ATC SCM11入手 初試聽感
我一直想入手一對ATC 11 但知道要推得好聽對擴音機功率要求門檻都頗高，所以望足兩年終於完咗音響展後鼓起勇氣入手了一對2手ATC 11 。買佢既原因係聲音比較正路無古怪調音亦較耐聽，而最主要係我只聽流行曲或發燒人聲為主，感覺ATC既11最貼近我既需要（7仔單元對我黎講細咗啲，吸收過皇太子經驗單元要有6.5或以上先易玩啲），而同時我對主力S520都開始摸到佢既頂想再物色其他喇叭更進一步。買之前己經有個覺悟，可能擴音機推得佢唔好又或者好英國聲（只有中頻聽得）一開聲即刻解除咗我擔憂。如果以我現在reference 喇叭Usher S520 (直白平衡無染）比較，ATC聲音算偏中高頻而同同時保持到低音量足，超高頻同超低頻不明顯（可能無），速度適中快慢歌都可以，中頻人聲方面清爽而稍偏後（對比Spendor Classic 4/5)，同時人聲隱約有一種偏"雁"或"鞋"之類既音可能是ATC既味道。整體聲音偏擴散性人聲結像不算太集中，Toe in 情況好啲，好處係唔需要一定坐皇帝位聽。簡短形容既話，ATC 11聲音清脆直白耐聽。
聽咗3日，佢無刺耳高音亦無擾隣低音，人聲既高中低頻完全覆蓋到，比S520樂器定位同分離度明顯更精準，雖然少了生動的超高音但換來更細緻耐聽高音。當音量調到九點鐘而下，聲音會顯得較為平面尤其中音，要開到九點以上人聲才變得立體。最令我深刻的是，正如其他人所講，聽蔡琴絕對是一絕。一播首機遇，人聲既厚度立體層次令人深刻。現時我用Yamaha as1200 推佢配4S11G喇叭，性價比下這組合應該算很不錯了。早前係友誠對比過另一個非常熱門又貴幾倍既擴音，Yamaha中頻人聲偏突出，而ATC人聲稍微後，配起來聽感上人聲會鮮明啲。喇叭線方面，我暫時對比過Nordost Purple Flare同Canere 4S11g, 感覺4S11g流暢度音樂感會好一點（S520則配Nordost較合適）。坦白講，我頗喜歡ATC11,應該會使用一段長時間，亦有種感覺係屬於可以End Game既喇叭只要擴音再配好啲。
好有心嘅分享 ATC玩到去end game起碼要見到個饅頭 MDLP 發表於 2025-8-21 08:16
ATC玩到去end game起碼要見到個饅頭
揾日再試聽下先，宜家已經覺得很好挺平衡。如果間屋再大啲可能再研究座地🤔 minglau@G 發表於 2025-8-22 10:54
揾日再試聽下先，宜家已經覺得很好挺平衡。如果間屋再大啲可能再研究座地🤔 ...
留意下例如25/50唔一定係坐地
就算40嗰啲座地都唔一定係低音洪水猛獸
頁:
[1]