[測試分享]五大熱門書架喇叭比較(Spendor,Usher,本色, JBL及Q Ac...
本帖最後由 minglau@G 於 2025-5-26 00:53 編輯話說小弟最近搬屋，終於有一間大啲既房放音響，第一件事係集合現有的喇叭及新買的bestvox 35a 黎個大比併，旨在找出自己最喜歡音色既喇叭。測試主要以人聲。除咗bestvox, 現有既喇叭己經係經過多輪淘汰剩下有實力既喇叭。 今日進行測試既喇叭分別有聲稱係35a進化版既Spendor Classic 4/5、 出產咗20年台灣Usher既經典型號S520、號稱可打贏萬元級喇叭既Q Acoustics 3020i （我會使用原廠附送的吸低音海綿）、吸引我開始發燒之路既JBL L系列L20t及 近年人氣既BBC 國產復刻BestVox 3/5A 11ohm(二手入被人換了鍍銀線）。
測試器材
Acrolink 7N 4020 III power cord （訊源電源線） > Denon DCD100 > Kimber Tonik RCA 1.5m > Yamaha A-S300*> Canare 4S11 喇叭線配 古河GS200B (鍍銠頭)
（*試35a時擴音機會做轉6ohm/12ohm)
注意以下評測只是我作為一個消費者既主觀分享，如有得罪請各位師兄多多包涵。
為了準確起見，昨日先經過一輪測試得到一個初步聽感，今日再分三輪測試一次，前後都用咗6個鐘測試。測試碟有主力試男低音既羅嘉良-歲月流聲 、女高音 南妮-唱醉你及三首流行歌 陳奕迅<幸福摩天輪>、許美靜<城裏的月光>及劉德華<他的女人>。
南妮 唱醉你 <三寸天堂> <有點捨不得>< 情非得已>
UshersS520--> 女聲通透、純淨順滑，吸引到我想聽多幾首
Q Acoustics 3020i--> 人聲集中在偏低中頻，高音少少上唔到去，感覺英國音不太夾女高音，無聽哂三首就換喇叭
Spendor Classic ⅘-->絲滑高音，但都係英國聲音高音揦住聽落唔得舒暢，厚女聲有啲復古feeling少少悶聲
JBL L20t -->通透， 但冇S520咁直白清澈， 聽感開心，都可以吸引我聽多幾首
BestVox 3/5A 11ohm -->可能換了內機線，有空氣感但有啲耳壓不太舒服既感覺，算通透但女聲少少厚實，不過不失，還可以
排名（女高音）
1. UshersS520
2. JBL L20t
3. BestVox 3/5A 11ohm
Spendor Classic ⅘ 同Q Acoustics 3020i對播女高音唔算太理想但之後再試播許美靜等一般女聲問題不大
羅嘉良 歲月流聲 <陽光燦爛的日子><愛多錯多><心中有數>
BestVox 3/5A 11ohm --> 男聲不算太厚實,人聲少少扯高咗，少少薄同尖，較悶聽落冇咩感覺
Spendor Classic ⅘ -->夾到低沉男聲，出到厚暖寬宏磁性既人聲，聽感自然舒服男聲像真度高
UshersS520 -->因為佢本身有空氣感，歌曲聽落較有現代感，男聲低沉厚實但不算明顯突出，整體吸引聽落去
JBL L20t -->好聽，男聲有磁性但出唔到對應既味道。叫音染？唔知理應滄桑嘅歌可以聽到愉快感覺。可能高音活潑得滯所致？
Q Acoustics 3020i --> 跟Spendor Classic一樣男聲像真度高，但比classic差少少層次變化，算不錯
排名（男低音）
1. Spendor Classic ⅘
2. Q Acoustics 3020i
3 JBL L20t
最後聽埋三首流行歌 陳奕迅<幸福摩天輪>、許美靜<城裏的月光>及劉德華<他的女人>再確定一下整體聽感，得出以下結果
UshersS520
屬全頻喇叭，以這價錢有驚喜，暫時係我心目中最好既喇叭，中性細緻無染，人聲中頻稍偏高有女毒傾向，另外想講對系統有點要求但唔高，早前配Marantz PM6007高音有點難控制。優點任何歌曲輕鬆駕馭。
Spendor Classic ⅘
整體輕鬆，濃厚中頻，與S520相對應，如S520係認真聽音樂，Classic4/5就屬輕鬆聽音樂，亦可以話用S520聽女聲，Classic ⅘聽男聲。可長時期聽歌耳唔攰，與Q Acoustics 3020i比更有層次變化無咁易悶，女高音為其剋星，遇唔到應該問題不大。優點冇刺耳高音亦無擾隣低音能出有質素中頻人聲，會連同S520交替放入主系統。
JBL L20t
有活潑高音但感覺多咗啲少少而影響咗整體三頻平衡度，整體聽感氣氛愉快，低頻有份量，唔太揾到明顯缺點。女聲高音比s520差少少，男聲厚度比classic差少少，但雖然與S520都屬全頻喇叭，但聽羅嘉良時S520會將人聲微帶向上偏高頻而JBL雖然高音偏亮但亦保留到低沉男聲。優點明顯比較平均全能但已有40年歷史年事已高，作為後備存放補位。
Q Acoustics 3020i
大部分歌曲都容易播到好聲，但缺乏一點深度變化，聽耐啲會開始悶。優點對擴音機要求非常低，人聲準，打算放入大廳睇電視用
BestVox 3/5A 11ohm
空氣感多咗啲，聽女聲雖然配得上其女高音但無S520清澈直白，男聲方面薄尖聽感上無咁吸引，整體有少少不耐聽。不過在這評測上對佢少少唔公平，一來俾人換過內機線唔知原版聲音是否一樣，二來只係用石機黎試，遲吓用老陳膽機再試多次。 BestVox 3/5A 11ohm我玩過,覺得聲底幾中性.要夾amp,聽女聲發燒碟例如歌莉雅好正,但功率夠先推到好聲,yamaha s300應該發揮唔到,會薄尖. kenfu@G 發表於 2025-5-26 06:07
BestVox 3/5A 11ohm我玩過,覺得聲底幾中性.要夾amp,聽女聲發燒碟例如歌莉雅好正,但功率夠先推到好聲,yamaha ...
你好Kenfu, Bestvox是一對好喇叭，我有試過在幾個地方聽過先夠膽入手但全部都係配膽機，現在情況有啲似我曾擁有過的皇太子，有啲考機（石機）。補番句，雖然Bestvox新入但都係市面比較過一輪先入手,另外我亦有個人考量，太難推好聲的我較抗拒，因壞個兩部擴音機，唔想投資太大，如果唔係都想入對ATC 11{:1_352:} 師兄好勁。
好中肯，好體過d音嚮雜志。
頁:
[1]