我買左成個月都未寄張card出去 {:1_331:} Remember to buy 煲機碟
http://www.post76.com/discuss/viewthread.php?tid=16456&highlight=%E7%85%B2%E6%A9%9F%E7%A2%9F
Old post by Every Ching
煲機碟
咁你要開盡AMP既音量,但不要開任何PLAYER,即係剩係開AMP其他咩野都唔開,睇吓AMP既音量最多係幾多,如果係60既即係開14-17左右,你自己第一次PLAY要聽可唔可以接受到!如果都係太刺耳就向下調,相反覺得好似冇聲就加一兩度,但千其唔好一黎就大聲,要一步一步黎,慢慢調教!由細聲到有聲(8.9點位置)!
如果第一次PLAY細聲D都唔係好大問題,因為隻碟D樂器聲係最尾係會大聲D呀!
用Kharma 隻煲機碟煲了一排後. 中高音開始開聲. 開聲速度比一般聽住煲快好多. 但係我部CD機既特性係低頻會係新落地後幾日突然間無左 又或者咁講高中頻開聲. 低頻無乜點開到聲.
其中呢隻Ein Straussfest 係好爆得既古典CD..一d都唔悶. 有好多大家都可能似曾相識. 佢最特別之處係可以令到我對喇叭個單元不斷咁郁. 比起好多流行
加上我信號線,喇叭線都係全新....
咁你用Kharma重覆係咁PLAY第8首至得啦!
burn-in CD正, 不過小心最尾CHEATER, 用來消磁既, 唔好成日聽呀~~
煲機程序建議：
因為各人的音響器材配搭不同，揚聲器的靈敏度及製作物料又各有差異的關係，所以廠方在本CD內建議音量按鈕調校於8至9時 (點) 位置之間開始進行煲機程序。這指引建基於廠方最洽當的器材組合配搭下之數據，閣下應該先了解所使用中的音響器材配搭上的情況，尤其是擴音器與揚聲器之間配搭是否適當，才跟據廠方指示在8至9時 (點) 的位置開始煲機。
如果不清楚現有的音響器材配搭上的情況，又如何進行煲煉？
最簡的方法就是把這張煲機碟放進CD播放機後，揭開揚聲器上的保護面板，將擴音器調校至閣下合適聆聽的音量後再略為調低一點，細心留意CD播放機的時間顯示屏，約在13至20秒之間，定當發覺揚聲器上的低音單元開始不停震動，這是煲機碟正常運作下所發出的低頻動力，如低音單元過份震動，則表示聲音 (音量) 或許過大，請將音量再調校低一點；相反，若低音單元沒有震動或是震動十分之微弱，這表示播放音量太低，請將音量調校高一些。以上方法可以重複測試，先找出最合適的音量才進行煲煉。要緊記，不是聲量愈大就是愈好，太大聲量會導致過份嘈吵，甚至影響到鄰居及家人。
使用煲機碟必須注意：
1. 煲機時請確保器材四周必須有足夠散熱空間。
2. 將揚聲器面對面(單元對單元)相隔約30cm進行煲煉，這方法可以令音量降低多一點的，如果聲浪還是很高的話，可以每次只單獨接駁上一個揚聲器(即是將左右揚聲器分開獨立煲煉)，這樣會令聲量再降低一半之多。
3.每次播放此諜時，請確定音量控制按鈕為最低點，然後以漸進將音量提升至低音單元開始震動時(約在Track 1的13 至 20秒之間)，即停止將音量再提升，這時已經進入煲機狀態，播放兩至三次後，再提升小許音量連續運作約四小時，然後再將音量調低一點，便可進入連續煲機程序(程序請參閱Burn-In CD內的底頁)。
4.建議每次連續煲機不要超過八小時，如果使用真空管膽機或高效能甲類型擴音器，更應不要超出四小時；而每次煲機的相隔時間應保持約最少半小時的關機時間，確保器材有足夠的休息及散熱時間。
5. 全新或已很久沒有使用過的揚聲器播放時，請依照以上基本煲機程序的初步運作(即是看見低音單元開始震動時的音量運作下，連續播放四至五次，才再進入第二步提升音量程序運作)，切勿心急强行提升至過大的音量，尤其是煲煉一些很久沒有使用過的古董揚聲器，因為過大音量有可能會導致老化了的揚聲器單元物料損壞。
6.相隔一段時間(約一至兩個月)，請使用本碟排序第九首：“Demagnetising CD Track消磁音效”消除揚聲器及CD player上的磁化問題。
7.擺放揚聲器的地方之溫度及濕度變化較大的環境下，對揚聲器有一定程度上的影响，而長時間沒有使用過的揚聲器在沒有足夠的運作下，往往導致揚聲器單元有輕微硬化出現；而廠方建議，若已完成以上煲機程序的揚聲器在沒有使用一段時間的情况下，應使用本Burn-in CD碟之基本煲煉程序運作一至兩次後，才播放其他音樂軟件。
我有另外一隻, ok 得嫁, 每次我出街時開, 4-5個鐘頭返黎熄, 再聽同一隻cd 係feel 到好左好多, 我每星期六日都會做一次, 但maner 講得啱, 唔好諗住坐係度煲, 人都痴...... 仲要唔好諗住好似說明書咁煲....警察叔叔一定會來找你......(連續煲佢24小時....)
我都有另一隻,暫時每日返工時開機煲,可能每日都有八至十個鐘...
我有隻普通版，ok 架，但你隻 XRCD 版就未試過，唔知個效果係點，不過記住 last 消磁個 cut 千其唔好咁大聲，唔係會燒喇叭
如果關一半音量,(-80 to 20,開-40),算唔算大聲呀
咁都答你唔到，因為每部機既 (-80 to 20,開-40) 都唔同，另外 player 唔同都會有唔同音量，或者咁講啦，比你平時聽歌細聲三分一啦 (平時聽歌開好大聲例外)
我都有用緊...大約用左80小時後先開始用...
而家每次用之前都會聽首歌,煲完後再聽同一首歌睇下有咩分別
我feel到人聲出左...冇之前咁緊...不過只係用左20小時左右...未有太多野睇到住
但相信係可以加快burn in速度的..
咁就睇你咩喇叭啦，我有個朋友對全新 B&W 801D 岩岩到，15吋低音，開咩聲對低音都無料到毓都唔毓下，宜家要抽大鼓先叫做有得運動下，所以用咩 聲/碟 黎煲喇叭都要夾返對喇叭黎決定
小弟新屋入伙到現在約四個月, 其間不斷買入CHEAP 雞器材, 表現尚算合格, 但總未及小弟木耳要求, 加上要應付兩層樓的開支,實在沒有太多錢可以買新玩具, 所以昨天入手一隻kharma akash burn cd, 希望有少少改善...點知作晚用此碟煲了九小時(仲未煲好)
奇事發生了, 駐波問題改善了很多, 有些歌曲平時開較細音量都己有吉耳, 駐波, 但現在要開得更大音量才有吉耳/駐波問題, 樂器分離度高了, 弱音更明顯.
看blu ray 時, 71 表現更鬆容, 分析力更好, 應付爆炸場面更自然..
如各師兄覺得家中器材未如理想, 且莫upgrade 先, 買呢隻煲機碟, 舊幾水, 包有意外驚喜.
如果煲5.1 surround 喇叭最好係最後兩首. dup落部ipod插去部AV Amp 係咁repeat播. 不過最後個首係d高低頻. 係最有效. 聲音穿牆過璧. 可能會嘈親隔離屋. 同埋對細路會有影響. 佢地聽到d大人聽唔到既聲音. 長期聽就唔好. 等無人就播最好..
通常用煲機碟都係預左唔會有人去聽既,多數較好"重複播放"就出成日街頭番黎就攪掂啦!
我次次都用e隻煲機碟離煲,煲一日以經聽到有分別,沒咁肥d聲,音埸闊左正清晰左
其實這隻burn-in-cd是可以幫助影音器材作消磁作用，因影音器材用耐了會積聚許多磁在線材或器材上，
由買第一套av system已經買左，得閒煲下，換左野又煲下，效果非常好~
咁多位師兄,其實個volume係唔係聽到有聲就得,細細聲都可以呀
見到個單元郁先得ka, 說明書有講
少少大聲ka, 所以通常開機就會落街~
以前由得d器材自己煲, 真係唔係咁掂, 用呢隻burn in cd, 快好多, 正好多
我都有呢隻, 真係煲一日已經有明顯效果, 真係靠平時聽咁煲真係唔知煲到何年何月.
我都有隻煲機碟,不過好老實,呢隻碟D音頻真係幾難頂,真係出街先好放,聽耐D好大可能會出現幻聽
最後個首有寵物或者BB就唔好咁大聲喇.. 不過可以驅甴曱..hehe.
線,CDP,amp, 3個月..每日煲幾個鐘.. 喇叭大隻少少1年左右. avamp我煲左1個禮拜就停手..
我比較狼. 開頭2個weeks 24小時, 跟住每日8-12小時.. 其實4-5hrs都好ok. 但係如果你部amp超熱就比佢抖抖..
我發覺如果你amp set 80hz分頻點離煲,d一定聲味開曬.
所有喇叭set全頻+all ch st離煲,先煲得最快,d聲先開曬
係呀之後先煲woofer.懶人可以set 80hz咩喇叭一齊煲. 但咁樣煲硬係爭少少
頁:
1
[2]