書展場內偷偷簽名 製造混亂 o靚模犯禁書商鬧爆
書展場內偷偷簽名 製造混亂o靚模犯禁書商鬧爆
【本報訊】書展昨日揭幕遇上 3號風球，但逾七萬書迷仍無懼風雨進場，「 o靚模」也破禁空降踩場，有的扮作工作人員派海報，有的無端端繞場一周，部份更偷偷為「粉絲」簽名，吸引大批記者及龍友拍攝，場面混亂。有書商及家長不滿，但冒雨輪候的 13歲少男卻叫好：「我鍾意佢（周秀娜）靚同身材好。」記者：翁煜雄、白琳、劉世達
主辦的貿易發展局為防混亂，首次禁止 o靚模書展中舉行簽名會，反而令 o靚模成為焦點，部份昨日懶理勸喻踩場，以浸大咪神楊梓瑤（ Carol）、 Rainbow為首的 Donut o靚模團，下午 2時許率先以工作人員身份，到出售其寫真集的攤位，由數名保安員作人鏈保護，數十記者及龍友爭相拍攝，高呼：「行開呀，阻住我鏡頭呀！」
附近書商書籍被逼得東歪西倒，有家長避之則吉，大會即派保安員維持秩序，也有兩名貿發局職員一直在場中監察。 Carol其後在經理人小津從旁提示下，違規偷偷為「粉絲」簽名；經理人事後直認遭附近書商投訴引起混亂，「俾人鬧到爆」。
小童雀躍 o靚模：唔好賴我哋
Rainbow等人又繞着攤位行一圈，有約 8歲小童認出她是 o靚模，即興奮雀躍大叫：「 o靚模， o靚模。」 o靚模們即送上海報作見面禮，「其實混亂唔係我哋做成嘅，係佢哋大會嘅安排啫，唔好賴晒落我哋度」。一眾鶯鶯燕燕，最後在貿發局勸諭下，擾攘 30分鐘後才離場。
「妄攝」 o靚模 Cat等成員也在稍後踩場，其間破禁簽名，成員 Norain說：「我只係喺本書寫自己個名，貿發局都捉字蝨話我哋係 o靚模。」
o靚模周秀娜和新舊八模成員昨日選擇不入場，只安排流動簽名車停泊金紫荊廣場外，警方派出警員到場架起鐵欄維持秩序，終因天雨關係移師博覽道，但無損粉絲熱情。
粉絲需先於早上到書展出售有關寫真的攤位輪籌，繼去年有 13歲男童到動漫節搶購周秀娜巨型攬枕，昨日 13歲賴姓男生和 14歲黃姓男童冒雨趕來，賴姓男生更身穿校服到場，他表示排了約半小時：「我鍾意佢靚同身材好。」 如果報導屬實..... 開始覺得o靚模乞人憎 {:6_170:}
明知主辦單位唔容許搞簽名, 依然照做..........
俾人知道佢地不依規則之後, 依然唔知錯, 仲要厚顏無恥狡辯 "我只係喺本書寫自己個名"
因犯規造成混亂, 反而顛倒是非, 反指大會安排問題, 扮受害者扮可憐
佢地出寫真, 相信唔會太多人覺得反感.......
但明知有錯唔認, 黑白顛倒~ 以為多人識得自己就有特權, 可以無視規則
真係好垃圾 主辦單位講明唔比簽名，佢話係寫名，你都無佢辦法架，佢又無犯法，香港無法例無規管人地隻手寫字的自由，人地係要係你果場寫名，你有咩計，最多咪貿發局d 高層放工去唱番句海闊天空！{:6_158:} 最衰係傳媒又日播夜播, 重要上埋港聞版頭條, 變相幫佢哋造勢. 搞到我今年冇乜興趣去書展, 所以我絕對認同秋生言論.{:1_334:} 無去書展好多年, 寧可去旺角樓上舖買!
好希望香港可以有台灣誠品書店的大型書店! 無去書展好多年, 寧可去旺角樓上舖買!
好希望香港可以有台灣誠品書店的大型書店! ...
Fabregas 發表於 22/7/2010 16:54 http://www.post76.com/discuss/images/common/back.gif
因為某D書樓上店未必有, 每年一度既書展係比我買返D樓上店買唔到既書, 依家搞到好似我比0靚模封殺入唔到書展咁{:6_199:} 所以D靚模fans咪話 : 佢有迷人嘅動作呀...令到人開心啊...扮擦牙啦...坐姿呀...行呀...企呀... 不如書展就賣書, 整多個靚模寫真展賣寫真, 河水不氾井水! 所以D靚模fans咪話 : 佢有迷人嘅動作呀...令到人開心啊...扮擦牙啦...坐姿呀...行呀...企呀... ...
ADA 發表於 2010-7-22 17:14 http://www.post76.com/discuss/images/common/back.gif
我諗起佢d動作.....{:1_260:} 我諗起佢d動作.....
ezam 發表於 23/7/2010 14:32 http://www.post76.com/discuss/images/common/back.gif
雖然鄭生真係好毒, 但起碼佢有一份別人冇既勇氣{:1_350:}
頁:
[1]
2