“A1 EVO Acousit X” 驚喜的免費新Cal聲軟體
本帖最後由 CalvinTsang@FB 於 2026-4-10 00:29 編輯“A1 EVO Acousit X”
天龍/馬蘭士擴音機
驚喜的免費新Cal聲軟體
嗱，即係咁，我用緊A1H，近一年說服自己買套Dirac Live ART，不過6-7000又真係唔知博唔博好，不過幾乎有買嘅師兄，都係一致讚好。咁就在諗諗下嘅時候，發現有人瘋傳一套新Cal聲軟體For D/M用家，就一路跟住網上師兄整，結果，超級驚嘆，竟然比用本身自帶嘅Audyssey來得更強。果種360度包圍感連貫性、低音強化又不影響整體、超低音不用後期手調加高dB等等。。一套完全懶人自動化嘅軟件，又係免費，真係做福人群！
首先要多謝台灣網上師兄 -李益誠大哥，助我一步步調整好，整個過程非常容易！
首先，要確定你的型號，近兩三年的機種係沒有問題的。其次係要有原裝測音咪，及一部win或mac手提電腦，咁就完成。
呢個軟件測音上有個非常好嘅地方，就係放棄在不同位置上攞測音點，只需要求皇帝位就得，講明一測就不可移動，會測量錯。軟件方建議同一喇叭測最少8次，以確保在嘈雜環境也可以測量得準確。
軟件上要下載兩個軟件，一係”A1 EVO Acousit X”，二係好有名嘅”REW”頻譜軟件。
下載完後，就直接安裝。
先打開A1軟件，軟件會問你本身的喇叭數目是否正確，然後會出現5個選擇給你，跟住在同一WIFI網絡下，A1軟件會找到你的擴音機，然後A1會回到主頁的五個選擇。首先選第一項，Cal聲，軟件會問你每隻喇叭要測量多少次，如時間充足可以測99次，次數越多數據越準，軟件建議8次。
Cal完後會產生一個ady檔，然後先打開REW軟件，然後在A1再次回主頁選第五項，A1會打開REW軟件並提示你先在軟件內的設定上，找尋AI，啟用網絡連接端。A1會繼續自動將ady檔放上雲端進行用家自行後期調整。
我的設定: 到達後期調整畫面，先在左邊選擇一個目標音場範圍，建議選Dirac Harman 6 or 8dB，其他的參數都不用怎麼再調整，可直接拉到最下 開始。跟住會自動分析，需時幾分鐘，如有視窗彈出，直接按Ok就得，不用調整。(用家也可自行勾選中間位置的MIMO開啟，用以將所有喇叭協助一起作正反相聲音補償，彌補某隻喇叭被環境反射抵消左嘅聲音，由另一隻喇叭補上。MIMO互助技術為Dirac Live ART其中一個最令人期待的功能)。最後雲端會成功自動製造一個oca檔案，然後按回A1軟件，選擇第四項，以命令電腦將剛才oca檔案匯入擴音機，選擇擺放到P1 or P2，然後等待上載完畢就得，所有工作也隨之完成。
唔好問我REW最後曲線點樣睇，我唔係太識，只係Cal完就直接試，果然感覺好明顯，不同凡響！可以作為上Dirac Live前，一個俾自己先過癮一下嘅音場大升級！
有咩問題可以留言，我半桶水非專業 希望解答到你~~
***********
A1 EVO Acousit X 下載點:
https://drive.google.com/drive/folders/1e7Wgrc34LWMeVYekPVwhkeiD-qKMPb5h?usp=sharing
最新 REW 版本下載點:
https://www.avnirvana.com/threads/rew-api-beta-releases.12981/ 我都用左一排 超正， 建議你做多條 surround storm audiotarget curve , 去另一個preset自由設換 ， 睇戲一流a1 evo acoustix用過返吾倒轉頭的 MikeChu@FB 發表於 2026-4-10 02:45
我都用左一排 超正， 建議你做多條 surround storm audiotarget curve , 去另一個preset自由設換 ， 睇 ...
收到師兄，正在學習中，不過睇曲線真係半桶水。奇又奇在呢個軟件又真係將曲線調整簡易自動化，方便我呢啲有興趣整但又冇底嘅人玩下。真係好大分別好驚喜。。。 本帖最後由 JayShiu@G 於 2026-4-10 09:58 編輯
CalvinTsang@FB 發表於 2026-4-10 06:39
收到師兄，正在學習中，不過睇曲線真係半桶水。奇又奇在呢個軟件又真係將曲線調整簡易自動化，方便我呢啲 ...
我呢排都有玩呢隻A1 Evo xxxxxx .. 個名有少少唔同，可能唔同版本, 我都唔係好知… 總之都係網上睇吓人哋啲教學亂摸亂撞總算完成~🤭
出嚟嘅效果真係唔係講笑.. 嗰個環繞聲360度連貫感, 定位同埋身感真係加強咗好多.. 睇近排套新韓劇獵犬.. 嗰啲拳頭拳風好似打到埋塊面同個身咁.. 睇Top Gun 過天橋底嗰下.. 完全覺得自己個梳化就係天橋底.. 😱
但唔知係咪我set得唔好.. 其實我都係冇乜點set...因為成個過程都好自動化..🤣 個中置人聲同低音要自己加強返d level… 呢個睇返自己個人口味自己可以再微調一下~
總之呢個免費軟件易用又有效果.. 之前見都有啲師兄話好似升級咗部機咁誇張.. 初初都唔信但試完即信.. 有興趣嘅師兄真係值得一試~~{:6_128:}{:6_143:} JayShiu@G 發表於 2026-4-10 09:56
我呢排都有玩呢隻A1 Evo xxxxxx .. 個名有少少唔同，可能唔同版本, 我都唔係好知… 總之都係網上睇吓人哋 ...
佢之前好似有隻叫evo express，係簡單測量版，依家呢個係深入左處理去set，加入左MIMO，師兄可以再試下玩下 CalvinTsang@FB 發表於 2026-4-10 10:24
佢之前好似有隻叫evo express，係簡單測量版，依家呢個係深入左處理去set，加入左MIMO，師兄可以再試下玩 ...
啱啱睇返，原來我之前用係 A1 Evo Acoustica .. 係 Acousit X 嘅前一個版本…問AI佢話你嗰隻係終極旗艦完全版~得閒有時間試吓你嗰隻先~{:6_139:} JayShiu@G 發表於 2026-4-10 10:40
啱啱睇返，原來我之前用係 A1 Evo Acoustica .. 係 Acousit X 嘅前一個版本…問AI佢話你嗰隻係終極旗艦完 ...
收到！咁師兄搵日要玩下啦 本帖最後由 MikeChu@FB 於 2026-4-10 19:55 編輯
現在acoutix 好似latest 26 March 版本 ，rew就 spl ,頻譜，瀑布圖 我就一邊問germini 一邊影圖佢睇去分析解讀我聽囉究竟filter 後 做了什麼 ， 最後 咩都好啦， 真係 睇戲，睇電視 ，聽歌都好左， 作者OCA 近來仲寫多左個 2聲道 聽歌專用既g sonic軟件 我就未有心機試喇 。因為 我玩 acoutix1 position repeat 12 , 開頭 試支咪 置中 都衰左 20次 先 擺到過 1次 good 既center 去開始
Measure , 免費野 都 咁專業算係咁架喇 ，而今日再時間重溫舊電影 🎬 F1 movie個種又聽多左野 大音壓中高音不吵耳 低頻爽快 冇過多駐波，明明冇換過野 但又因為設定 而升級有感既感覺又返來 MikeChu@FB 發表於 2026-4-10 19:32
現在acoutix 好似latest 26 March 版本 ，rew就 spl ,頻譜，瀑布圖 我就一邊問germini 一邊影圖佢睇去分 ...
我一直都好難置中測量到，唔太清楚點樣算係置中。。
因為當系統偵測兩邊聲量達到平衡的時候，測音咪擺放的位置已經偏右咗好多。
我左邊喇叭是靠牆的。
最後我都是將咪夾硬放返皇帝位就測量了。 本帖最後由 MikeChu@FB 於 2026-4-11 00:47 編輯
CalvinTsang@FB 發表於 2026-4-10 22:12
我一直都好難置中測量到，唔太清楚點樣算係置中。。
因為當系統偵測兩邊聲量達到平衡的時候，測音咪擺放 ...
我見班鬼佬 呢個都玩左幾日 拎excellent centering check 位 先開始，我試左20次 都係擺到mic center 位 goodcan pass left right difference 好少 就 開始 執行完整一次
Measure 完 仲可以有個A1 acoutix analyzer check session log , 又有d 圖 睇吓 我玩1position repeat 12 先可以全channel 拎 perfect 到 90scores, 可能測量資料夠， 個程式自動根據你指定target curve 去 optimize 時 可以精確d掛