嘩~~好正呀Smilies010
執出來的;P
勝蒲
由白濱再搭同一條線兩個鐘就到勝蒲勝蒲漁港係出名吞拿魚. 一朝早就會嚮馬頭分貨
而另一樣出名就係溫泉酒店
上年我就入住上哂電視既蒲島酒店. 蒲島酒店係嚮一個離岸既島仔. 島上依住島勢起左幾個館,據我知就至小有三個.唔同景觀唔同價錢. 旅客係要搭酒店既船仔先可以到酒店. 另外呢間酒店之所以出名係因為溫泉數量, 我記憶中至小有10個,因為有分男湯女湯,男女客只係可以去到約六個泉. 而我自己最喜歡既就係忘歸洞同玄武洞,貪佢夠原始,呢兩個洞係嚮山洞入面, 浸果時可以望到出去太平洋,一面浸一面望住個海.
距離勝蒲半個鍾車程就會到那智山, 那智山出夠有三個大點,瀑布,三重塔及熊野古道. 由於時間關係, 上次我只係去到三重塔同那智大瀧(瀑布).
我自己覺得去得勝蒲就一定要去那智山. 咁先叫去過那智勝蒲嘛
六甲.有馬
六甲山係屬於神戶區去六甲山係因為有個牧場好多羊仔睇(上年放過,今年唔再放)
今次只係作略略介紹
到六甲山既巴士會到哂各鐵路既站,而我就揀左首站阪神電跌既御影站搭,
去到六甲山纜車站上山就係
六甲山有好多景點,而我揀左六甲山牧場.音樂堂兩個地方,因為貪佢靚,跟住就會嚮其中一個有馬六甲纜車站搭纜車,跨過幾個山頭去有馬. 有一點要記住,六甲山牧場係有專車去既,同另一邊和景點架車係唔同,所以先去牧場.如果唔係就要坐回頭車到返六甲山上站,再等車架喇
沿住出面既山水行車路走,大約十五分鐘就會有小徑落去有馬既手信街.由山上面下到去山腳再搭車走
有馬出名既係金之湯,銀之湯(浸先就走果種), 同各溫酒店, 但係酒店好貴所以我選擇走馬看花既玩法.
[ 本帖最後由 LAWSON 於 2008-1-8 00:30 編輯 ] 我都排左個初部行程表，大家比d意見呢？
2/7 (初一) 名古屋
2/8(初二) 名古屋
2/9 (初三) 大阪
2/10 (初四) 大阪 (京都, 嵐山)
2/11 (初五) 和歌山
2/12 (初六) 和歌山 (白濱)
2/13( 初七) 名古屋
如果機位緊既話，可以 2/8 (初二) 就落大阪，留多晚 2/14 (初八) or 2/19 (初九) 名古屋 。
試試外地過o下情人節都不錯啊！
[ 本帖最後由 lkljason 於 2008-1-11 18:09 編輯 ] 雖然係情人節,但係我地這麼近那麼遠;P
jj京都一日乘車券唔包嵐山的. 如果去嵐山會唔會考慮去坐小火車呢.不過個時間好似好趕咁.
名古屋唔熟既呢.等你返尼睇報告Smilies012 原帖由 LAWSON 於 2008-1-11 18:48 發表 http://www.post76.com/discuss/images/common/back.gif
雖然係情人節,但係我地這麼近那麼遠;P
jj京都一日乘車券唔包嵐山的. 如果去嵐山會唔會考慮去坐小火車呢.不過個時間好似好趕咁.
名古屋唔熟既呢.等你返尼睇報告Smilies012 ...
包唔包都好啦，點都要去o下架啦！(小火車點樣搭呢？點解會好趕呢？你意思比搭巴士趕？)
清水寺都想去多次，想買d符啊，show far d符都幾靈架，好似上年買左個戀愛符比姨仔，佢真係拍緊拖；而渣咁耐車都算無穿無爛，咁個安全駕駛符都算不錯啦~~:lol )
名古屋相信玩兩日乜都玩晒，睇d旅遊景點都係得果兩三個！:lol :lol 原帖由 lkljason 於 2008-1-11 19:04 發表 http://www.post76.com/discuss/images/common/back.gif
包唔包都好啦，點都要去o下架啦！(小火車點樣搭呢？點解會好趕呢？你意思比搭巴士趕？)
清水寺都想去多次，想買d符啊，show far d符都幾靈架，好似上年買左個戀愛符比姨仔，佢真係拍緊拖；而渣咁耐車都算無穿無爛，咁個安全駕駛符都算不 ...
嵐山嵯峨野站有架觀光火車,由嵯峨野去龜岡站,沿住個山既觀光車, 你可以去到龜岡再搭保津川船仔去返嵐山.隻船仔好似係玩激流果類.又或者你可以搭jr直去馬崛站,行返去龜岡站淨係搭觀光火車去返嵐山亦得. 我上年就放棄左呢個行程, 淨係去左清水寺,祇園,二條城,再到嵐山. 到嵐山已開始天黑了.所以我話趕. 隻船仔去返嵐山要成兩個鐘架.不過應該幾好玩
清水寺愛情符好出名架, 早知叫我姨仔上年度返一度啦. ;P今年咪唔洗跟住我囉Smilies017 原帖由 LAWSON 於 2008-1-11 21:27 發表 http://www.post76.com/discuss/images/common/back.gif
嵐山嵯峨野站有架觀光火車,由嵯峨野去龜岡站,沿住個山既觀光車, 你可以去到龜岡再搭保津川船仔去返嵐山.隻船仔好似係玩激流果類.又或者你可以搭jr直去馬崛站,行返去龜岡站淨係搭觀光火車去返嵐山亦得. 我上年就放棄 ...
不過聽講如果應驗靈既話要裸翻日本化左佢，如果唔方便過去，好似o係翻香港化都得！:o :o :o
路程好似幾轉接o下播:L 原帖由 lkljason 於 2008-1-12 00:20 發表 http://www.post76.com/discuss/images/common/back.gif
不過聽講如果應驗靈既話要裸翻日本化左佢，如果唔方便過去，好似o係翻香港化都得！:o :o :o
路程好似幾轉接o下播:L
佢係教徒來的.應該都唔會咁做
小火車應該係一個唔錯既行程,睇下我搵唔搵到D料比你睇下先 http://www.sagano-kanko.co.jp/sagano_torokko02.html 呢度有d圖睇下