小瑟 發表於 2026-5-8 21:35

終於演唱會終於出現!陳奕迅《FEAR and DREAMS》4K UHD 震撼登場

【全球首張 ?】陳奕迅《FEAR and DREAMS》4K UHD 震撼登場:Dolby Vision + 60fps 終極規格,挑戰影碟技術天花板!

?影碟重點
今次呢張《FEAR and DREAMS》4K UHD 寫下咗多個「第一」!它是全球首張具備 Dolby Vision 及 Dolby Atmos 的華人歌手演唱會影碟。製作團隊今次直情係「不惜工本」,為咗追求最流暢嘅畫面,更採用咗 60fps 高幀率收錄,仲要「打爆」埋 100GB (Triple Layer) 碟片容量,完全係為咗滿足各位對聲畫有極致要求嘅玩家!

?️核心技術分析:點解係「終極格式」?
Dolby Vision 12-bit 威力:
相比一般 4K UHD 常用嘅 HDR10 (10-bit),今次採用嘅 Dolby Vision 具備 12-bit 深度,能呈現高達 680 億顏色!亮度上限高達 10,000 nits,係傳統電視製作嘅 40 倍。簡單嚟講,紅館現場嗰種強光掃過同埋極黑背景嘅層次感,會以前所未有咁真實嘅方式呈現喺你屋企部新技術的4K電視上。?

60fps 超流暢畫面:
一般影碟通常用 24fps 或 30fps,今次用上 60fps 製作,令動態畫面更流暢自然,Eason 喺台上嘅一舉一動、舞蹈員嘅跳躍都唔會有殘影,直迫現場!

音效「全包圍」收錄:
聲軌方面同樣係大滿貫。除咗有 Dolby Atmos 提供 360 度全方位沉浸感,仲有 DTS HD-MA 同埋無壓縮嘅 LPCM 2.0 (96kHz/24bit)。無論你想感受現場震撼感,定係靜靜地欣賞 Eason 嘅純淨原音,一張碟滿足晒你三個願望!?

?產品資訊
發佈日期:2026-05-20 (各位師兄記低日子!)
媒體類型:4K UHD Blu-ray (100GB 超大容量碟片)
建議零售價:HK$540.00

小瑟點評 ?
喺實體影碟市場愈嚟愈罕有嘅今日,仲有製作團隊願意投入資源整 Dolby Vision 嘅 4K UHD 演唱會碟,真係要畀個讚!聽講今次係Eason親自要求呢個影碟界最強規格,希望一眾我地有靚機既玩家可以用最好的規格去享受佢呢個演唱會!? $540 呢個價錢,買到嘅係現時本地影音製作嘅最高標準。如果你屋企套器材已經「口渴」咗好耐,呢隻碟絕對係近期最值得入手嘅收藏!

nippon 發表於 2026-5-8 23:16

$540 買隻悶到抽筋而且之前己入手隻blu ray ,錄音勁差,最慘係.d歌唔係最hit的歌!真係要諗清楚先入!

:o) 發表於 2026-5-9 00:09

本帖最後由 :o) 於 2026-5-9 00:11 編輯

攞Side Track開Concert完全無問題,但出最高規格4K碟就唔係太吸引,何況價錢要成$540,如果係主打歌就吸引返d{:6_136:}

RaymondCheng@FB 發表於 2026-5-9 01:51

難得有隻高規格本地演唱會,一定要支持

chhanthony 發表於 2026-5-9 04:11

運送英國運費要$760,重要無得參加抽活動?

KennethWon@G 發表於 2026-5-9 10:37

本地歌手演唱會肯出4K UHD Blu-ray 值得一讚,希望今次能夠成為唱片公司業界嘅指標,推動市場進步,唔好再停留响1080嘅舊世界圈。

神武光輝 發表於 2026-5-9 10:42

其實製作唔認真,1080差不多

0768 發表於 2026-5-9 11:24

nippon 發表於 2026-5-8 23:16
$540 買隻悶到抽筋而且之前己入手隻blu ray ,錄音勁差,最慘係.d歌唔係最hit的歌!真係要諗清楚先入! ...

歌太太太悶!

percyyip 發表於 2026-5-9 21:24

會唔會出個加強版,錄返每晚唔同encore嘅歌?
Btw,好唔喜歡個大盒!

通山跑 發表於 2026-5-9 21:50

同之前嗰幾隻演唱會比,呢隻50分都唔值! 不但歌悶冇心機唱,製作亦非常一般! 作為一個Eason 歌迷(已過氣),之前買咗逼自己睇到尾,好嬲,馬上賣左以免嘥位&眼寃
頁: [1] 2
查看完整版本: 終於演唱會終於出現!陳奕迅《FEAR and DREAMS》4K UHD 震撼登場

重要聲明:本討論區是以即時上載留言的方式運作,Post76玩樂討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。Post76玩樂討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。權利。