啲聲好死實實點攪好
本帖最後由 chhanthony 於 2025-5-10 22:36 編輯上次喺前中置嘅第一反射點加咗吸音後，將本來已經唔高嘅 decay time進一步將啲高音減低過200ms，簡單啲講係大部份只剩直接聲，聲音清晰咗，定位好咗，但啲音吸到好死，啲顆粒感好強，聽得耐對耳會好攰。
前輩話齋「前硬中吸後擴散」，所以喺聆聽位嘅後方加幾塊Diffuser，考慮到荷包同天花牆身承重能力，就揀咗t.akustik Diffusor Manhattan GR eps set，£77一對真係幾平，當收到時就証明咗一分錢一分貨，成塊用啲好低密度嘅發泡膠做，重要係分開一條條要自己砌，柴房又細放曬一條條發泡膠喺地下又驚踩爛，好在都叫順利完成。
高估咗柴房嘅面積，買咗三套只用到兩套，加咗喺左右後側牆，後牆同後天花，開咗一陣歌仔聽，對耳係無咁攰，音場係闊咗少少，遲吓再試吓睇戲，同開個REW度吓。
分享一吓加咗吸音同未加前嘅RT60同Impulse response圖畀大家睇下分別。 真係要有適量殘響啲聲先好聽{:1_326:} 本帖最後由 lungaska 於 2025-5-11 14:18 編輯
marco 發表於 2025-5-11 09:51
真係要有適量殘響啲聲先好聽
冇錯,一兩年前曾經去過一個家訪,佢個空間用咗好多吸音嘅嘢，你喺嗰個空間講嘢都好明顯聽到自己把聲好似去咗一個密室裏便咁樣，吸死晒，再試多幾套戲，都因為佢用得太多吸音棉，令到所有喇叭走嘅完全吸到無咗，完全唔連貫各有各發聲，高音又衰減好多，總之聽落去啲聲好死，好怪 lungaska 發表於 2025-5-11 14:15
冇錯,一兩年前曾經去過一個家訪,佢個空間用咗好多吸音嘅嘢，你喺嗰個空間講嘢都好明顯聽到自己把聲好似去 ...
係呀，太干淨索得太死。無哂應有既尾音餘韻，感覺好怪
{:1_332:} 我反而覺得：尾音餘韻應該由作品本身發出會，好過由聆聽空間發出。
覺得聲死實，我估主因有兩個。
1. 作品本身死實。
2. 有駐波/相位唔啱導致音波相消... 韭菜仔 發表於 2025-5-12 19:07
我反而覺得：尾音餘韻應該由作品本身發出會，好過由聆聽空間發出。
覺得聲死實，我估主因有兩個。
1. 作品 ...
所以我覺得係要適當，唔係整到成間房都係 唔會全間都係吸音或全間都係擴散，要睇返本身個空間嘅體積同比例，但有大面積平面就點都要處理。 本帖最後由 xyzero 於 2025-5-18 20:57 編輯
chhanthony 發表於 2025-5-14 01:13
唔會全間都係吸音或全間都係擴散，要睇返本身個空間嘅體積同比例，但有大面積平面就點都要處理。 ...
都係嗰句啦，耳聽為實，無論消散速度也好，混響也好 ，個數字做到幾靚火焰圖有幾靚，都係要耳聽為實，其實真係冇話邊個位係一定係吸或者擴散，擺落去聽感唔啱數就係唔啱數，有啲人同我講後場一定要用擴散，但我ab比較一聽用吸係比較好，都係要睇返你邊樣嘢放落去啱數，數據呢啲嘢都係做參考，數字靚真係唔等同聽落去好，去過幾個地方聽，佢哋消散混響火焰圖全部數據亮麗，但結果聽咁強差人意，慢慢玩， 希望你快啲完成慢慢享受 本帖最後由 chhanthony 於 2025-5-18 21:35 編輯
xyzero 發表於 2025-5-18 20:56
都係嗰句啦，耳聽為實，無論消散速度也好，混響也好 ，個數字做到幾靚火焰圖有幾靚，都係要耳聽為實，其 ...
其實好唔好聽鍾唔鍾意聽好個人，套機又唔係用嚟please人，自己啱聽就得，數據呢啲都係做吓參考吓，叫做知道做咗啲咩處理得到咩效果。 chhanthony 發表於 2025-5-18 21:28
其實好唔好聽鍾唔鍾意聽好個人，套機又唔係用嚟please人，自己啱聽就得，數據呢啲都係做吓參考吓，叫做知 ...
冇錯👍🏻
頁:
[1]
2