有睇之前男超人果一套，都知遲早會有女版的出現，咁岩 Post76 請睇戲，當然要支持一下啦，第一次黎E個戲院睇戲，個場好大，個 Screen 都好大好正，講返套戲: 初頭未睇預告片以為會同隻狗多D合作的場面，睇完預告片之後先知今集隻狗的戲份會好少，有一點點失望{:12_809:} ，另外個細路女成日不自量力咁企出黎，搞到超女要幫佢執手尾真係有D想死 {:12_802:} ，套戲入面有交代超人生活個星球點樣滅亡，同最後為左超女安全而要送走超女，但果一 part 父女相方離別時的感情戲表現得關系唔夠深厚，見超女都好似無咩不捨咁樣，E個位自己就覺得差少少，其他動作特效就無咩大問題，整體都算好睇，係E到再一次多謝 Post76 的所有員工 {:12_858:}
今晚同太太第一次入 Airside LUXE，睇左由 Post76 負責包場既最新 DC 力作「超女 SuperGirl」，仲要係 Dolby Atmos 版！{:1_352:} LUXE 現場音響效果好震撼，尤其是幾段打戲，真係睇得好爽 ～ {:1_351:} 再次多謝 Post76 團隊既所有預備工作同邀請，今晚睇得十分開心！期待下次聚會 ～
我就覺得呢套戲劇情麻麻地, 打鬥和音響就幾好.
非常感謝Post76安排包場睇超女，戲院同銀幕夠大，音響一流，座位舒適，套戲好睇，打鬥場面震撼，希望以後可以多些安排同類活動！
本帖最後由 surewinlui 於 2026-6-25 00:56 編輯
Thank you for the arrangement. This is the first time my wife joins me to a Post76 event, and she mentioned that she would love to participate in this kind of MONTHLY or SEASONAL "gathering".
我都覺得好正,比我感覺呢部電影真係好好,我會畀85分
可能我睇得dc片太少？依套”英雄”片係同之前我睇嘅有分別。何為之好人？做好人要點樣做？個女配角係戇直果款，好”simple”；超女就係新一代，見過世面但想躺平果種；狐狼/暴狼係有能耐的old seafood。行徑各異但都似乎係一個好人😄。我覺得我地d細路會中意。以前d英雄太正經。
我都講少少。
首先梗係要多謝 DC Studios、Warner Bros. 送咗個包場。
多謝 Post76 咁多位出心出力嘅兄弟。
蓄成一眾76會員，同我一家大細可以免費睇戲。
好喇，講返套戲。
老實講，劇情就一般，女主角做戲普普通通，女配角更加表情生硬，最好戲都係隻狗，當然相信都係CG
另外，印像中超人係刀槍不入，子彈都打唔入，但原來超女射箭就射得入，仲識得流血。
雖然同超人關係係唐兄妹，又同一種族，照計血統都一樣。
個太陽設定就幾好，唔知原著係唔係咁？
唔劇透太多，有興趣自己去睇。
劇情不過不失，起碼有解釋佢哋星球點解滅亡。
聲、畫就冇乜好挑惕，試機之選。
鍾意爆谷電影嘅，可以一睇。
76善意安排包靚場請睇戲，遠超套戲本身嘅可觀性！超女市井咁嘅樣，點解76主持唔係男主角？公平咩？😜
本帖最後由 jpclhair 於 2026-6-25 09:43 編輯
今次體驗非常感謝大王安排
先講返部 SUPER GIRL 裹面提及女主角生活點樣糜爛 其實都好切合六七十年代美國年青人嘅生活行徑時至今日世界各國嘅後生仔仔都希望想響大學嘅生活完結之後玩一段時間先開始工作 但係當人生累積滿經驗之後佢哋會不顧一切從頭工作 所以各位作為父母嘅唔需要擔心大家嘅子女 不停咁提醒佢哋要積極面對人生呢啲說話其實好老土好煩厭
講返套戲 英雄片就係英雄片，無謂太過雕琢一啲細節 有動作有音效已經係交足功課
但係今次最令人驚喜嘅 我會形容佢係第二女主角Eve Ridley 佢喺電影裏便嘅表演，我覺得非常精彩 我本人就覺得佢非常靚女啦 年緊14歲嘅佢已經相當令人驚喜 可能大家會笑我叔叔愛妹豬 希望其他觀眾俾少少意見 其實佢嘅行為都好反映現今年青人做事嘅態度，只要覺得自己係正確嘅就會盲沖直撞唔理自己嘅能力。 我自己就唔會覺得佢左手佢腳，因為呢啲都係劇情嘅需要 同埋我覺得佢嘅表現係令我10分滿意
