關於網上x上門維修
唔知各位師兄,有冇好似小弟咁的經歷呢????事先聲明：唔係歧視任何人{:6_162:}
話說小弟之前個網上x short short地,成日斷線,咁打上去CS,跟佢地的方法試完都係咁,就約左師父上黎check check，total check左兩次
本黎都冇乜野,都係男人師父一個,兩次係唔同師父的,但結果都係好似.....{:6_223:}
咁好啦,師父坐低check機,個樣好認真的
（第一個師父）
因為佢check完,都要交待番,但因為都仲有d唔明,所以就問多次...
佢look大對眼,好用力咁講：我已經攪掂,你仲唔明....
拿,師父個樣係唔係好妥的,小弟冇粗口爛舌,係有禮貌正經咁問佢的
果時..覺得個師父有點唔妥.....所以為免有乜麻煩,就當自己明,打發左佢走
（第二個師父）
因為之前果個整完,都未完全解決,所以又要安排多一次黎整
咁呢次師父話要攪wall上面個插頭,咁好啦,咪拉d野俾佢整,咁整完試機,佢話冇事攪掂,叫小弟試機
拿,出事喇,我發現冇左wifi喎,咁咪問師父囉,但師父個樣開始好唔正常,仲要好大聲咁同我講：唔係喎,我攪掂架喇喎,你上倒網呀嘛,咪即係得囉
佢個樣同把聲的怪異,連係房的老媽都嚇到唔知乜事走左出黎
其實係因為個師父無拉拉,將小弟個無線換左個有線,咁梗係唔會有wifi；咁就算係咁,都要佢換番先打發佢走
事件就講完喇,小弟唔係想投訴師父的工作態度,而係....呢兩個師父似乎係康復者,因為佢地兩個的行為態度,令小弟咁諗
咁就呢件事,小弟打上去CS度問,佢地起初都唔肯承認,但係小弟處處迫人之下,終於承認係有師父係康復者....
小弟都覺得社會有需要去接受康復者,但如果佢地的行為態度,令到其他人覺得有危機,係咪應該搵多個唔係康復者的師父陪同一齊上門,總好過佢地單獨上門呢,因為其實就係因為佢地兩個的行為太奇怪,才令小弟聯想倒呢樣...
小弟有同CS反映,但反過黎俾佢地話小弟歧視佢地.....小弟都回番佢一句：咁係咪要有事出左,先睇下之後點加強處理呢?????
講真,如果佢地的行為情緒,唔係波動咁大,小弟都唔覺得有危的感覺....
小弟真係唔知如果下次見倒有疑似的師父,企係門口,應唔應該開門係佢呢???但若果唔開門,小弟又怕會引起更嚴重的問題.......{:6_194:} {:6_194:} 咁大件事...... 我用和記...
遇過 2 個哥哥仔....
雖然...染頭髮...有紋身.... 少少MK 仔Feel....
但好好人...我只係請佢飲左可樂....
佢私下幫我.... 改到... 屋企可以 2 邊同時上網...
本來我只係俾錢.... 申請安排轉換上網插頭位置...
點知同師父傾傾下...佢知我因為幾邊都要用...
所以幫我搞到 2邊都可以同時上網.... !
好開心 !
所以...師兄....我相信只係個別事件.... 一個精神有問題的人，住係一條村度，其它村民、傳媒、議員都覺得應該趕走呢個精神有問題的人
一個精神有問題的學生，返左一間正常的學校，其它學生、老師、傳媒、議員就認為應該對呢個精神有問題的學生特別照顧同接納佢
誰是對？誰是錯？ 其實呢d野真係好難話邊個岩定錯, 服務態度呢點就唔好講勒, 其他怕都只係怕有暴力既康復者. 不過呢d又好難知道邊d有邊d冇~~~~ 不過講真,俾個單從行為舉止,都可以確定佢係康復者
仲要俾佢單獨入屋....佢情緒的波動,果種大起大落，小弟真係有點擔心........
如果真係面對面,單對單咁,同一個你唔識的,又令你覺得有危機感的人,共處一室
小弟自問冇呢個心理準備
因為佢地係外判維修,總公司話佢地未必可以全面管制倒.....
但若果唔俾佢入屋的,又怕佢有日會企係門口等小弟,最難的係嚇親屋企老人家.... 明白你既憂慮，但好似又無乜野做到，唯有約滿唔用網上行或者睇彩數希望遇唔到D情緒有問題既師傅 老實講, 比我都會好似 ezam兄咁, 扮整好就算, 事關如果真係激慶左佢, 真係唔知會攪出咩來.........打電話去CS講完個情況, 就問定幾多完約, 唔再用呢個 ISP囉唯有~~~~ 都明白CHING擔心,比我我都驚.
CHING住邊區呀?
佢地係分區外判,
姐係如果你再搵佢地都係繼續有機會搵佢地..... 佢地look大對眼望住你個樣真係.....{:6_130:}
同埋如果你同佢地講野,佢地只會聽倒令佢地有反應的其中幾個字,所以其實佢地係好容易,誤解左你的意思,而可以導致其他不必要的後果的....
小弟住葵青區,其實由細到大都撞過唔少同類的人，而同村的都有唔少
例如會問你攞錢,一兩蚊都要俾,唔係佢地會跟住你,望實你.....
佢地分區外判,係會有機會再遇上.....{:6_150:}
小弟問過其他朋友仔,好似九龍香港區就冇呢類事件出現過囉.....
頁:
[1]