幾十歲人又未結婚又未買樓
呢套野要將兩年黎儲既錢洗晒先買到其實你真係太謙虛了
別忘記我人工只是你五分一呢
你一個人既收入比中產家庭收入中位數還要多
以收入計，你已是一個十分十分幸福既人
- 发送自我的 iPhone 大板凳应用
幾十歲人又未結婚又未買樓
對於我嚟講，一個月儲到2k都好好了…師兄你月入十皮野以上，玩7.1，帶靚表，交廿萬稅，但都辛苦到要係度sung, 你都你嘅有理由，只不過小弟唔明姐…
睇闊d，開心d！
- 发送自我的 iPhone 大板凳应用 買樓對你黎講....係幾煩....
月入10萬.... 基本上歸立為有錢佬...
唔通走去買d 普通私人大廈 ?
無 500萬以上我估你都買唔落手啦.... !
識女友.... 要唔睇錢係無可能...
只係睇佢貪幾多 !
我曾經同女友呻做野辛苦...想放棄所有野.....兩口子住公屋算啦...
無謂追得咁辛苦..... ! 佢都無反對聲音.... ( 當然事實無人想咁樣啦 )
就算佢肯同我捱...但唔代表佢唔貪錢 !
最基本既生活都要頂得住先得架 !
以你既條件 ! 我相信跌幾張咭片落地 !
都大把港女扑住黎搵你 !
一般自動波上門既女.....無件好 ! 大家都明啦 !
So.... 我覺得倒不如你自己主動去識女仔仲好 !
係你揀人先....唔好人揀你.... !
揀女就睇你自己啦..... 將來都係你負責 !
揀接近學歷收入既....我覺得幾難.....
想揀D 普普通通月入 1萬幾千既女仔....你又無途徑去識....
真係幾頭痛..... 本帖最後由 Raphael 於 2010-6-14 15:23 編輯
即係咁.....如果要研究點駛錢的話, 呢喥任何一個人都可以係大師傅
如果要研究如何買樓的話, 呢喥好難搵到一個人可以夠班同師兄你討論
之不過, 以上所有野都係用錢解決得到; 就算一把火燒晒, 以師兄既收入, 唔駛幾個月已經搵返晒嚟
最重要既係, 師兄點樣搵一個合適既女人喺你身邊~
香港乜好野都有好多, 有錢就買得到....... 偏偏好女人就少之又少, 而且唔係用錢就買得到! 求其搵件的話, 好大機會中地雷!
睇師兄言談, 似乎係嗰種一旦搵到另一半, 就唔肯放手嗰一種~
萬一鍾意咗港女, 莫講十萬月入...........三十萬月入都唔夠佢地敗~!
再唔係就撞著嗰種 "鵲巢鳩佔" 型, 結婚前好地地....... 結婚後就乜都管住你~ 唔單止養佢, 仲好似老奉咁養埋佢老豆老母, 細佬細妹............. 自己間唔中想駛吓錢, 都要你先攞 "批文" 兼 "繳稅", 不X知所謂到極點~!
所以, 不論點都好, 諗咗女人先啦~ 其他野, 講到底, 以師兄收入, 雖然唔可以話什麼酒池肉林, 但食好著好住好, 一定無問題~ 回復 24# Raphael
香港乜好野都有好多, 有錢就買得到....... 偏偏好女人就少之又少, 而且唔係用錢就買得到! 求其搵件的話, 好大機會中地雷!
totally agree c-hing 未買樓，你月入十萬買唔到樓明顯係你自己問題，呢度好多師兄收入無你三分一，甚至五分一，都已經買左樓
我個人相信師兄你身邊接觸到的人，一般都比較富裕吧，所以先會咁煩惱，有時做人試試唔好只向上睇，要追求比自已生活質素好的人一樣的生活無問題，但亦應抽時間向比你無咁好的人作比較，你就會知自己有幾幸福，做人就輕鬆好多的了！
我自己細細個就已經睇到好大的貧富差異，讀書的同學絕大部分都係有錢仔女，小學時已經見佢地買汽水零食絕不手軟，到中學時佢地可以打的誇區食Pizza Hut Lunch再打的返學校，相比自已只係住公屋，會變得有點自卑，但當我放學回到自己條村，落街打波見到的波友，好多唔係無錢咁簡單，單親家庭又有，阿爸阿媽都唔理佢，寄住親戚的又有，有屋企但無屋企人的亦有，停下來想一想，其實自己已經唔錯，當然我果心仲係好想好似其它同學咁，有洗不完的零用錢，但我絕對唔會輕易因為唔夠人地好而太過消沉！
師兄，如果我平時無睇你的帖，我一定認為你低能的，月入十萬都開個咁的帖，但我相信入得水區的師兄都有睇過你平時的帖，知道你係真係好煩惱才會出呢個帖，所以我真心希望你學會放眼世界，你是幸福的，只是你要求高而己，要求高係好事，但唔好變成自己壓力
至於女人，都係果句，多d同唔同人聯宜下，總會找到的，但緊記幸福同女人都係要自己爭取，唔係等佢送上門的，自己唔行第一步，係唔會有未來的，緊記唔靚的女人身邊總有好多靚女朋友，任何類型的人都會有可能幫到你找到真愛！
回复: 幾十歲人又未結婚又未買樓
樓主的生活圈子，可能同我地有大不同。唔知樓主的習慣，但月入十個，代表佢最少係中上收入份子(除非佢做的係快錢行業)，樓主應試下擴濶自已的生活層面，參與唔同活動，人見多左，對自已都有好處。- 发送自我的 Nexus One 大板凳 緊記唔靚的女人身邊總有好多靚女朋友，任何類型的人都會有可能幫到你找到真愛！
阿定 發表於 2010-6-14 15:49 http://www.post76.com/discuss/images/common/back.gif
呢句夠發人深省~~
所以小弟都勸師兄, 無時間搵女朋友的話, 就盡量對身邊既人好啲~ 就算對方唔係直接幫到你, 當作發財立品, 都無壞~
話唔定有朝一日, 受過你恩惠既人既一句無心說話, 令某位女士對你另眼相看都唔奇~ 其實靚女一街都係 !
真係可遇不可求 !{:6_126:} 未買樓，你月入十萬買唔到樓明顯係你自己問題，呢度好多師兄收入無你三分一，甚至五分一，都已經買左樓
我 ...
阿定 發表於 2010-6-14 15:49 http://www.post76.com/discuss/images/common/back.gif
好有同感定兄{:6_147:}
細個時見好多同學穿"dr ma" 鞋"levis"牛仔褲當返學褲{:6_147:} , 我得師兄五分一收入都已經供樓成8年la(不過遠就遠啲_屯門區),如果師兄買300~400萬樓都冇問題,而女朋友就真是要說緣份(不過吾好只等機會,多啲同人聯宜下同盡量對身邊既人好啲),
我boss都是朋友幫我而識,而且真是要說緣份(識我boss個時已經開始同之前個女朋友一起{:6_122:} ), 同之前個女朋友分手之後好傷心{:6_140:} 得到當時boss開解之後開始人生美好日子{:6_174:}