香港吉伊卡哇拉麵試伏專員
Chiikawa Buta 吉伊卡哇拉麵 朗豪坊店實試後感事關已經有好多人食過話麻麻地啦，所以必須講講，我對碗拉麵係 零-期待 嘅！ 夠打卡我就收貨㗎啦!!OK！ 開始！
順利入場
我係透過 KKDAY 買預約券 BOOK 咗時間入場嘅！個玩法係大家要上 KKDAY 透過「預購一瓶黑烏龍茶($38)」 作為訂座嘅訂金💰💰。兩個星期前，幾經過辛苦搶到時間係收工後，又係晚餐時段嘅兩個位置，真心正爆😊 本身以為到場係預約制入座啦。點知 點知 點知，原來現場係有 Walk-In 位，同一條隊入場不特止，仲要唔洗「捆綁式」買埋枝價值 $38 只有手掌咁大枝嘅烏龍茶 😞😞😞 你叫我情何以堪，一秒變水魚
打卡ABLE 認證
不過成個場地的確佈置得好有心思嘅，佈景版定牆身嘅裝飾都好有心機，Chiikawa 的確好可愛；買一杯飲品會送一張小卡～ 非常好彩我拎到果兩張都係我鍾意嘅～ 咁怕醜內向嘅我就可以直接拎嚟打卡！唔洗騷擾隔離檯換卡啦:) 別出心裁嘅係，你使用嘅碗碗碟碟咪好可愛嘅，原來全部都係商品嚟😆😆 用得順手可以去 Cashier 買，果然係日本嘅銷售策略啊，只可以講非常成功🥷🏻 來都來了，當然係買下去啦
.
食拉麵最緊要嘅 當然係碗拉麵啦
同平時出面嘅拉麵店唔同，喺呢道，大家可以選擇嘅，只有麵嘅份量(迷你、小、大)，入面配料(蒜、豬油、芽菜)嘅份量～ Thats All，選擇困難症終見曙光～
試伏專員叫咗一碗 Chiikawa 迷你 Size 同 一碗 Hachiware 小 Size🍜🍜麵湯底係蒜味蔬菜底，偏甜口嘅+幾鹹嘅，口味各花入各眼～ 至於麵質同買電視一樣，非常睇手神😍😍✅吉伊果碗正常嘅～ 至於另一碗小八果碗啲麵個心係硬嘅🙂↕️🙂↕️🙂↕️ 至於塊叉燒，賣相的確比網上流傳日本店嘅相更 Juicy~ 不過可能為咗配合濃味嘅湯底～ 所以叉燒都係偏淡口～
總結
小瑟聽到我嘅經歷之後，希望能夠用我嘅痛苦，帶多啲歡樂俾大家。打卡嚟講，其實都推薦去嘅～ 始終有愛就冇問題。不過如果想安安靜靜享受拉麵嘅美味，相信大家都好多選擇～ 歡迎推薦試伏專員食吓正常食物～ 感謝大家～
頭盔：上面分享都係個人嘅個別例子～ 可能你果碗好好食都唔定～ 我都想食好食嘅拉麵呢 嗚嗚
唔係話入去食之前要落定單買碗碗碟碟咩？食完無得加單買Goods... 阿定 發表於 2025-9-9 08:19
唔係話入去食之前要落定單買碗碗碟碟咩？食完無得加單買Goods...
我自己都係落單果陣順手買埋嘅～ 講起有樣野可以讚讚，買佢Goods，係可以加 $5蚊 買個冇公仔嘅紙袋㗎 :) 大拿拿 $5 啊，真系多謝曬呵呵呵呵呵呵呵呵呵呵呵呵呵呵呵呵呵呵 比我就返鄉下先會試
頁:
[1]