻game 22號發售，hmv都唔應該遲通知客戶，下次再訂你要問清楚喇。
哦，原來要咁...
我以為拎張單就有得攞...
其實隻game 22號發售，hmv都唔應該遲通知客戶，下次再訂你要問 ...
marcolau 發表於 2011-3-22 22:46 http://www.post76.com/discuss/images/common/back.gif
之前訂過幾次, 未試過遲, 今次係第一次>_<
可能真係人有錯手呱
之前訂過幾次, 未試過遲, 今次係第一次>_<
可能真係人有錯手呱
liljon852 發表於 2011-3-22 22:58 http://www.post76.com/discuss/images/common/back.gif
玩遲一日啫，聽日你會開心翻架喇.....{:1_352:}
今次家用機版淹左嘅野都唔少~唔計曲面細分﹑LOD﹑HLGI同SB先~基本嘅紅藍3D都好似冇左~CE3對應所有3D格式~家 ...
@肥狗仔@ 發表於 2011-3-22 21:59 http://www.post76.com/discuss/images/common/back.gif
其實可唔可以講解下嗰d專業明詞？例如GI , LOD ,曲面細分.......係咩黎？
i wanna know whats the minimum display card to turn on all effect to high X_X
(when crysis 1 release... as i recall... atleast need 4870x2)
本帖最後由 @肥狗仔@ 於 2011-3-22 23:45 編輯
其實可唔可以講解下嗰d專業明詞？例如GI , LOD ,曲面細分.......係咩黎？ ...
tangcoma 發表於 2011-3-22 23:21 http://www.post76.com/discuss/images/common/back.gif
簡單黎講GI係全局光照~好似太陽/電筒咁實時照射落物件度所產生嘅反射同折射~好似H2H嘅對比圖中PS3版外星飛船開火時其火光反映左係船身上面。
LOD只係level of Details~通常用黎比PC特效分別或者分辨率之類~家用機版大約係PC版嘅中低特效~感覺上分別唔大~但LOD就悲劇了。
曲面細分出現左好耐~2033都有用~但到DX11先開始做主打~主要係通過將多邊形分拆~再配合DM﹑RA等技術令模型﹑貼圖更有凹凸感更迫真。唔計DX11因素~今次家用機都冇曲面細分。
i wanna know whats the minimum display card to turn on all effect to high X_X
(when crysis 1 release ...
blindfaith3by8 發表於 2011-3-22 23:27 http://www.post76.com/discuss/images/common/back.gif
http://www.post76.com/discuss/redirect.php?goto=findpost&ptid=44502&pid=985482&fromuid=14178
