睇左.....#風林火山(當有劇透啦)
昨晚終於睇左都芾傳說《#風林火山》，真心話，小瑟係抱非常低的期待入場的，因為之後聽到有 MEDIA話 康城有人睇到瞓著。而預告片都非常亂，第一唔知係黑白定彩色，講國語定廣東話，所以都好想知究竟係點。作為觀眾，覺得ok啦。呢套唔係《寒戰》或《無間道》式警匪片，雖然佢都係警匪片，不過係＂藝術片＂，而背景定在1997年前，警察係黑警。而導演畫面處理好暗黑，像Nolan版《Batman》，但仲暗，導演用黑白、墨綠、血紅色調，似導演舊作《殭屍》，電影獨特，但唔一定人人岩睇。因為攝影有D位都好套特，好似劉青雲同梁家輝傾偈，鏡頭會慢慢推到最邊，有D專業攝影師可能覺得「神經病」，咁都得掛，反而我就OＫ的。音效聽到係用心既，雖然影片係Dolby Atmos master，不過我地睇 7.1 版本．後置喇叭同環繞聲有心機，但香港好多戲院未必播得掂。尤其係畫面，因為好黑，戲院投影機炸d都唔掂！希望將來會出4K UHD、HDR、Dolby Vision因為到時先可以睇到哂ｄ黑位係做緊乜!
演陣容強大，金城武、梁家輝、劉青雲、古天樂，仲有盧冠廷、任賢齊、Wyman同衛詩雅等等，金城武型到爆！
見好多影評人鬧多過讚，可能因為佢地識標準既電影手法。我就唔識，故事的確係散散地，結局有d失望既。我覺得導演有風格，喜歡佢既都可以一看，但我唔會二刷，而且戲院設備好影響觀影感受。
總結：藝術味濃，極黑風格，陣容鼎盛，音畫用心，家睇最好，商業片fans可直接彈開。
你地多數去唔去戲院睇？？
https://youtu.be/z4dbWdKmPhY 睇完兩位個影評，色tone黑白灰….即刻諗起套智齒{:1_332:} marco 發表於 2025-9-30 08:03
睇完兩位個影評，色tone黑白灰….即刻諗起套智齒
我覺得智齒會比較好 LeoChin@FB 發表於 2025-9-30 11:35
我覺得智齒會比較好
呢套風林火山玩到咁大,幾億製作,又大cast...應該都要睇下{:6_136:} 希望出碟 本帖最後由 神武光輝 於 2025-10-2 01:06 編輯
劇情都幾完正，結局是套戲嘅開場，每個鏡頭都好似幅相，藝術性高
頁:
[1]