尋秦記集體回憶，對古老闆身體有所憐惜🥰🙏
本帖最後由 龍無忌@FB 於 2026-1-12 23:05 編輯016/2026 66🥰👌
《#尋秦記》（#backtothepast,2025)
星期六和太太在深圳和朋友食完飯趕回香港睇，都唔係深圳睇，因為撐香港電影緊係喺返香港睇！
107分鐘娛樂性不錯，有科幻、打鬥、笑料，加上集體回憶氛圍，一看無妨。不過話投資3.5 億，就真係唔覺，可能將2022部《明日戰記》啲科技設備折舊打番份數？🤪
從《明日戰記》開始有咁大投資，我仍然覺得香港電影唔肯俾多啲錢落編劇度，遲早都會玩完。就《尋秦記》來看，故事犯駁不少，對白節奏和連貫性有問題，可以說是和TVB電視劇的水平近似，然而，一部大製作，就覺唔夠認真。相比之下，編劇賀鑫的新作《觸電》及舊作《老笠》更為可喜。
穿崩位就以變臉儀器為例，時要撳掣，但有時忙起上嚟又唔使撳掣就可以變面喎🤪角色的性格和能力更係前後不一，成日隨時變化，是集體創作的問題，還是製作過程拖得太長，令改動影響人物的一致性？
有一點可以肯定的是，第一個結局，古（項少龍）用刀脅持林（秦始皇）時，一段兩人大頭近鏡互相真誠對白，應該係2019 殺科之後，在近期才加入補拍的。因為近鏡大頭，從古天樂的臉容眼睛問題，就知是近期的他，加上近鏡補拍避開所有背景，單以燈光夾番之前光色就能剪接埋一齊，可惜被古老闆的面容出賣，也慨嘆時間總是藝人的天敵，當然也與古生的眼疾有大影響，希望佢保重身體，早日康復。未看的可以入場時留意。
說到樣貌方面，滕麗明保持得最好。為了國內市場，找來國內演員白百何有點多餘，相信是對合作方的妥協，但講到佢刻意先換男裝作作變臉扮秦皇，好影響劇理和劇情。同理吴樾飾演的Max 是最差的一個角色表達，只係冇乜人留意其矛盾得可笑的性格。
當吴樾玩變臉成蔡一智的時候，我竟然想到佢唔使變臉已經變成譚輝智🤪🤣 我好同意師兄所言, 如果寫劇本方面可以更加仔細, 成套戲感覺就好唔同...我都覺得情節都幾多不合理的地方. 同埋第2結局應該是一早拍落的, 因記得公佈拍電影版時雪兒(公主)有份出席記招, 但之後又好似無覺有佢出現, 所以應該一開始是結局2客串的戲份. 不過如果只有結局2我會覺得仲衰過TVB....感覺就如如果睇avengers iron man死o左之後即刻影住tony扎醒, 之後原來係發夢, 睇到可能真係會掉爆谷...
其實我寧願3哥真係做o左秦王, 咁盤兒就可以真係做返自己, 同師傅一齊. 而項少龍個仔又因為知呢個秦王係假, 所以將來才會去攻打佢. 當然唔排除劇本改o左好多次, 因感覺成套戲似係由好多短片剪剪埋埋落個主線, 加埋湊夠個零鐘咁o既感覺. 同埋好多時見演員口型同對白唔match, 肯定是再配過音, 即本身都唔係咁拍. 幾好睇！ 當集體回憶支持港產片。因為全年也冇其他港產片上。加油香港電影! michaelltw 發表於 2026-1-14 12:54
當集體回憶支持港產片。因為全年也冇其他港產片上。加油香港電影!
有呀，百分之百香港電影《再見UFO》 gashapon 發表於 2026-1-14 00:34
我好同意師兄所言, 如果寫劇本方面可以更加仔細, 成套戲感覺就好唔同...我都覺得情節都幾多不合理的地方....
所言甚是。
好多口型唔夾😅 龍無忌@FB 發表於 2026-1-18 19:47
所言甚是。
好多口型唔夾😅
我睇網上的YT片, 古生都有講係邊拍邊改, 同埋我都相信因為要就返國內上映, 配合佢地審批下而改了劇本幾次. 我見連一開始3哥口形已經唔match對白, 可能連開頭都改o左...
我自己睇戲同劇, 最睇係個"故事". 就好似煮飯咁, 有時少少調味已經好好食, 但咩都加d落去炒埋一碟, 就會變得好怪... 如果幾年前上影，好快落畫 幾時先到1億，有加場版呀？
頁:
[1]