終於忍唔住買咗valerion visionmaster max+第一日開箱後初步測試
本帖最後由 AskaLung@FB 於 2026-1-15 08:31 編輯呢幾日聽完好多師兄睇過或者用過吓呢部機嘅經驗同埋上YouTube睇吓啲評測
已經對呢部valerion visionmaster max，好有好感，前日我哋一行11人上咗香港嘅代理show Room嗰度睇
佢個投距超有好，兩米已經可以打到100吋,部機超滴骰,啱晒我哋啲蝸居,擺唔到大機嘅人
開咗機睇咗一至兩套都已經覺得畫面簡直真係不得了
IRIS+EBL簡直係暫時真係暫時冇一個DL P嘅黑位好過佢,
睇啲金屬嘅物件完全係覺得好立體, 雖然而家好多機都去到5-6000明流
但呢部3500 ISO覺得真係好光猛同埋有啲掁眼嘅感覺，光度完全好夠力，隨行朋友都講好鍾意佢播出嚟嘅John Wick，嗰啲Spotlight打去出嚟啲光好鬼夠力，完全覺得細機有大機嘅表演，
仲有佢嗰個除彩虹功能真係犀利，有個朋友超級彩虹眼，開咗嗰個function直頭真係係佢話真係睇唔到有彩虹
咁多部三色雷射睇得最舒服都係呢一部
，所以琴日攝高枕頭，諗咗一晚，
今日終於扑錘，一日內買埋部機，返到屋企打開箱部機嘅質感真係好勁，遙控都好鬼靚仔，雖然價錢就真係貴咗少少，但係我覺得真係好值得，遲啲再詳細測試其他功能 期待師兄出埋評測報告
依部機近期好大熱{:6_128:} 終於有返啲正常嘅post分享睇吓，呢部機正呀{:1_328:} 恭喜師兄有新玩具，夠投距下一步可以再換隻巨幕{:1_343:} 尋晚夜晚兩點幾搞到四點幾今朝好攰但係開心嘅而家分享吓第一日嘅初步測試報告
琴日淨係調個畫面調咗好耐，所以琴晚淨係搵隻Apple TV試吓Netflix同埋迪士尼,
講講喺我度缺點先
佢上下鏡移都算係好易好微調咁樣去精準逐格逐格落,但係佢嗰個電動縮放真係幅度太過大,到而家我最終都左右都係有少少唔可以填晒個框,
部機本身呢就有嗰日我你成班上去代理睇嗰陣時個黑色底有啲紅色,
代理嗰度開咗個IRIS同EBL之後佢冇咗嘅,但係我依然都有嗰個輕微嘅紅色底,
搞咗一陣發現喺個專業調教嗰度喺紅色嗰個地方將個亮度-25,咁嗰啲就基本上都冇晒同埋個畫面我唔見有咩特別，因為減咗紅色嘅亮度差咗,
(不過今朝就見有位鬼佬師兄，原來佢都睇到有啲紅色，跟住原來今次upgrade完新ver之後就可以改好咗呢様野)
佢個風扇聲俾我之前嗰部機大咗少少，但嗰個聲我可以接受，同埋我琴晚基本上都係好細聲去試嘢，所以其實嗰個聲應該平時正常應該就會聽唔到
不過開咗個防彩虹功能，真係會突然間聽到有啲高頻出現，唔係好大聲，但係你會察覺得到
所以我琴晚都識咗，因為其實我就算冇開我都睇唔到有彩虹，
上下黑邊，真係冇辦法我屋企唔係全黑，所以冇代理嗰度做得咁黑，但係都比以前嗰部都黑咗都好明顯，尤其是有個黑色對比嗰個選擇項嗰度我將佢調低佢個畫面一路會黑落去，但係唔會以前好似舊嗰部機一樣越教就越灰，個底嗰度好明顯都冇比以前舊機咁乾淨,我係有睇到少少後邊有輕微嘅斑,但係我接受嘅唔係好嚴重
咁開始講返佢啲優點
真係好光猛，其實我已經搞到部機嗰個光圈，係去到最細嗰個六度+EBL
但係完全喺我自己嗰個範圍裏便都仲係覺得好光，我係其實仲想減少少亮度不過喺呢個設定之下個雷射光源係唔可以再減,我之前嗰部係3200iso呢部係3500iso
但係嗰個亮度係比之前舊嗰部真係高咗唔少,睇Netflix嗰啲電視劇嘅完全真係覺得唔會灰,啲嘢實淨咗好多,立體感同層次都比之前嗰部機好咗好多，
同埋嗰日我哋上去睇嗰陣時見到佢部機原身行YouTube見到佢啲紅色多咗，琴日都應該知道係咩原因，就係佢嗰個介面本身係行緊SD R，佢個色域行咗BT2020，咁我嘗試教返P3就正常返，仲有啲乜嘢等我再諗吓先 恭喜哂，最鍾意睇人哋開箱！ 本帖最後由 luckyperson 於 2026-1-15 16:37 編輯
RTINGS.com 有Hisense C2 Ultra (HK$16000)與Valerion VisionMaster Max (HK$28000)的比較。Hisense XR10 小型家用投影機（6000 ANSI lumens) 將出。 luckyperson 發表於 2026-1-15 16:32
RTINGS.com 有Hisense C2 Ultra (HK$16000)與Valerion VisionMaster Max (HK$28000)的比較。Hisense XR10...
師兄，你買咗max啊？
呢個價你點樣買到㗎?
你喺邊度買㗎可以咁平? luckyperson 發表於 2026-1-15 16:32
RTINGS.com 有Hisense C2 Ultra (HK$16000)與Valerion VisionMaster Max (HK$28000)的比較。Hisense XR10...
Ching，有冇Link? 嘩!! 師兄唔係咁快手呀，好羨慕🤩