erinerin 發表於 2025-4-29 13:28

$198 衝擊有線耳機界💥平價都有好聲「上官婉兒二代」

本帖最後由 erinerin 於 2025-5-9 15:01 編輯

唐族 上官婉兒二代 入手✅

小編Erinerin最近身痕想入手對有線耳機,見到唐族最近出咗對 $198,Type-C插+有埋咪嘅《上官婉兒2》入耳式耳機,就即刻拎咗嚟試試啦👌🏻 對於我呢個手機聽吓歌 + 日常使用語音輸入嘅小編,完全夠用✅


TypeC頭直接連手機使用
有線耳機最直接嘅好處就係「唔使 Adaptor 轉插」同「唔使叉電」。事源我用緊 Airpods 3 無線耳機係 Lighting 頭,但除咗佢,我所有 Device 都係用緊 Type C,一嚟要另外換線叉電、二嚟如果返工戴足8個鐘,基本一日就要叉一次電。至於揀嘅呢對上官婉兒2 就有 TypeC 頭 version,能夠直接插電話、甚至手提電腦使用!仲要唔洗叉電,啱曬成日戴住耳機煲劇、聽歌、語音兼扮公嘅小編啊!




對得住「高CP值」嘅音質體驗
上官婉兒第二代對比起第一代,單元升級咗,用上 10mm PET 震膜單元。配備鍍銀 OFC(無氧銅)耳機線,鍍銀有助於減少訊號損失,傳送更清晰嘅音質。除咗Default嘅基本耳膠,仲跟埋唐三彩耳膠,慢慢揀選最適合自己耳仔嘅耳膠~~

聲音方面,EQ 明顯比起 Airpods 更加強調樂器同背景音樂,中低音更強。聲音取向更加清脆,感受到左右兩邊走嘅聲音動態。以 $200 有找呢個價位,小編覺得聽吓 K-Pop或者 J-Pop 流行曲完全夠做,音質真係俾到驚喜。只係聽慣無線耳機嘅我略嫌動態太強,適合鍾意「砰砰嘭嘭」、「有感聽歌」嘅耳機初上路玩家。




總結
上官婉兒二代 顏色有黑色、白色,有 3.5mm/ 4.4mm/ Type C 插頭可以選擇,自行揀翻適合自己嘅就得嘞。想揀對CP值高,$兩舊有找嘅有線耳機,不妨考慮吓呢對 唐族嘅 上官婉兒 二代啦。







頁: [1]
查看完整版本: $198 衝擊有線耳機界💥平價都有好聲「上官婉兒二代」

重要聲明:本討論區是以即時上載留言的方式運作,Post76玩樂討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。Post76玩樂討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。權利。