今日畀阿凡達同Pioneer玩死呀！
今日一點鐘左右去租咗隻阿凡達Blu-ray，返到屋企放入部Pioneer BDP-320試吓喇！出咗個畫面要求update firmware，於是去Pioneer個網度睇吓，當時係2點鐘左右，有個3.54嘅firmware供下載，下載咗落部機度之後，又放返隻Blu-ray入去試吓啦！點知都係一樣，上網發覺原來好多CHing都係play唔到，於是咪攞隻返去間舖度諗住叫個姐姐仔回水啦！點知佢喺佢嗰部VIDI又play到喎！佢就話冇得回水兼唔可以租第二隻補數，等我update咗新軟體再免費租畀我，真係激死我啦！於是咪好冇癮咁返屋企咯！諗諗吓都係打電話去得利問吓點解唔得，個customer service嘅姐姐就話我今日update firmware冇理由唔得o架！叫我唔需要理個畫面講乜，按next制就應該可以play到，於是又嗱嗱聲打電話叫碟舖嘅姐姐仔留番隻碟畀我啦！沖沖落去攞返嚟再試過，點知按晒遙控所有制都唔得，真係激到火都嚟！又上Pioneer個網諗住搵個電話打去問吓，點知發現有D唔妥，個首頁冇咗update 3.54 firmware嘅通知，於是登入去下載區睇吓，原來佢地喺3點左右放咗個新firmware 3.65上去，咁就嗱嗱聲下載放埋落部機度啦！依家終於可以play到喇！真係攰到我死呀！ 師兄下次換機仲唸唔唸PIONEER呀? 好在最終都睇到... 講質素佢係唔錯嘅，不過關於firmware同埋佢開機load碟嘅速度就真係麻麻咯！最激氣係人哋部VIDI唔駛update firmware都play到，真係非常冇癮，下次換機真係要諗諗！ 恭喜Ching最後都play到,點都好過攪完一輪都係睇唔到啦. 咁搞法，真係大傷元氣呀！依家都仲喘緊氣呀！ 香港呢邊代理又係慢幾拍~~{:6_199:}不過好彩又唔會成日有碟play唔到~~ 講質素佢係唔錯嘅，不過關於firmware同埋佢開機load碟嘅速度就真係麻麻咯！最激氣係人哋部VIDI唔駛update f ...
jt24 發表於 2010-4-23 16:01 http://www.post76.com/discuss/images/common/back.gif
彧者人地update咗呢! 師兄下次換機仲唸唔唸PIONEER呀?
Frankie 發表於 2010-4-23 15:55 http://www.post76.com/discuss/images/common/back.gif
不過PIONEER畫質我覺得靚Ｄ 彧者人地update咗呢!
raymond430 發表於 2010-4-23 16:28 http://www.post76.com/discuss/images/common/back.gif
個姐姐仔話邊有咁得閒去update呀！佢都係試吓得唔得咋！