小瑟 發表於 2025-9-15 09:41

返歸玩一人一帖分享玩後感 : 免費玩HIZERO F300潔地機!

今日相信大家都已經收到f300呢部洗地機了,請大家喺指定時間之內將你喺屋企試玩嘅情況,每人一個post咁圖文並茂同大家分享一下啦!

嚟緊想有更多嘅好嘢玩希望大家可以影多幾張相Share呀!{:1_339:}{:1_339:}{:1_339:}

今日我地就去幾位版友屋企教佢地點玩了!{:1_338:}{:1_338:}{:1_338:}

試玩安排:
試玩日期 : 2025 年 09 月 12日
分享試玩感受 : 2025年09月26日(文字版版友)

















KeithChan1@FB 發表於 2025-9-15 18:37

今日非常感謝小瑟同埋佢嘅團隊 嚟到我屋企開箱試玩 HIZERO F300 潔地機。 雖然第一次試玩潔地機, 但覺得呢部潔地機功能非常多元化。 基本上可以將平時用開嘅清潔工具全部集合埋一齊, 無論掃地拖地同埋清潔, 基本上一部機可以搞掂曬。 多謝hizero ben哥同埋佢哋嘅團隊 對部機嘅詳細解釋 , 教我點樣一拖一拉, 就可以將所有嘢吸乾淨。 雖然呢部機 不適用於地氈, 但由於我屋企全屋都係地板 嘅關係, 非常合適和實用。
最特別呢部機可以自我清潔, 基本上撳個掣部機就會識自我清潔, 唔需要下下都拆出嚟去清洗非常方便和節省時間。 再睇返個零售價,其實性價比都幾高, 值得投資購入。

P.S. 最後最後, 要特別感謝 小瑟嘅拍攝團隊同埋助手erin 嘅安排 同埋統籌。 雖然只係一個好簡單嘅潔地機, 但佢哋嘅拍攝團隊好追求每一個拍攝嘅細節,,角度同埋說話方式。 非常非常專業 和認真。 好值得給予佢哋一個肯定。
喺而家嘅經濟環境底下, 他們每一個人都很認真去工作, 所以好值得我們給予尊重和 繼續支持佢哋。
努力👍👍👍💪💪💪

小瑟 發表於 2025-9-16 12:19

KeithChan1@FB 發表於 2025-9-15 18:37
今日非常感謝小瑟同埋佢嘅團隊 嚟到我屋企開箱試玩 HIZERO F300 潔地機。 雖然第一次試玩潔地機, 但覺得呢 ...

昨天去keith兄屋企先知原來你個廳咁大, 仲要清潔方面由你想負責, 真係好男人呀~ 希望你玩呢2個星期試哂d功能, 再係度同大家分享啦~{:1_345:}

erinerin 發表於 2025-9-17 10:57

返歸玩已經開始咗啦!! 大家記得喺下面分享下你哋真實嘅感受啦~





小瑟 發表於 2025-9-17 12:54

以下成功參加嘅師兄師姐們!!
【已確認】01) abby
【已確認】02) AKIASA(家訪ED)
【已確認】03) asiahowah
【已確認】04) Bellis.S
【已確認】05) KEITHCHAN1(家訪ED)
【已確認】06) michael
【已確認】07) pac(家訪)
【已確認】08) tommy1976
【已確認】09) 阿定
【已確認】10) 桃公主

asiahowah 發表於 2025-9-18 22:42

🧹 *Hizero F300 洗地吸塵器試用報告*

最近試玩咗Hizero F300洗地吸塵器,用咗幾次之後,真係有啲驚喜。首先,部機設計輕巧,淨重只有3.5公斤,操作起嚟非常靈活,拖地時仲有推進力,感覺好似部機自己幫你向前行,慳力之餘又唔會攰手,對於屋企有長者或者成日要清潔嘅人嚟講,真係一大福音。

佢運作時非常靜音,官方話低於60分貝,實際用落都唔會有傳統吸塵機嗰種煩人嘅噪音,夜晚清潔都唔怕嘈親人。最吸引我嘅係佢獨有嘅「三分離技術」,可以分開污水、毛髮同固體垃圾,唔會越拖越污糟,清潔完地板乾爽無異味,仲好易清理。

不過都覺得唔係完全冇缺點。佢個清水箱容量偏細,我間屋大約400平方呎,要換水至少一次先夠用。而且入水口個防水膠塞設計雖然實用,但感覺上長期使用可能會有老化風險,呢點要留意。

吸力方面雖然佢唔係靠傳統吸塵原理,但清潔滾筒配合毛刷設計,吸力依然強勁,有一次仲差啲吸咗條電線入去,要小心使用。整體而言,Hizero F300係一部集掃地、拖地、抹地於一身嘅高效清潔機,特別適合香港呢啲空間有限但清潔要求高嘅家庭。

桃公主 發表於 2025-9-19 14:35

本帖最後由 桃公主 於 2025-9-25 15:44 編輯

平時日常家居清潔地板時都有著好多問題╴傳統掃巴及濕紙巾拖地板,要踎上踎落,又不是一次過可以拖/掃得乾淨,對於不年輕的我及家中長老更是困難。久而久之,清潔的次數就一兩日三日咁拖延下去,而又求求其其地抹,,,,,地板就積積埋埋好多塵同埋痴立立。 另外一個重災區就係煮完飯後十分油膩的廚房地下,每晚都要用熱水加廚房紙抹抹抹…再加上疲後還要再加埋消毒呢個環節,返完工仲要搞一輪清潔,真係有夠累哦!

於是每當平日行街時都會去睇下現時有D咩新又合適屋企使用的清楚工具出現,不是太貴又或者總要分開幾部機。直至遇到HIZERO的潔地機示範就深梁被吸引到,感覺它都幾適合我們屋企使用,但講到咁好都係冇買? 咪就係怕家人唔肯用/唔識用,又被話浪費金錢!! 於是又不了了之,繼續做阿信吧。



直到見到POST76.HK 有同HIZERO F300 返歸玩活動 (心中大叫: 機會嚟喇飛雲) 即刻二話不說報名先! 於是我做了被選中的孩子了。

終於都收到實物,包裝很簡單又不阻地方。好喇,打開後配件很簡單,很容易就可以組裝到,而出廠時已差左D電,可以即刻開來試試。



因為我都睇過示範,組裝時長老都從旁聽解,長老們都想親手試試。

開動潔地機…. 長老說不需用力,因為部機係會自動向前行,要轉彎時都很順暢輕易。操作又易,按一下開關按鈕就可以了。而機身係可以承受熱水來清潔,又解決了消毒的問題。
一路吸一路見到清水變了污水,心中已暗自問有冇咁污糟呀? 地板只係拖左一次就已經好乾淨,再拖多一次直情變到爽歪歪呀!仲有就係呢個潔地機係一邊幫你掃地一邊又拖埋地(唔係分開的)所以清潔用的時間又慳多左唔少。



好了,就講下部機的清潔了;
水箱: 乾淨水同污水係一體化,打開污水倒水,用剩的清水可保留。(就係咁簡單)
垃圾隔: 就咁將垃圾掉落垃圾桶。
乾滾筒: 用跟機的清潔筒一套就乾淨晒。
濕滾筒: 用清水沖沖就可以了,然後放在跟機的架上涼乾就得。

後記:
因為第一次用HIZERO F300潔地機深層清潔,我地換左兩次水。之後KEEP住乾淨的,水箱的容量已經足夠一次使用。
那長老們都會繼續用嗎?隔日長老竟然主動用HIZERO潔地機清潔,說容易又好用,效果好好,YEAH~ 終於唔駛等我淤去做清潔了~~ YEAH~
多謝POST76.HK & HIZERO 讓我有個清潔又和諧的家。

abby 發表於 2025-9-23 17:42

首先多謝小瑟同團隊俾個機會我地試玩呢部 HIZERO F300 😊。我做左家庭主婦十幾年,每日都要打理屋企清潔,尤其係地板,屋企5個人,出出入入,地板清潔消毒係最重要 🧹。

以前我都係先吸塵,再拖地,兩個步驟做完已經好攰 😓。而今次我想試呢部 HIZERO F300 既最主要原因,係佢可以一機兩用,唔單止可以吸塵,仲可以拖埋地,一舉兩得 💪。我屋企有4個女人(包括兩個女),地板無間斷出現頭髮絲,吸塵係在所難免,一日吸幾次 💆‍♀️。加上,我同時有哮喘、鼻敏感同皮膚感敏,屋企既清潔更加重要,即使吸左塵,都未必乾淨,我會再用拖地水或消毒抹地紙巾抹地,以免鼻敏感發作 🤧。依家呢部 HIZERO F300 賣點係利用滾筒吸附地面污垢,唔會吹起塵埃,對敏感人士非常適合,而且配合拖地效果,地板乾得快,唔會留水漬,就唔怕老人家跣親 🚶‍♀️。

話說當收到快遞既時候,都比個盒嚇親,咁大件,屋企邊有咁大地方放呀?😅 直到真正開箱,發現SIZE 都適中。HIZERO F300 嘅包裝簡潔,開箱過程非常順利,配件一目了然,安裝步驟簡單,好快就順利裝好,叉滿電就可以開始試機 🔌。

開始試機,機器運作聲音唔太嘈,因為一般吸塵機都好鬼嘈 🔊。而操作上,HIZERO F300同一般吸塵機一樣,操作非常簡單,只需一個按鈕就可以開始清潔,連我屋企老人家都可以輕鬆使用 👴。機身靈活,轉彎同埋進入家具底部都好方便,唔需要搬開張枱,櫈咁麻煩 🪑。

清潔完地板之後,機器本身嘅清理都唔複雜。污水箱同固體垃圾盒分開設計,倒垃圾唔會整污糟雙手 🗑️。滾筒可以拆出嚟清洗,保養起來好簡單,唔需要太多時間 🧼。

對於今次試機既體驗,主要針對屋企地板黎講,HIZERO F300 係幫到手,而已效果相當唔錯 👍。佢唔單止節省時間,仲減輕體力負擔,一機兩用 ⏰。試用之後,我會推薦俾身邊既朋友 😄。今次既分享都差唔多,再次多謝小瑟同團隊既介紹,唔鍾意做家務既大家,可以不妨一試 ✨。







michael 發表於 2025-9-23 18:38

小弟同大家都一樣,平時屋企家務都係我一星期搞一次,最頭痕就係地板清潔!以前用吸塵機掃完再用地拖,成粒鐘都未搞掂,仲攰到半死!屋企有細路同毛孩,地板一日唔搞就污糟邋遢。最近有機會試玩 HIZERO F300 潔地機,用咗幾日,真心覺得係神器!今次同大家分享吓開箱同用後感,仲有啲保養貼士,等你知點樣慳時間又令地板乾淨到反光!

開箱:簡單易用,配件夠晒齊

收到貨嗰陣,F300 嘅包裝盒好簡約,白色為主,印住機身圖同基本資料,睇落好有質感。開箱一睇,裡面有主機、水箱、充電器、說明書同啲小配件。主機唔算重,大概 4 公斤,拎上手
好舒服。配件有專利滾刷、清水箱同髒水箱,仲送咗專用清潔液試用裝。說明書好易明,連我呢啲機械白痴都即刻砌好!想知多啲,睇埋 YouTube 小瑟嘅介紹仲簡單!

充滿電大概 3 個鐘,夠用 35 分鐘,搞掂我 300多呎嘅屋企完全無問題!





















用後感:慳時省力,地板乾淨到索

第一次用係喺客廳試,吸走毛髮、塵同啲零食碎屑好輕鬆,滾刷轉得啱啱好,完全唔會刮花地板。清水箱噴水洗地,髒水自動吸入髒水箱,乾淨得嚟仲無水漬,行過仲會即刻乾爽曬!成個客廳 15 分鐘搞掂,比以前吸塵加地拖快咗一倍!廚房油漬同浴室水漬一擦即走,地板乾淨到好似新裝修咁,踩落去真係好爽!

用咗幾日,屋企地板靚到反光,連空氣都清新咗。以前一星期花半日搞亂七八糟嘅清潔,而家半個鐘就掂,慳返嘅時間可以煲多套劇或者打機!同以前比,用吸塵機掃極都有細塵,地拖拖完成地水漬,仲要喺廚房同浴室同頑固污漬死磕,搞完腰酸背痛。而家 F300 操作超簡單:加水、開機、推一推就掂,集吸塵、洗地同烘乾於一身,一次過搞晒!

保養貼士:簡單護理用得更長

F300 好用歸好用,但想佢長壽都要略為保養吓。以下係我用咗幾日嘅小心得:
自我清潔:用完最好加清水再跑一轉,放入充電架,開二檔做一次自我清潔,咁部機先耐用啲。
水箱清理:髒水箱用完即刻倒晒水,每月用專用清潔液深層清潔一次。
過濾網檢查:過濾網定時拎出嚟抹塵,每三個月換一次,吸力先唔會減。
儲存方法:放喺陰涼乾爽嘅地方更好。有問題即搵售後幫手。話哂都有2年保用。

做好呢啲,F300 就可以繼續做你嘅清潔好幫手!










記得開二檔做自我清潔




(呢篇係我嘅真實用後感,有疑問可以睇官方說明書!{:1_345:})

阿定 發表於 2025-9-25 17:22

本帖最後由 阿定 於 2025-9-26 08:32 編輯

首先多謝Post76同埋HIZERO ,等我有機會試用 F300潔地機,第一次認識呢部機係因為 Post76 係澳門新八佰伴 搞了個 HIZERO x LAURASTAR 的活動,本身係 LAURASTAR IGGI 的用家,所以都想親身去睇下 LAURASTAR IZZI PLUS 掛熨機 ,可惜時間夾唔到,最後睇番 秒速見證 HIZERO x LAURASTAR:清潔與熨燙的極致體驗 的介紹,反而對部 HIZERO 潔地機有興趣,係小瑟的早晨直播得知會有得申請免費玩就即時走去申請了。



先講番屋企情況,點解想試用先,屋企本身習慣係入屋前會除鞋,屋企內除了出入廚房外,唔會特別著拖鞋,廳同房都係柚木地板,如果無特別情況,一般都會等到星期六日放假先會掃一次地,兩星期才會拖一次地或吸一次塵,雖然好想日日都清潔,但可惜放工之後實在唔太想做體力勞動。



上兩星期收到貨,一見到個盒,勁大個,有少少嚇一嚇



之後拆好安裝好,原來只係自己嚇自己,放係牆邊,同一般吸塵機比,大細差不多,重量亦比想像中輕。

安裝過程並唔複雜,先叉電,再裝配件,一個毛刷滾筒,一個要先整濕才能用的清潔滾筒,最後裝水入水箱,就可以用了。



跟機仲有支低敏性配方專用地板清潔液,倒少少落去就可以。

同一般吸塵機最大分別,係部機會自己向前行,唔駛自己用力推,不過由於實在太貼地,屋企有部分柚木地板經過多年熱脹冷縮,會有地面唔夠平滑而Kick住咗,要人手動提起少少再推先得,不過部機唔太重,所以都未去到唔方便。

基本上拖一兩次後就已經成個地板爽晒,省卻以前要先掃地,再吸塵,後拖地,要做幾個動作,宜家一次過就可以解決晒。



屋企明明長期唔開窗,唔明點解都仲有勁多塵,宜家改為每一到兩日就拖一次,結果都有唔少垃圾,真係好神奇。



留意番部機唔係完美的,較為長的頭髮仍會纏住喺個轆度,耐不耐要自己整番出來。



污水同乾淨水會自動分離,所以懶惰的我,只會用完倒走污水,乾淨水會由得佢留係入面,反正宜家清潔簡單好多,每日或隔日都總會再拖一次,懶得就懶。



用完個清潔滾筒,要沖水,放番係個座整番乾。



雖然網上大部份的建議都話隔一兩日再用的話,可以就咁用清潔Mode清一次就留番係部機度 (放上底座開強度二),但好怕會有噏味的我,都會用後沖一沖,用前浸一浸。



另外個毛刷滾筒亦有跟一個毛髮清潔器,套落去就可以清潔好,非常方便。

總結:

清潔比以前輕鬆了好多,本來要分三次做的事情(掃、吸、拖),宜家一部機一次過做晒,慳唔少功夫,同埋拖地密了,地板就自然爽好多,特別係廚房煮完飯,地下會特別油,以往要等到星期六日先處理,宜家可以即日處理,效果顯而易見,缺點唔係無,例如太過邊角位,部機都係入唔到去,要用吸塵機吸,不過呢個問題本身就算無呢部機都存在,嚴格來講唔算問題,因為清潔輕鬆了,自自然就清潔會做密左,太太就唔會成日叫 "得閒就掃下個地,打少陣機" ,都真係好事來。
頁: [1] 2
查看完整版本: 返歸玩一人一帖分享玩後感 : 免費玩HIZERO F300潔地機!

重要聲明:本討論區是以即時上載留言的方式運作,Post76玩樂討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。Post76玩樂討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。權利。