【會後討論】🥂 KEF Coda W & HEGEL H150 黑膠體驗會🎶🥂
本帖最後由 erinerin 於 2025-11-20 19:24 編輯KEF Coda W 喇叭真係刷新咗小編對有源喇叭嘅印象，估唔到簡單連接黑膠都出到咁驚喜嘅效果 😍😍 今次嚟到體驗會嘅大家非常有耳福！因為係 Hegel H150 全新串流擴音機喺香港嘅第一次體驗活動😎😎😎 仲有香港獨家，嚟自挪威廠方嘅絕密影片！！
今次更加係係我哋第一次嚟到 AV Life 銅鑼灣時代廣場最新門店同大家試玩 😍 又有2ch 區，仲有房仔可以俾大家試曬兩套器材🫡🫡🙌🏻 能夠比KEYMAN 同小瑟兩位同時分享佢哋精選playlist!!
一萬個人一萬對耳仔！ 小編就非常欣賞 KEYMAN 帶嚟嘅黑膠，原來波斯貓都可以咁樣演繹！！！！ 唔知大家又有咩諗法呢？😍👍🏻👍🏻 快啲留言分享吓啦！ 😍😍😍😍 自己屋企個廳都算深，Coda W 擺廳可能爭少少，KEF 仲有好多選擇。
但係擺書枱就一流，主動式喇叭，除咗藍牙，仲有 RCA、有 USB-C，駁 DAC 又得，駁電腦又得，仲有 subwoofer out，靈活性都幾大，仲有 KEF 一貫多色作風，呢個價位都算交到功課。
Keyman 講故仔一流，聽歌之餘仲可以了解歌曲背後嘅故事，生色不少，可以搞多啲呢啲 crossover。
我冇攞到紀念品，可唔可以補返畀我？ 其實我以前對呢一間舖頭感覺唔係咁好昨晚看到佢哋職員嘅禮貌招呼即時改觀再加上本人是一位視障人士以前幾次經歷職員招呼到10分差劣，見尋晚佢哋落力招呼我們最後我購買咗一個K C60 20 Move 很高興參加到昨晚活動
感謝Post76,小瑟,Keymon,AV Life 等工作人員及師兄🙏🏻
而最驚喜的是 Keyman 講述音樂製作背後嘅故事，更令我知識到更多力求完美的幕後艱辛製作史～！希望有更多這些活動的分享(私心我鍾意聽故仔😆🥂）
另外
昨晚 小🐔🐔和友人們試機試到差不多收舖（8:58分)
感謝職員關照🙇🏻～
回題～～～
對於我們房仔細細的電腦枱頭書架型音響 ～~
這一部主動式喇叭 ～KEF Coda W 十分吸引～
除了有時下主流多種輸入外,
還可以直接輸出至黑膠轉盤
可說是多功能集於一身💪🏻
而體積也不算太大☝🏻
對於聲音表現也同樣出色～
合乎身價有餘～是入門偏上盤🤟🏻
加上價錢也十分吸引~😱
對於想多用途又想有返咁上下質素嘅朋友~
買咗佢真係>>打機,睇片,聽音樂一部搞掂呢～💕🤟🏻🥂🐔
首先好多謝 Post76、KEF、AV Life一齊搞呢一個體驗會俾我哋。
之前見到76 ig出post話KEF新出咗對書架喇叭Coda W，當然係秒like啦。之後仲話可以有機會試到佢嘅真身仲期待。
我自己作為LSX ll嘅用家，試完對Coda W對比返，佢單元大咗，出到嚟嘅音域再更廣，聽落去音色都好舒服。我自己覺得中高頻、人聲特別明顯。特別係套鼓嘅鑔（ride同crash）嗰啲丁丁聲好出。不過我覺得佢底音比LSX ll略為遜色咗啲，我諗加返隻十仔比佢會好好多。
Btw好坦白，琴日我真係第一次聽黑、白膠，我終於明白點解啲人咁鍾意聽黑膠😂因為嗰一種聲出到嚟川流音樂真係俾唔到你。Hegel + LS50 meta真係一種享受。成件事好warm，好似真係成對Band喺你面前，個歌手喺你面前演繹俾你聽咁樣，鼓嘅定位好明顯，佢係好Pacific咁同你講打緊邊一個Tom，套鼓嘅位置喺邊度。呢個真係要值得一讚👍🏽
所以都係嗰句，琴日試完聽完，我知道自己需要啲乜嘢啦😂💸💸💸💸 多謝post76 加上AV life，KEF 舉辦活動，當晚獲益良多，我平時有用SONY A95L, Denon A1H , OPPO 等器材去睇戲，兩聲道未開始玩，連初哥都淡不上，所以今日大開耳界，成就解鎖，小瑟的主持同講解能力早已經係教科書水平，如果做補習天王，應該發咗。😆
講返當晚，因為能短時間內試聽 kef coda W 同LS50, 立即清楚大約$6xxx 同$12xxx，所付得來聲音分別。解開所有迷惘。尤其欣賞coda W , 超高性價比，要方便有藍芽，要講究有coaxial 同黑膠輸入，coda W係有升級路線的產品。
最正係小瑟用哥哥既黒膠作訊源，嘩，正到以為哥哥返咗黎。返到屋企都聽咗一陣哥哥。
今次活動帶領我進入兩聲道，而且了解KEF 入門產品都咁正，我下個目標，要影音分家了。
頁:
[1]